136
1 Hagaahe ange de abodonu gi Tagi Maolunga, go hiidinga ia e danuaa.*1 Ch 16.34; 2 Ch 5.13; 7.3; Ezra 3.11; Psa 100.5; 106.1; 107.1; 118.1; Jer 33.11
Dono abodonu e dagodo ga hano ai.
2 Hagaahea ange de abodonu gi de Maadua o denga maadua.
Dono abodonu e dagodo ga hano ai.
3 Hagaahe ange de abodonu gi de Ia Aamua o denga dagi.
Dono abodonu e dagodo ga hano ai.
4 Go ia donu huu e haia denga hegau hagalele mouli,
Dono abodonu e dagodo ga hano ai.
5 go ia ne haia de langi i dono donu ange,*Gen 1.1
Dono abodonu e dagodo ga hano ai.
6 go ia ne hoolaa henua i lalo i honga denga vai,*Gen 1.2
Dono abodonu e dagodo ga hano ai.
7 go ia ne haia denga mee hagamaalama nnui —*Gen 1.16
Dono abodonu e dagodo ga hano ai.
8 de laa gi dagina de laangi,
Dono abodonu e dagodo ga hano ai.
9 gai de maasina ma denga heduu gi dagina de boo;
Dono abodonu e dagodo ga hano ai.
10 Ange gi de ia ne daia ga maakau denga dama daane maatua a Egypt,*Exo 12.29
Dono abodonu e dagodo ga hano ai.
11 gai ga hagassao mai de gau Israel i olaadeu magavaa,*Exo 12.51
Dono abodonu e dagodo ga hano ai.
12 i dono lima mmahi gu hagaabo laa;
Dono abodonu e dagodo ga hano ai.
13 go de ia ne vaaea lua Tai Mmea,*Exo 14.21-29
Dono abodonu e dagodo ga hano ai.
14 gai ne hai Israel gi seesee i lo te dai laa,
Dono abodonu e dagodo ga hano ai.
15 aagai ne tili ange Pharaoh ma dono hagabuulinga hebagi gi lo te Dai Mmea;
Dono abodonu e dagodo ga hano ai.
16 go ia ne dagina mai ono dangada laa lodo henua;
Dono abodonu e dagodo ga hano ai.
17 go ia ne hagadee kii ina denga hodooligi mmahi,
Dono abodonu e dagodo ga hano ai.
18 ma de daa ga maakau denga hodooligi mmahi:
Dono abodonu e dagodo ga hano ai.
19 go Sihon, de hodooligi o de gau Amor,*Num 21.21-30
Dono abodonu e dagodo ga hano ai.
20 ma Og, de hodooligi o Bashan,*Num 21.31-35
Dono abodonu e dagodo ga hano ai.
21 gai ne bolo ange olaau henua
Dono abodonu e dagodo ga hano ai.
22 gi Israel, dono dangada hai hegau.
Dono abodonu e dagodo ga hano ai.
23 Ia ne manadua mai gidaadeu i de masavaa odaadeu ne hagangadi mee ina ai,
Dono abodonu e dagodo ga hano ai.
24 gai ne hagaola gidaadeu mai i odaadeu hagadaumee.
Dono abodonu e dagodo ga hano ai;
25 Mee alodahi e mouli, go ia e gaavange alaadeu gai,
Dono abodonu e dagodo ga hano ai.
26 Hagaahe ange de abodonu gi de Maadua o de langi.
Dono abodonu e dagodo ga hano ai.