Daniel
?Na Hava te tughunia igaa?
Na buka Daniel eni kara gerea tana bona rana Jews tara vahaghitaili mara totoro sarana na maana pungisia na Vunaghi haba Nebuchadnezzar. Nebuchadnezzar te lagavulea Jerusalem tana ono hangalatu lima na niulu B. C. Tana bona keri gaia te holara/tivakehara balu na Jew nagho i Babylon. Daniel kolura balu kulana tara sara mai i Babylon mana buka eni tara tutugua na hava te kalera.
Na buka te loghoa erua na levu. Sakai te loghoa na lei tutugu vania na hava te kalera Daniel ma rana kulana. Ilokana didira na taluutuni ta God gaira tara lagavulera rana kana. Rana tutugu te kale tana bona Babylon mi Persia toro vunaghi pungisia na maramana. Eruani na levu te loghoi nina lei maturubole/mabubu Daniel. Na lei totoghale ilokani tara tatea na lei kinakabu tara dato mi geva horu, vuivuni tana Babylonia me bosadilaa rana vunaghi dika tara tumu horu ma nina vure God tara lagavulera rana kana.
Na lei ghanaghana tara mava ilokana na buka eni
God te righitaonira Daniel ma rana kulana (1:1-6:28)
Nina maturubole/mabubu Daniel (7:1-12:13)
Ra vati na maumanu (7:1-28)
Na sheep mane mana goat mane 8:1-9:27)
Na angel holabosa (10:1-11:45)
Na lei bongi sosoko (12:1-13)
1
Daniel te ghaha i Babylon
I lokana tolu na niulu na Vunaghi haba Jehoiakim te vunughi pungisia Judah, na Vunaghi haba Nebuchaduezzar ni Babyon te mai Jerusalem kolura lei nina mane veitotoghoni mara tughuru talighutia na komu mara veitotoghoni kolura na lei mane veitotoghoni ni Jew. Ma Lord te nea na Vungaghi haba Nebuchaduezzar me laga vulea Jehoiakim na vunaghi haba ni Judah. Tana bona na vunaghi haba Nebuchaduezzar te pulohi Babylon, agaia te holai balu totobo tabu ilokana nina Valetabu God me vaa talui ta nina vale ni baore/nilau nina god tana komu sule Babylon.
Mana vunaghi haba te [hea na bosa/arovaghi nia] Ashpenaz, agaia na mane nagho te righitaonia na valena na vunaghi haba, geke holara mai itadira gaira kara holara mai Babylon ma kara talura tana kabu pipiti, na balu mane vaolu tana nina binaboli na vunaghi haba ni Judah, maia tana nina binaboli na lei mane nagho. Me ke vilira vamua tara laga, mara loghoa na vola te uto, maira tara matakage, ma kara manahani na lei totobo soko, makara loghoa na sonihalavu ni naunau, me ke manadia na lutu tana valena na vunaghi haba. Maia ghua ke taraira nia ghua na iduniana mana gereaa a leu ni Babylon. Mana vunaghi haba te bosa ghua ge rana tinoni lutu kara vahera na vanga mana wine vanira tughu bongi kara gonighi mai ta nina vale ni gehe vanga, ge kara ghanighi. Ma kara [tabotabora/naunaura] ilokana e tolu na niulu, keri ge kara va lutu vania na vunaghi haba.
Itadira rahei tara vilira, gaia te vilira Daniel, Hananiah, Mishael maia Azariah, na vati na mane vaolu tana kemana Judah. Mana mane naghodira te tughui na ahadira va tana aha ni Babylon,
Daniel te holoa nia Belteshazzar,
Hananiah te holoa nia Shadrarch,
Mishael te holoa nia Meshach,
ma Azariah te holoa nia Abendnego.
Nina talutuni Daniel i Babylon
Hauva ke, ma Daniel te ghanaghana geke mua va metoa heghena nia na ghaniani na vanga mana wine kara nighi mai vania tana valena na vunaghi haba. Ma gaia te va nongia Ashpenaz, na mane nagho geke ghania siki vanga te keha. Ma God te nea na mane naghodira geke arovia Daniel. 10 Hauva ka, ma Ashpenaz te nia mataghu sule ngangata ta nina ghanaghana Daniel. Ma gaia te ghaghua, “Inau tu mataghuni ngangataa na vunaghi haba. Nigua na Maghutu, na vunaghi haba te bosa tua ge ko ghanighi na vanga mana wine raini. Ma ge ke sivi na hulimu mo ko sighere tadira na lei lavata ni mane ke, igeva ke labumateu na pukuna tu mua goni utoa na lutugu.”
11 Ma Ashpenaz te vilia na mane geke righi taonira Daniel ma Hananiah, Mishael ma Azariah. Ma Daniel te varighia so na mane, 12 me bosa vania, “Ko tabotaboghai i lokana hangavulu na bongi nia na vanga tana leghai kai ghania, mana beti lee vamua kai inuvia. 13 Mi tana sosokona hangavulu na bongi, vaho ge ko righighai kolura arahei tara vanga mara inu tana valena na vunaghi haba. Keri vaho geko vili ghanaghana te manami so na tona haliu na ghaniani na vanga tai nongia pe taho.” 14 Mana mane te righitaonira te talamaghinia na ghanaghana ta Daniel, me tabora ilokana hangavulu bongi. 15 Mi tana sosokona hangavulu na bongi ke, Daniel kolura na tolu hoghona tara marabu na reireidira mara laga vaa itadira arahei tara ghania na vanga te bosa na vanaghi haba. 16 Mi murina keri na mane te righitaonira te kutira nia vamua na vanga mana raurau kukuti, tughua nia na lei vanga uto tana valena na vunaghi haba.
17 Ma God te vahera na vati na mane raini na manaha te sule nganata na idumiani mana gereani tana buka, mana lei kokoe manaha, mana manahaani na lei bona ni aho. Me vahea ghua Daniel na manaha te sule, na toghiani na lei mabubu mana maturu bole.
Daniel te ghaha so i Babylon
18 Mete soko tua te tolu na niulu ni tabotabo te nia hevei na vunaghi haba, Ashpenaz te holara mai na lei mane vaolu vania na Vunaghi haba Nebuchadnezzar. 19 Mana vungaghi haba te sopa kokoe vamua sopa sakai tadira, me mua ghanaghana mava ahei itadira vulera Daniel, Hananiah, Mishael maia Azariah. Keri ge ra vilira ge kara vaa lutu vania na vunaghi haba. 20 Tana lei vahola/vaho te vagha na lei vili manaha mana dete kaekage na vunaghi haba te sodoa itadira, na lei mane raini tara vulera lei mane gehe tidalo nina na vunaghi haba. 21 Ma Daniel te ghaha so iga polo ta nina vuivuni ni niulu na vunaghi haba Cyrus* nina vuivuni ni niulu na vunaghi haba Cyrus Aeni ke, lima hangalatu tolu hnagavulu alu (538) na niulu B. C. te vunaghi [pungisi].

*1:21 nina vuivuni ni niulu na vunaghi haba Cyrus Aeni ke, lima hangalatu tolu hnagavulu alu (538) na niulu B. C.