Sam Kratrtqki-esz'-nzpnu-pwx-nrade-li (142)
Aopxbz Drtqnge Mz Nzkxpu-krngeng
Nabz ne Devet mzli kc tqmncpx-ngrmle mz butqbr.
1 Yawe, yrni-katobo bam,
Murde naokatrq ninge.
2 X pibo bam da kx lctr-ngrbz drtwrnge,
X nzkxpungr kcng tqprtzmqng bange.
3 Kxmule-esz' nabznge baonepe, a' nim kc tqrtwayz zvz mz nzvz-krnge.
Murde enqmi rngeng nzryrlq-kapqpeng trtxki mz lrpzki rnge.
4 X kx obq-ngalex kc nrlc, trpnzngr kx mcx kx naokatrle ninge,
X trpnzngr kz kx na-aclve-zpwxle ninge.
5 Yawe, kqlex nim,
Murde nim me rlakitrx, x nim nou nzmnc-zpwx-krnge.
6 Ayzlum natqnge
Murde nabznge talvzo zlwz.
7 Aopxbz drtqnge mz nzkxpu-krngeng murde na-awibo bam,
X kxnztubqng natu-ngalelvzlr ninge mz nzglqlz-krdr nim mz nzamrlz-zlwz-krm ninge.