2
Nəgkiarien ramvən kɨmi nəməhuak mɨnə apa Efesas
Kɨni rɨmɨni-pə tuk yo mɨmə “Rai nəkwəkwə kɨrik rɨvən kɨmi agelo kape niməhuak apa taon e Efesas, mɨni-pən mɨmə,
Yermamə yame ravəh kəmhau seven ye kwermɨn matuk, Rev 1:16 mameriwək ye kwerkwan ye nar kamərəhu-pən laet iran, Rev 1:12-13 iriə seven, yame kɨmnor kɨn gol, kafan e nəgkiarien ramni mɨmə,
“Nəmə Efesas, yakɨrkun kapəmiə norien mɨnə. Yakɨrkun mə naksəmnhakw pɨk, nərɨgien kapəmiə rəpomh, naksarer tɨm tɨm. Yakɨrkun mə kɨmiə nakhani-əhu nəmə has mɨnə. Kɨni narmamə tɨksɨn aikɨn kamhani mə iriə aposol mɨnə, mərɨg iriə khapəh nɨsəfrakɨsien, kɨni naksəkir əmhen əriə, masəm mə iriə nəmeikuə mɨnə. Yakɨrkun mə nərɨgien kapəmiə rəpomh. Nahasien ravəh pawk əmiə, mərɨg nakasərer tɨm tɨm tuk nhagɨk, mhapəh nɨsəpouyen.
Mərɨg nakasor nar kɨrik yame rapəh nəmhenien ye nɨmrɨk: Nakwəsəpəh norkeikeiyen kupən kapəmiə. Jon 13:35; Jer 2:2-5 Rɨkimiə tukraməsɨk norkeikeiyen yame nɨmɨsarə iran kupən. Sarar, masor nar yame nɨmnasor kupən. Tukmə nakhapəh nɨsararien, jakurə, mɨrəhsi-ta nar e kamərəhu-pən laet iran kapəmiə ye kwənmhaan yame ramərer ikɨn. Mərɨg nar kɨrikianə əmə e nakasor rhuvə: Naksəməkɨn norien has mɨnə kape nukwao kape Nikolas* Nikolas in yhajoun eikuə kɨrik. Tukmə ror in ramhajoun mə narpɨnien rɨrkək tuk təvhagə has; mɨmə “Pəh kɨsor əmə təvhagə has mamharpɨn.”, rəmhen əmə kɨn yame yo yakəməkɨn əriə.
Yermamə yame nɨmətɨrgɨn rarə, tukraməkeikei mərɨg huvə nəgkiarien yame Nanmɨn kape Kughen ramni-pən tuk niməhuak mɨnə. Yermamə yame rapita ye narowagɨnien e, Yo jakeighaan kɨn in mə tukrən kwənkwai nai yame ravəhsi-pən nɨmraghien, yame rauruə ye nəsimien kape Kughen.” Jen 2:9; 3:22-24; Rom 5:12,18; 6:23; Rev 22:2
Nəgkiarien ramvən kɨmi nəməhuak mɨnə apa Smana
Kɨni In rɨmnəgkiar mamni-pə mɨmə, “Rai nəkwəkwə kɨrik rɨvən kɨmi agelo kape niməhuak apa taon e Smana, mɨni-pən mɨmə,
Yermamə yame in nɨrikakunien mɨne nərkinien, yame rɨmamhə mɨmragh mɨn, Rev 1:17-18 kafan e nəgkiarien ramni mɨmə,
“Nəmə Smana, yakɨrkun mə naksarə ye nɨpɨg əutən, kapəmiə nautə rɨrkək. Mərɨg pəh nien mə kapəmiə nautə rɨrkək əfrakɨs. !Kɨmiə, kapəmiə nautə rehuə pɨk əgkəp! Yakɨrkun mə narmamə tɨksɨn kamhani hah əmiə, mamhani mɨn mə iriə e narmamə yamə mɨne Kughen rɨmɨrpen-ta əriə Gris ramni mə, “Iriə kamhani mə iriə kwənərəus kape Isrel, mərɨg nofugɨnien kapəriə kape Setan əmə.”. Mərɨg nɨkam. Kapəriə nimə kape nofugɨnien, kape Setan əmə. Jon 8:33-47 10 Takhapəh nhagɨnien kɨn nəmhəyen yame pəh nien mə tuktu tukrurə irəmiə. Yakamni-pre tuk əmiə, mə Setan tukrəhi-pən əmiə tɨksɨn ye kalabus mə tukəm əpu-ru nhatətəyen kapəmiə. Kɨmiə taksarə ye nəmhəyen kape nɨpɨg ten. Taksərer tɨmtɨm mɨseriaji nɨmhəyen kapəmiə. Kɨni jakvəhsi-pre kapəmiə nərokien, rəmhen kɨn yame kəvəvhao-pən kɨn nar kɨrik ye kapən kapə yermamə yame rɨnapita ye naiyuyen. Nərokien e in e nɨmraghien rerɨn.
11 Yermamə yame nɨmətɨrgɨn rarə, tukraməkeikei mərɨg huvə nəgkiarien yame Nanmɨn kape Kughen ramni-pən tuk niməhuak mɨnə. Yermamə yame rapita ye narowagɨnien e, tukrɨpəh nɨvənien marə ye nəkwai nap ehuə.” Rev 20:11-15; 21:8
Nəgkiarien ramvən kɨmi nəməhuak mɨnə apa Pegamam
12 Kɨni In rɨmnəgkiar mamni-pə tuk yo mɨmə, “Rai nəkwəkwə kɨrik rɨvən kɨmi agelo kape niməhuak apa taon e Pegamam, mɨni-pən mɨmə,
Yermamə yame ramrəh nau yame resrə ye nɨkarɨn mir, kafan e nəgkiarien ramni mɨmə, Rev 1:16
13 “Nəmə Pegamam, yakɨrkun ikɨn nakasarə ikɨn. Taon a, Setan ramkwətə mamarmaru ikɨn. Mə taon e Pegamam, kasəhuak pɨk kɨmi kughen eikuə mɨnə aikɨn. Mərɨg kɨmiə naksarer tɨm tɨm tuk yo. Apa taon a, Setan ramarmaru ikɨn, kɨmnhopni pawk kwən a Antipas, yame rɨmnərer tɨm tɨm tuk nɨni-ərhavyen nhagɨk; mərɨg, kɨmiə nakhapəh nɨsəpəhyen nhatətəyen irak.
14 Mərɨg nakasor narɨmnar tɨksɨn yamə mɨne rapəh nəmhenien ye nɨmrɨk: Kɨmiə tɨksɨn aikɨn a, nakamhakwasɨg kɨn nhajounien kape Balam kupən. Balam e, in rɨmnor swatuk kɨmi King Balak mə in tukrɨvəhsi-pən vəh-sipən kɨmi nəmə Isrel, pəh iriə tuksor norien has, masən nəvɨgɨnien yame kamor sakrefaes kɨn ramvən kɨmi nanmɨ kughen pɨsɨn mɨnə, kɨni masor apnapɨg nar.§ Stori kape Balam mɨne Balak raməmɨr ye Nam 22-24; 25:1-2; 31:16. 15 Kɨni ye norien kɨrikianə əmə mɨn, kɨmiə tɨksɨn naksəri-pən nhajounien kape nukwao kape Nikolas.* Ǝm-ru footnote ye Rev 2:6. 16 !Ror pən takasəkeikei mɨsarar ye nərɨgien kapəmiə tuk təvhagə has kapəmiə! Tukmə nakhapəh nɨsararien, pəh nien mə tuktu, jakurə tuk əmiə, muh narmamə mɨnə e, kɨni mərai əriə kɨn nau yame resrə ye nɨkarɨn mir.
17 Yermamə yame nɨmətɨrgɨn rarə, tukraməkeikei mərɨg huvə nəgkiarien yame Nanmɨn kape Kughen ramni-pən tuk niməhuak mɨnə. Yermamə yame rapita ye narowagɨnien e, yo jakwəhsi-pən nəvɨgɨnien erkwaig e kamni kɨmə ‘mana’ Jon 6:31-33,35,48,51 kɨmin. Kɨni jakwəhsi-pən mɨn kapier hawən kɨrik kɨmin, yame kɨrai pən nhag vi iran, kɨni yermamə yame rawəh, in pɨsɨn əmə tɨkrɨrkun nhagɨn.”
Nəgkiarien ramvən kɨmi nəməhuak mɨnə apa Tuatira
18 Kɨni In rɨmnəgkiarmamni-pə tuk yo mɨmə, “Rai nəkwəkwə kɨrik rɨvən kɨmi agelo kape niməhuak apa taon e Tuatira, mɨni-pən mɨmə,
Ji Kughen, nɨmrɨn mir kwəmhen kɨn nap raməwhao. Kɨni nɨhun mir kwərir mɨrahuvə rəmhen kɨn aean e bras yame kaməspir rərir. Dan 10: 6; Rev 1:14-15 Kɨni kafan e nəgkiarien ramni mɨmə,
19 “Nəmə Tuatira, yakwɨrkun-ta norien kapəmiə. Yakɨrkun kapəmiə norkeikeiyen mɨne nhatətəyen, mɨne nasituyen ye narmamə. Kɨni yakɨrkun mɨn mə nərɨgien kapəmiə rəpomh tuk narer-tɨm-tɨmien. Yakɨrkun mə norien kapəmiə yamə mɨne nakasor taktəkun khahuvə rapita norien yamə mɨne nɨmnasor kupən.
20 Mərɨg nakasor nar kɨrik yamə rapəh nəmhenien ye nɨmrɨk: Kɨmiə nakhapəh nhani-əhuyen norien kape piraovɨn a yame ramhen kɨn piraovɨn kupən e Jesebel. Nakəm pian a Jesebel ye 1 King 16:31 mɨne 2 King 9:22. In ramni mə in profet kɨrik, mərɨg kafan nhajounien ramkɨr oror kafak yorwok mɨnə, kasor apnapɨg nar. Kɨni in mamhajoun əriə mə tuksən nəvɨgɨnien yame kamor sakrefaes kɨn kɨmi nanmɨ kughen pɨsɨn mɨnə. 21 Yɨmɨwhin pian a mə tukrarar ye kafan norien kape nɨkwasɨg-apnapɨgien kɨn narman, mərɨg in ramapəh. 22 Ror məkneikɨn mə taktəkun ai, jakvəhsi-pən nəmhəyen kɨmin ye bed kafan. Kɨni narmamə yamə mɨne kasor apnapɨg nar iriə min, tukmə khapəh nɨsararien ye norien kapəriə, jakvəhsi-pən nəmhəyen ehuə kɨmi əriə, 23 mhopni mɨn ji pian a mɨnə. Ror pən niməhuak mɨnə fam tukharkun mə Yo pɨsɨn əmə yakɨrkun nərɨgien mɨnə kape narmamə, mɨne rɨkiriə. Kɨni jakərok əmiə rəri-pən əmə norien kapəmiə yame mɨne nakasor. Jer 17:10
24 Mərɨg taktəkun ai, jakəgkiar kɨmi əmiə nəmə Tuatira yamə mɨne nakhapəh nɨsəri-pənien nhajounien kape Jesebel, mhapəh nɨsərɨgien nəgkiarien e kamni kɨmə ‘Nəgkiarien pam kape Setan.’ To yakpəh nərəhu-pre-mɨn-ien nar pam kɨrik irəmiə, mərɨg nar kɨrikianə yakmə jakni-pre tuk əmiə: 25 Havəh tɨm tɨm nar yame nakwənhavəh ta, mɨseriaji nɨpɨg jakrerɨg-pre iran. 26-27 Yermamə yame rapita ye narowagɨnien e, kɨni mamərer tɨm tɨm tuk norien nəkwak, mamvən meriaji infamien, yo jakwəhsi-pən nehuəyen e kɨmin yame Rɨmɨk rɨmɨvəhsi-pə kɨmi Yo, mamni mɨmə,
‘In tukramarmaru ye tanə pɨsɨn pɨsɨn mɨnə,
mamrəh kwətavhə yame kɨmnor kɨn aean, [ramhajoun mə nagheen rehuə].
Kɨni in tukrakapɨr-pɨr narmamə ye tanɨmtanə, rəhmen əmə kɨn yame aean ramakapɨr-pɨr tikikwipɨr kɨmnor kɨn kwənəjiəpɨk.’ (Sam 2:9)
28 Kɨni Yo jakvəhsi-pən mɨn kəmhau e fetukai kɨm in. Rev 22:16
29 Yermamə yame nɨmətɨrgɨn rarə, tukraməkeikei mərɨg huvə nəgkiarien yame Nanmɨn kape Kughen ramni-pən tuk niməhuak mɨnə.”

2:1: Rev 1:16

2:1: Rev 1:12-13

2:4: Jon 13:35; Jer 2:2-5

*2:6: Nikolas in yhajoun eikuə kɨrik. Tukmə ror in ramhajoun mə narpɨnien rɨrkək tuk təvhagə has; mɨmə “Pəh kɨsor əmə təvhagə has mamharpɨn.”

2:7: Jen 2:9; 3:22-24; Rom 5:12,18; 6:23; Rev 22:2

2:8: Rev 1:17-18

2:9: Gris ramni mə, “Iriə kamhani mə iriə kwənərəus kape Isrel, mərɨg nofugɨnien kapəriə kape Setan əmə.”

2:9: Jon 8:33-47

2:11: Rev 20:11-15; 21:8

2:12: Rev 1:16

2:13: Mə taon e Pegamam, kasəhuak pɨk kɨmi kughen eikuə mɨnə aikɨn.

§2:14: Stori kape Balam mɨne Balak raməmɨr ye Nam 22-24; 25:1-2; 31:16.

*2:15: Ǝm-ru footnote ye Rev 2:6.

2:17: Jon 6:31-33,35,48,51

2:18: Dan 10: 6; Rev 1:14-15

2:20: Nakəm pian a Jesebel ye 1 King 16:31 mɨne 2 King 9:22.

2:23: Jer 17:10

2:28: Rev 22:16