1 ታ እሹንꬆ፥ ይን ክርስቶሳ ግዳ Ꮉጋ ዦጋን አማኖሰ አሱንꬅ ፋና የዘ ግሾ ታኒ አያናባዝ ይንትስ ኦሆደስ ዳንዳእካያ። 2 ይን ምንꬅ ካꬃ ማደስ ዳንዳእካይዘ ግሾ ታኒ ይንታና ማꬅ ሽችዳ፤ Ꮉተን ማቅኮ ይን ዳንዳእካያ። እብ. 5:12-13 3 Ꮉተን Ꮉጋ ይን አሾ ቆፋራ የነ። ይን ግዳ የዘ ቃናተን ላለን ይን አማኖሰ አስ ፋና የዛኖ ኤርሶሳነ? ይን ኦችዛና አሾ ቆፋራ የዘ አስ ፋና ባነ? 4 ይንታፓ ፈተ፥ «ታኒ ጳዉሎሳስ» መሉንꬅ ማህ፥ «ታኒ አጵሎሳስ» ጋይኮ፥ ጾዝ አያና ባይዘ አስ ፋና ባነ?1 ቆሮ. 1:12

5 ዬዝን፥ አጵሎሳ ኦደ? ጳዉሎሳ ኦደ? ኡን ይን አማኖደ ፋና ኦችደ ጾዘ ኦቻንቾ። ጾዚ ፈተስ ፈተስ እንግደ ኦችት ጋር ኦቻነ። 6 ታ ቱክዳ፤ አጵሎሳ Ꮉꬅ ኡሽዳ፥ የዝን ድችደ ጾዚ። ሐዋ. 18:4-11፥ 24-28 7 ይኒ ግሾ፥ ድችደ ጾዛ ፋትን ቱክዘን Ꮉꬅ ኡሽዘን አኮን ባያ። 8 ቱክዘን Ꮉꬅ ኡሽዘን ዎላ ፈቶ፥ የዝን ፈተ ፈተ ፋ ኦቺ ላብዳን ጋር አንጆ ኤኮዳ። 9 ኑኒ ጾዝስ ኦችዘ ጋደ፤ ጾዘ ኬꬃ ኤራ ዎላ ኦችዙንꬃና። 10 ጾዚ ታስ እንግደ አꬎ ኬሃትꬅት ጋር ይላር የዘ አናጸ ፋና ባሳ ኦልዳ። መለ አስ ኤላ አፋ ኬጻነ። የዝን ኤላ አፋ ኬጽዘ ኦደን ዋይዝ ኬጽዛኮ፥ ፋስ ናግንቶ። 11 ፈቲ ቶሄ ኦልንትደ ባሳፓ መለ ኦደን ባሳ ኦሎደስ ዳንዳኦስ። ኤዝን የሱስ ክርስቶሳ። 12 የዝን Ꮉይ ባስዘላ አፋ ኦደን ዎርቃራ ዎይ ብራራ ማቅን፥ አልኦ ሹቻራ ዎይ ምንጻራ ማቅን፥ ማታራ ዎይ Ꮉዉለራ ኬጽኮ፥ 13 ፈተ ፈተ የ ባስዘላ አፋ አኮራ ኬጽዛኮ ፍርዳ ዎደ ታማር ቆንጮዳ። 14 ኦደን የ ባስዘላ አፋ ኬጽደ ኬꬅታ ታማር ሙእንታንጽኮ፥ ፋ አንጅቶ ኤኮዳ። 15 የዝን ኦደ ኦችታን ታማር ሙእንትኮ፥ ቆህንቶዳ፤ የዝን፥ ኤ ፋ ኦምተ አቶዳን ታማፓ አትዛያ ማቆዳ።

16 ይን ጾዘ ኬꬅ ማቅዳኖን ጾዘ አያና ይንታራ የዛኖ ኤሮሳነ?1 ቆሮ. 6:19፤ 2 ቆሮ. 6:16 17 ኦደን ጾዘ ኬꬅቶ ላልኮ፥ ጾዝን ኤዛ ላሎዳ። ጾዘ ኬꬅታ ጌሽ፤ ይናን ይንታና።

18 ኦደን ፋና ጭምፐ። Ꮉና አላምተ ጭንጫ ፋና አዝዝደ የዝኮ ጾዘ ቱሪ ጭንጭቶ ደንጎደ ፋና ኦደን ጭንጫትꬅቶ ኤያትꬅ ማህ ፋይዶ። 19 Ꮉና አላምት ጭንጫትꬅታ ጾዘ ቲኖ ኤያትꬅ። ጌሽ ማጻፍተ፥

21 ይኒ ግሾ፥ ኡባ ባዝ ይንትስ ማቃደ ግሾ ኦደን አሳላ ጬቅንትፐ። 22 ጳዉሎሳ ማቅን፥ አጵሎሳ ማቅን ጴጥሮሳ ማቅን፥ Ꮉና አላምቶ ማቅን፥ ደኦ ማቅን፥ Ꮉይቆ ማቅን፥ የዛያ ማቅን፥ ቲኖፓ የኦዳያ ማቅን፥ ኡባና ይንትስ። 23 ይንትን ክርስቶሳስ፤ ክርስቶሳን ጾዝስ።