2
P'aulo wahubiri Uv̱oro Udzo wa Masihi h'akeye
1 2:1 1:17Bai ndugu zangu, wakathi nirihokudza kuko kwenu, nakudza nimwambirize siri*2:1 Maoro mangine ganaamba, ‘ushahidhi wa Mulungu’ badala ya ‘siri ya Mulungu.’ ya Mulungu. Na siri iyo simwambirizire kwa ulachu wowosi hedu kumanya kunena. 2 2:2 1:23; Agal 6:14Mana nere natosa kukala nisimanye maut'u mangine gogosi kahi zenu, isihokala Jesu Masihi na kifwa cha kwakwe ho musalabani. 3 2:3 Mahe 18:9; 2 Akor 10:1, 10Nirihokala nanwi, nakala sina nguvu, kidza nere ninathethema kwa woga. 4 2:4 4:20; 1 Ath'es 1:5Na wo uv̱oro niriwokala nawo be simwambirizire kwa kuhumira maneno ga kumwangola-ngola hedu ulachu wowosi, hatha bule. Mimi namwambiriza kwa kumwanyesa vihendo zha Roho na zha nguvu. 5 2:5 1:18, 24Nami nahenda vivi ili kwamba ro kuluhiro renu risitegemee ulachu wa mudamu, ela ritegemee nguvu za Mulungu.
Ulachu wa Mulungu
6 Ela hatha hamwenga na vizho, siswi nikuafundisha ulachu at'u madziokumala. Na ulachu uwo si wa wakathi uu huriwo, hedu wa athawali a vikara, mana uthawali wao undakira. 7 2:7 Arum 5:2; 2 Akor 3:18; 4:17; Akol 1:26Hunafundisha ulachu wa Mulungu, uriwokala ni siri kwa anadamu. Na ulachu uwo, Mulungu waupanga hangu urumwengu k'audzaumbwa ili fukadime kuhokera nguma. 8 2:8 Luk 23:34Na k'akuna muthawali hatha mumwenga wakathi uu furiwo ariyemanya ulachu uu. Kwani kala mamanya k'amangamusulubishire bule ye Bwana wa nguma. 9 2:9 Isa 52:15; 64:4Mana Maoro ganaamba kukala,
“Zho virizho k'avidzaonewa hedu kusikirwa,
na zho virizho mudamu k'adzaviaza kukala vinadima kukala,
vizho ndo Mulungu arizhoathayarishira ao mamuhendzao.”
10 Na Mulungu wahugunulira siswi siri ya maut'u gago kukirira kwa Roho. Kwani Roho ndiye achunguzaye kila kit'u hatha zo siri za Mulungu za ndani-ndani. 11 Kwani mut'u mungine k'adima kumanya maazo gangu, ela roho yangu inagamanya gosi. Na vizho ndo virizho hatha kwa Mulungu, k'akuna adimaye kumanya maazoge hasihokala ye Rohowe. 12 2:12 Arum 8:15Bai siswi k'afuhokerere roho ya urumwengu uu, ela fwahokera Roho wa kula kwa Mulungu. Na iye nde afuhendyaye hatha fukang'alirwa ni vigerwa vivi zhosi arizhohup'a Mulungu. 13 2:13 2:4; 12:10Na k'afumwambira maut'u gaga kwa kuhumira maneno ga ulachu wa kidamu, ela funahumira maneno hufundishwago ni Roho. Hunaang'aziza at'u ujeri wa kiroho kwa maneno ga kiroho.†2:13 Mana nyingine inadima kukala, ‘Hunaang'aziza ujeri wa kiroho at'u mario kahi za Roho.’ 14 2:14 1:18, 23; Joh 3:5-12; 2 Akor 3:14-18Maut'u ga Roho wa Mulungu, ni ga kiroho nago gamung'alira mut'u ariye kahi za Roho. Mut'u ariye k'akahi za Roho maut'u gaga kwakwe ni uzuzu kwa kukala k'agamung'alira bule. Kwa vizho mut'u dza iye, k'adima kuelewa maut'u ga Roho wa Mulungu. 15 Siswi hurio kahi za Roho huna wadimi wa kuelewa kila kit'u, ela at'u angine k'amahuelewa bule. 16 2:16 Isa 40:13; Arum 11:34Kwani Maoro ganaamba kukala,
“Ni h'ani amanyaye maazo ga Bwana,
hatha akale anadima kumuadha?”
Ela siswi hunaelewa maut'u gaga ga Roho wa Mulungu kwa kukala funa akili za Masihi.
2:1 2:1 1:17
*2:1 2:1 Maoro mangine ganaamba, ‘ushahidhi wa Mulungu’ badala ya ‘siri ya Mulungu.’
2:2 2:2 1:23; Agal 6:14
2:3 2:3 Mahe 18:9; 2 Akor 10:1, 10
2:4 2:4 4:20; 1 Ath'es 1:5
2:5 2:5 1:18, 24
2:7 2:7 Arum 5:2; 2 Akor 3:18; 4:17; Akol 1:26
2:8 2:8 Luk 23:34
2:9 2:9 Isa 52:15; 64:4
2:12 2:12 Arum 8:15
2:13 2:13 2:4; 12:10
†2:13 2:13 Mana nyingine inadima kukala, ‘Hunaang'aziza ujeri wa kiroho at'u mario kahi za Roho.’
2:14 2:14 1:18, 23; Joh 3:5-12; 2 Akor 3:14-18
2:16 2:16 Isa 40:13; Arum 11:34