1 Tagi o denga hagabuulinga hebagi,

ga dae laa de mahamaha o doo mommee noho!

2 Au e hinangalosaa aama de lodo mmao

e tilo de buibui o de hale o Tagi Maolunga;

ogu lodo ma dogu ngudu e daahili i de malangilangi

ange gi de Maadua e mouli laa.

3 De sparrow*de sparrowma de swallowni manu llele vaaligiligi. e dahi ono hale,

gai de swallow e dahi hoohanga, e dugu ai ana dama,

i gaogao au mommee o ssigidaumaha,

Tagi o denga hagabuulinga hebagi, dogu Hodooligi ma dogu Maadua.

4 E manuuia gilaadeu e nnoho i doo hale,

gilaadeu e tuhi naa goe ga hano ai.

5 E manuuia gilaadeu aau e hagammahi ina,

gai olaadeu lodo gu paba ange e hulo gi Zion.

6 De masavaa olaadeu e hulo ai laa lo te geelonga o Baca,

gai gilaadeu ne hai kilaa ga se mommee iai denga saalingaa vai;

de langi e humai laa i mua e hhao kilaa ga honu i vai.

7 Gilaadeu e hagadagadaga ange de mmahi;

gilaadeu e tuu naa i mada i mua o de Maadua i Zion.

8 Tagi Maolunga, de Maadua o denga hagabuulinga hebagi,

hagalaangona dagu dalodalo;

de Maadua o Jacob, hagalaangona!

9 De Maadua, galo iho diiloo demaadeu mee hungihungi;

gai abodonu ange de ia aau gu hagadabu i de lolo.

10 Dahi laangi i lo too hale e danuaa ange

i e mano laangi i dahi mommee ange.

Au e kii ange dogu lodo gi se dangada hagaloosi i de haitoga o de hale o dogu Maadua

i dogu noho i de hale o tangada baubau.

11 Go hiidinga Tagi Maolunga de Maadua e bei de laa ma de mee hungihungi;

ia e abodonu mai aama de hagadubu au.

Ia e dee daohi donu dahi mee danuaa daudahi

i gilaadeu e seesee i de heohi.

12 Tagi o denga hagabuulinga hebagi,

e manuuia tangada e hagadonusia goe!