1 Daahili ange gi Tagi Maolunga i taahili hoou,

i hiidinga o ana hegau hagalele mouli gu hai;

dono lima madau ma dono lima dabu gu hai ma gu kii ia.

2 Tagi Maolunga gu hagaago mai dana hagaola,

ma de hagaago ange gi denga huaahenua dono heohi.

3 Ia tee ngalo donu dono abodonu,

ma de hai hegau i de mee abodonu ange gi de gau Israel.

Henua i lalo alodahi gu gidee e gilaadeu

de kii o taadeu Maadua.

4 Henua i lalo alodahi, hevaalogi duuhia Tagi Maolunga;

malangilangi, daahili ma de hagadangidangi!

5 Hagadangidangi ma de daahili ange gi Tagi Maolunga;

hagadangidangi i de harp ma de daahili.

6 Ilihia denga trumpet ma denga hanga manu,

gai malangilangi i mada i mua o de Hodooligi, go Tagi Maolunga.

7 Tai ma mee alodahi i ono lodo gi haganngolo,

henua i lalo ma dangada alodahi e nnoho ai.

8 Denga saalingaa vai gi baabaa olaadeu lima,

gai denga mounga alodahi gi daahili i de malangilangi,

9 i mada i mua o Tagi Maolunga, go hiidinga ia e humai naa

e hagamodu muna o henua i lalo.

Ia e hagamodu muna o henua i lalo i de heohi,

ma de hagahedae dangada.