1 Tagi Maolunga, dee hee maa taulooloa dau hagangalo au?

Dee hee maa taulooloa dau hagammuni luoo mada i de au?

2 Dee hee maa taulooloa dagu hagasaele i ogu lodo,

ma de daemaha ogu lodo mai i taiao ga boo ai?

Dee hee maa taulooloa de kii o ogu hagadaumee i de au?

3 Tagi Maolunga dogu Maadua, anga mai ma gi basa mai gi de au.

Hagamaalama ina luoogu mada, gi dee magau ai au,

4 gai gi dee hagadaba ai dogu hagadaumee, “Au gu hagadee kii ia;”

gai ogu hagadaumee gu malangilangi i dogu baguu.

5 Aagai au e hagadonusia doo abodonu;

au e malangilangi i dau hagaola.

6 Au e daahili ange gi Tagi Maolunga,

i hiidinga dono abodonu mai gi de au.