132
Se daahili ange gi de loage ⌊e hulo gi Jerusalem⌋
1 Tagi Maolunga, manadua David
i denga hai ngadaa alodahi gu hai ange gi de ia.
2 Ia ne hai dahi hagatoo donu ange gi Tagi Maolunga,
ma de hagatoo donu ange gi de Ia Mmahi o Jacob:
3 “Au e dee ulu naa donu i dogu hale,
aabe e hano e dagodo i dogu moenga;
4 au e dee seni naa donu
aabe e mmoe luoogu mada e dama seni iho,
5 ga dae ai gi dagu gidee dahi mommee moo Tagi Maolunga,
se mommee e noho ai de Ia Mmahi o Jacob.”
6 Tilo, gimaadeu ne langona i Ephrathah;
gai gimaadeu ne gidee i lo te duu malaelae o Jaar:*2 Ch 6.41-42
7 “Gidaadeu ga hulo gi dono mommee e noho ai;
gidaadeu ga ino e daumaha i gaogao
de mommee e dugu ange aagena luoono vae.”
8 Tagi Maolunga, hidi age humai gi doo mommee e hagamabu ai;
go koe ma de ngavesi iai doo sauaa.
9 Oo dangada haimeedabu gi kahu i de heohi;
gai oo dangada dabu gi daahili i delaadeu malangilangi.
10 Koe gi dee huli gee i de ia aau gu hagadabu i de lolo,
i hiidinga o doo dangada hai hegau go David.
11 Tagi Maolunga ne hagatoo donu ange gi David i de muna abodonu,
gai ia e dee sui naa donu dana hagatoo donu:
“Au e hai naa dahi oo hagadiilinga
gi noho i honga doo nohoanga hodooligi.*2 Sa 7.12-16; 1 Ch 17.11-14; Psa 89.3-4; Acts 2.30
12 Noo au dama e daohi dagu hagatoo donu hagaheloongoi,
ma muna aagu e agoago ange gi gilaadeu,
gai alaadeu dama e dagi naa i doo nohoanga
ga hano ai e dee ngado mai.”
13 Go hiidinga Tagi Maolunga gu hili Zion;
ia ne lodo danuaa i de hai ai dono mommee e noho ai:
14 “Deenei dogu mommee noho ga hano ai;
go kinei oogu e noho ai i hiidinga go de mommee oogu e lodo ai.
15 Au e hagamanuuia naa de mommee nei i tau gai laumalie;
Au e hai naa gi boobosu de gau hagaau aloha i kilaa.
16 Au e hakahu naa ono dangada haimeedabu i de hagaola,
gai ono dangada dabu e daahili naa i delaadeu malangilangi.
17 Au e hagasula age naa dahi hagadiilinga*dahi hagadiilinga: de Beebaa Hebrew e hai ange dahi hanga. o David gi hodooligi i kilaa;
ma de hagaduu age dahi laama
ange gi de ia aagu e hagadabu i de lolo.*1 Ki 11.36
18 Au e hai naa gi dookaa ono hagadaumee,
aagai de hau hodooligi i honga dono biho e hagadagadaga age naa.”