1 Ndugu zangu, k'avina haja ni muorere dzulu za wakathi gandihokalira maut'u gaga. 2 5:2 1:2-3, 10; 2:19; 3:13; 5:23; Math' 24:36; Afil 4:5; 2 Ath'es 1:7, 10; 2:1-2; Dza here mwivi: Math' 24:43; 2 P'et 3:10; Ugun 3:3; 16:15Kwani ninwi enye munavimanyat'o zho zha kukala siku ya kudza Bwana Jesu indakala gafula dza viryahu mwivi adzazho usiku. 3 5:3 Jere 6:14-15; Math' 24:39Wakathi at'u mandihoamba kukala “Kuhurire kidza kuna usalama.” Wakathi uwo wenye ndo kiryahu kitai kindihoagwerera. Vindakala dza viryahu zha mwanamuche aandzwazho ni utsungu gafula, k'amandathia bule. 4 Ela ninwi ndugu zangu k'amukizani bule hatha yo siku ya kudza Bwana imudzirire gafula dza viryahu zha mwivi. 5 5:5-8 Arum 13:11-12; Aefe 5:8-9Ninwi nyosi mu ana a mulangaza, na mu ana a mutsana, k'afuana a usiku hedu ana a kiza. 6 Kwa vizho fusilale bule here at'u angine mahendazho, ela na fukale matso na fudzizulie na mai. 7 Mana ao at'u malalao, malala usiku, na ao mareyao mareya usiku-usiku. 8 5:8 Aefe 6:11-17Ela siswi furio a mutsana, na fudzizulie na mai. Kumukuluhira Mulungu na kuahendza at'u, nakukale here ngao kathini. Irya th'amaa ya kukala siku ya mwisho fundaokolwa yo, ikale here kofia ra chuma fudzirorivala kitswani. 9 5:9 1:10; 2 Ath'es 2:14Kwani Mulungu k'afihire afuusire matsungu, ela wafiha afuokole kukirira kwa Bwana Jesu Masihi. 10 5:10 4:14; Arum 14:8-9Iye Masihi wahufwerera, ili siku andihokudza kaheri fuishi hamwenga naye, k'avijalisha andakudzafuthekeza fwafwa kare hedu fuchere moyo. 11 Kwa ut'u uwo bai, vizho muhendazho vivi kare bai endererani nazho. Geranani moyo na mwavizane.

12 5:12 1 Akor 16:15-18; 1 T'imo 5:17Ndugu zangu funamuvoya muaishimu o at'u mahendao kazi kahi zenu, na mario dzulu zenu kahi za Bwana na mamukanyao. 13 Ahendzeni zhomu sana, na muagere ishima kwa ut'u wa kazi yao. Ishini na dheri kahi zenu. 14 5:14 2 Ath'es 3:6, 11, 15Ndugu zangu, ninamukokot'era kukala muakanye at'u akaha, muangize nguvu o madziofwa mioyo, na muavize at'u masio mukotse. Avumirireni at'u osi. 15 5:15 Arum 12:17; Afil 1:10Lolani, mut'u asimurihize mwandziwe uwi kwa uwi. Ela wakathi wosi henderanani madzo na pia muahendere madzo hatha at'u osi angine. 16 5:16 Afil 4:4Kalani na raha siku zosi. 17 5:17 5:25; Luk 18:1; Arum 12:12; Aefe 6:18; Akol 4:2Muvoyeni Mulungu bila kusisa. 18 5:18 Aefe 5:19-20Lazhani muv̱era wakathi wosi kwa kila kit'u, kwa kukala vizho ndo Mulungu ahendzazho ninwi murio kahi za Masihi Jesu muhende. 19 5:19 Aefe 4:30Musimukonye-konye Roho Mweri. 20 Musiv̱udhye maneno ga unabii. 21 5:21 1 Akor 14:29; Aefe 5:10; 1 Joh 4:1Gajezeni maut'u gosini gonya mugwire gago garigo ni madzo thu-thu-thu. 22 Dziikeni kure na uthiriri wa kila samupuli.

23 5:23 5:1-2; 2 Akor 13:11Bai Mulungu afugeraye dheri naamuutsuse kahi za kila ngira. Naaike roho zenu, na miri yenu, na akili zenu kure na kila namuna ya kaila muhaka yo siku andiyouya Jesu Masihi. 24 5:24 1 Akor 1:8-9; Afil 1:6; 2 Ath'es 3:3Ye Mulungu ariyemwiha ni mwaminifu na andavihenda zhosi vizho. 25 5:25 1:2-3; Arum 15:30Fuvoyereni ndugu zangu. 26 5:26 Arum 16:16Alamuseni ndugu osini kwa kuadonera kahi za ueri. 27 5:27 Akol 4:16Ninamuamuru kahi za dzina ra Bwana muishome baruwa ii kwa ndugu osini kuko. 28 Nema ya Bwana wehu Jesu Masihi naikale hamwenga nanwi.