1 Go Tagi Maolunga e hodooligi;

henua i lalo gi lodo danuaa,

gai mommee lagolago i tagudai gi malangilangi.

2 Denga hagausinga ma de gohu boo dangodango e duuli ia;

dono nohoanga hodooligi e hagaduu i de heohi ma de hagamodu muna heohi.

3 De ahi e hano i ono mada i mua

e dudu ai ono hagadaumee alodahi i luoono baasi.

4 Ana uila e hagamaalama henua i lalo;

henua i lalo gu ngalungalue i dana gide mee nei.

5 Denga mounga e vaivai naa bei de candle i mada luu mada o Tagi Maolunga,

ma mada i mua o de Ia Aamua o henua i lalo alodahi.

6 De langi e tala bolo ia e heohi,

gai dangada alodahi gu gidee dono mahamaha.

7 Dangada alodahi e daumaha ange gi denga diinonga e dookaa naa,

ma gilaadeu e duuhia denga diinonga;

denga diinonga alodahi, daumaha ange gi de ia!

8 Zion e malangilangi i dana langona mee nei;

denga aduhale o Judah gu lodo danuaa,

i hiidinga o dau hagamodu heohi, e Tagi Maolunga.

9 Tagi Maolunga, koe e maolunga mmao i henua i lalo alodahi,

koe e maolunga ange i denga diinonga alodahi.

10 Dangada e aaloha laa i Tagi Maolunga gi kino i de baubau;

ia e buibui mouli o ono dangada dabu,

ma de hagaola gilaadeu mai i de gau baubau.

11 De maalama e hagamaalama gilaadeu e heohi,

gai gilaadeu e heohi olaadeu lodo e malangilangi.

12 Goodou e heohi gi malangilangi i Tagi Maolunga,

gai duuhia dono ingoo dabu.