1 Tagi Maolunga, au e dangi adu gi de goe i de daemaha ogu lodo;

2 Dogu Ia Aamua, hagalaangona dogu leo.

Anga mai hagalaangona dogu dangidangi adu koe gi abodonu mai.

3 Tagi Maolunga, noo koe e golo age de baubau,

de Ia Aamua, gai goai ai naa e maua i de duu?

4 Aagai koe e degi ange gi haisala o dangada,

gai gi maatagu ai gilaadeu i de goe.

5 Au e tali ange Tagi Maolunga,

dogu hagasaalunga e tali,

gai au e tali hagalodolodo ange gi ana muna;

6 dagu tali ange de Ia Aamua

e kii ange i de tali a de gau dagitilo de ao de mee,

e kii ange i de tali a de gau dagitilo de ao de mee.

7 Israel, goodou tali hagalodolodo ange gi Tagi Maolunga!

Go hiidinga Tagi Maolunga e abodonu mmao,

gai ia e honu dana hagaola.

8 Ia e hagaola naa donu Israel

mai i olaadeu baubau alodahi.*Mat 1.21; Tit 2.14