1 Gimaadeu ne nnoho i gaogao denga saalingaa vai i Babylon ga tangi ai,

i de masavaa amaadeu ne manadua ai Zion.

2 Gimaadeu ne hagalau age amaadeu harp

gi honga de manu somo go de willow i kilaa.

3 Dangada ne gaavee gee gimaadeu ne hai gimaadeu gi huudia amaadeu daahili;

gilaadeu e hagammae ina gimaadeu ne hai gimaadeu gi huudia denga daahili hagamalangilangi,

gai ne hai mai, “Huudia mai dahi oodou daahili mai i Zion!”

4 Dee hee demaadeu hai e hua ai dahi daahili a Tagi Maolunga i dahi henua gee?

5 Jerusalem, noo au gu ngalo goe,

gai dogu lima madau gi ngalo de hai e hagadangidangi ai!

6 Gai dogu alelo gi lau, noo au gu dee manadua goe,

noo au e dee hai Jerusalem go dogu mee e malangilangi mmao ai.

7 Tagi Maolunga, manadua mee a de gau Edom ne hai,

i de laangi o Jerusalem ne oohaa ai.

Gilaadeu ne hagataba, “Oohaa ina,

oohaa iho donu gi sula age tagelo!”

8 Dangada o Babylon, gu hagamodu e daa gi maakau,

e manuuia tangada e suuia adu oodou hegau ne hai mai gi gimaadeu.*Rev 18.6

9 E manuuia tangada e booboogia au gaagaa ga hagailiili ange gi denga hadu.