1 Go Tagi Maolunga de buibui oogu e gai ange aagena.

Gai gu aha gu hai mai ai naa goodou gi de au,

“Hannoo mmuni i de mounga bei dagodo o dahi manu lele?

2 Tilo, de gau baubau gu dada alaadeu mee hholu;

gilaadeu gu hagaulu ange denga dao gi alaadeu mee hholu

i de mommee gohu e tili ai dangada e heohi olaadeu lodo.

3 De masavaa e oha ina ai denga dagelo,

gai ni aha naa a tangada heohi e maua i de hai?” *ni aha naa … i de hai, aabe ni aha a de Ia Heohi laa e hai?

4 Tagi Maolunga e noho i lo tono temple dabu;

Tagi Maolunga e noho i honga dono nohoanga i de langi.

Luoono mada e daumada;

luoono mada e hagatale dagodo hegau a dangada.

5 Tagi Maolunga e tilo dagodo o dangada heohi,

aagai ia e kino i de gau baubau, ma gilaadeu e vaivai haia dangada.

6 Ia e hai naa gi loiho gi honga o de gau baubau

de ahi ma maga ahi ula;

gai tuuhanga i lodo alaadeu ubu

go de madangi hagavvela.

7 Go hiidinga Tagi Maolunga e heohi,

ia e lodo mmao i de hagamodu heohi,

gai go gilaadeu e heohi e gidee luoono mada.