1 Pwen hamou iyki kei hamwat para tandrohonge tehe nes hamwat isa kili yo para karandrohongani melit, pe ipa, “Aya pe arandrohongani yumwa totohun namandran ta Ngindrai pe pere tuntun, pe andromwa hu ndramat para totohun hutora ara. 2 Hapeko mbuna arandrohongani kou namandran hira ngawan para yumwa totohun namandran, ara ataliy, paratesah, kaniykiy kinna ta hu Ndramira Lah mepo hu ndramira Yutah pwi. Pe andre hu kangastoro*kangastoro pe nongan aro, ara ipa, andre hu kapwalnganiy kiro kol namandran haiyan, ara walah haangui pe luwoh. 3 Pe andre kurakinima hilu ndramiro malmou para kapwokeyani titiye to, pe andre hilu kasuluye hilu kiya koyau para koisirai, pe andre hilu kawong nongna poropet nondriya lang sopou, lungat pe anongui (1,260).” 4 Pe hilu ara tehe kei holip malkou, pe tehe sui makakan malwoh, mepo ita tine mbulmara Yapan para kol pwan. 5 Kapa hamou pakinohonou para kiyki ngandran kiya kili hilu, ara mwan andre kiyau poho hilu pe kitimwi hu ndramat ngara kamwisnani hilu. Pwen kapa hamou inamiliy para kiyki ngandran kiya kili hilu, ara iyau sai tehen toro ko, pe andre kimat. 6 Pe hilu ndramat aro, ara pwoke ita kili hilu para kawari yang pe mbulou andre kinndrut pwi kipoo hilkawong nongna poropet kihipwen. Pe pwoke ita kili hilu para hilu karapaiwani hu ndran karayah ndrai, pe kaiki nopwaran mwomwan handra-handra kiya kol pwan ken kiho ken kiya namiliwa hilu.

7 Pwen, kiro mwonen hilu katiyani titiye tahilu kihipwen, pwen kan puyap mepo isa paingan ngat mbulun pwi, ara andre kipopahun kiyasura hilu, pe andre kiramwaitini pwoke ta hilu, pe kitingundru hilu. 8 Pwen nombuwe hilu andre kiye pwan sai para kol namandran mepo hupandrohonge pe hupohowe ngala kol ara Sotom ndre Yisip†Sotom ndre Yisip nongan ara, ara ipwandrohonge iyata hu ndramat mepo ngara hu kambusi kultuw pwasin kiro kol malkol ara., kol namandran mepo Yapan ta hilu hu rapaingi yiy iho aliy. 9 Pe kiro nondriya lang royoh pe sahin, hu ndramat hayah para hu ndramat masih, hu ndramat hayah para kamai hawum-hawum, pe hayah para nongna kol handra-handra, pe kol namandran masih hakol-hakol, andre kanime nombuwe hilu pe kahambuwali hu para karoni nombuwe hilu 10 Pe yihu ndramat para kol pwan andre kapwes pe kanamnam, pe karo yuk hu yukyuk kiro kili hamou kiya kili hamou, paratesah, kanitingundru hilu. Paratesah, hilu poropet malmou iye, ara hilu kaniyki ngandran kinna kili hu ndramat para kol pwan.

11 Hapeko iya mulan para lang royoh pe sahin, ngoha Ngindrai para taleh iya nondriya hilu, pe hilro tine iya ndrika hilu. Pe hu mepo hunime hilu, ara hunoh turuwehu. 12 Pe hilu hilingi yoholai sahin namandran iyau kol paingan yang iyoh iya kili hilu ipa, “Alkasa paingan iye.” Pe yihu para mwisnani hilu, ara hu nime hilu hilya paingan kol paingan yang iho nondriya kokom hasai.

13 Pe iro mwonen paramwandrai ara, ara nunuw sahin namandran irayah iro nondriya kol namandran ara, pe seu hawum nondriya hu seu masongui, ara huhulan. Pe nondriya nunuw ara ko, hu ndramat manandrtipou humat, pe hu mepo huro mwalen ndron, ara hunoh turuwehu pe huhuri ngala Ngindrai para kol paingan yang.

14 Nopwaran lusap kinsa pwen; pe nopwaran tisap, ara itapo isa pakeh.

15 Pwen angelou andrtimou ira ndrah tan, pe hu para kol paingan yang, ara huyoh namandran iya hupa,

19 Pwen yumwa totohun namandran ta Ngindrai ara ite iro nondriya kol paingan yang, pe nondriya yumwa totohun namandran ara, ara unime kokou para tapaniu tan. Pe hu kamit huro kamiriy, pe ngasangasa hu melit, palan huro talon, pe nunuwa kol iya, pe mbulou indrut tehe hu pat sakai husa pwan.