1 Duuhia Tagi Maolunga!*Duuhia Tagi Maolunga: de muna Hebrew go Hallelujah.

E manuuia tangada e madagu i Tagi Maolunga,

ma de malangilangi mmao i ana hainga.

2 Dono aamuli e maolunga naa i honga de henua;

de atangada o tangada heohi e manuuia naa.

3 Dono hale iai de lava ma goloa lagolago;

gai dono heohi e dagodo ga hano ai.

4 De maalama e hagamaalama gilaadeu e heohi i de masavaa e gohu ai,

go hiidinga gilaadeu e abodonu ma de lodo aaloha aama de heohi.

5 Tanuaa e humai naa gi tangada abodonu ma de gaavange sseene gi dangada,

go tangada e hai hegau i de hagamodu heohi.

6 Ni muna abodonu, tangada heohi e dee baguu naa donu;

gai dangada e dee ngalo naa donu ia ga hano ai.

7 Ia e dee madagu donu i denga longo hagamanavasaa;

ia e duu ma e makaga, gai e hagadonusia Tagi Maolunga.

8 Ono lodo e baba, ia e dee madagu donu,

ga dae ai gi dana gidee tee kii o ono hagadaumee.

9 Ia e ngadi gaavange mee gi gilaadeu e duasala,

gai dono heohi e dagodo ga hano ai,

dono hanga e laumalie mmao dono hagadubu.*2 Co 9.9

10 Tangada baubau e lili i dana gidee mee nei;

ia e kadi naa ono niho ma de madagu;

gai mee o tangada baubau e lodo ai e llilo naa donu.