6
Ange gi tagi o taahili; e hua madali denga mee hagadangidangi iai daula. E hua madali de Sheminith.*Sheminith: se muna ange gi denga hai daahili. Se Psalm nii David
1 Tagi Maolunga, koe gi dee hagaseegina loo au i doo lili,
gai gi dee haelea mai au i doo bole.*Psa 38.1
2 Tagi Maolunga, abodonu mai gi de au, au gu deai ogu mahi.
Tagi Maolunga, hagaieiangi ina ngau, au gu duasala mmao.
3 Gu duasala mmao ogu lodo;
Tagi Maolunga, dee hee maa taulooloa?
4 Tagi Maolunga, ahe mai hagaola ina dogu mouli;
hagaola ina mai au i hiidinga doo lodo aloha e dee helui donu.
5 E deai donu se dangada e manadua goe i dua dono magau.
Gai goai naa e duuhia goe i de mommee o de gau maakau?
6 Au gu dalea mmao i de gonogono;
de boo alodahi gai dogu moenga e ssui i ogu loimada,
ogu loimada e hai ga ssui dogu mee dagodo.
7 Luoogu mada gu hhua i dogu dangi;
luoogu mada gu baageaa i hiidinga o ogu hagadaumee.
8 Goodou hulo gee mai i ogu daha, go goodou e haia de baubau,
go hiidinga Tagi Maolunga gu langona dogu dangi.*Mat 7.23; Luke 13.27
9 Tagi Maolunga e hagallongo dagu dalodalo,
gai Tagi Maolunga e basa mai gi dagu dalodalo.
10 Ogu hagadaumee alodahi e odi naa i de dookaa ma de maatagu,
gilaadeu e saavini naa ga hulo gee i delaadeu dookaa.