1 ሲቆ ኮዮተ። አያና እሞትꬅ ምንꬂ ኮዮተ፤ ኡባፓ አꬂ፥ ትንቢተ እሞ ምንꬂ ኮዮተ። 2 ዱማ ዱማ ዶናራ ኦህንትዘ አስ ጾዝስ ኦህነ ፋትን አስስ ኦሆስ። የዝን አስስ በንትካይዘ ጋንጨ ቆፋ አያና ዎልቃራ ኦህዘ ግሾ ኦደን ኤ ኦህዛኖ ቲሮስ። 3 የዝን ትንቢተ ኦህዙንꬅ አስ አያናር ድቾደስ፥ ምንꬅꬆደስን ምንꬆደስ አስስ ኦህነ። 4 ዱማ ዱማ ዶናራ ኦህዘ አስ ፋና አያናር ድቻነ። የዝን ትንቢተ ኦህዘ አስ ዎሳ ኬꬅቶ አያናር ድቻነ።

5 ይን ኡቡንꬅ ዱማ ዱማ ዶናራ ኦህንትዛኮ ታ ካꬋነ፥ የዝን ትንቢተ ኦህዛኖ አꬂ ካꬋነ። ዱማ ዱማ ዶናራ ኦህንትዛኖ ዎሳ ኬꬂ ድቾደስ ብልዘ አስ ꬋብኮ፥ ዱማ ዱማ ዶናራ ኦህንትዛንፋ ትንቢተ ኦህዛና አꬋነ።

6 ይኬ ታ እሹንꬆ፥ ታኒ ይንታጎ Ꮉንግ ቆንጭꬃራ ዎይ ኤራትꬃራ ዎይ ትንቢተ ኦሄራ ዎይ ትምርተራ ማቃንጽ ዱማ ዱማ ዶናራ ኦህንትኮ ይንታና አኮ ማዶደ? 7 ዱማ ዱማ የꬅስ ፈቲ ኮች ኦꬅ የዝኮ፥ ሱሉንቀ ኦꬅን ዲꬅ ኦꬅ ዋይዝ ሻጊ ኤሮደ? 8 ማህ ሞይዘ ኦለ ሎይꬂ ኤርንታንጽኮ ኦላስ ጊግንቶደ ኦደ? 9 ይኒ ጋር፥ ዱማ ዱማ ዶናራ ይን ኦህዛና ጌሽ ማቃንጽኮ ይን ኦህዛኖ ኦደ ኤሮደ? ይና ባቆስ ኦህዘ ፋና።

10 አላመላ ጋማ ዶና የነ፤ ብልꬂ ባይዘ ዶና ባያ። 11 ይኬ ፈቲ አስ ኦህንትዘ ዶና ታኒ ኤራንጽኮ ኤ ታስ ዛቆ ማቃነ፤ ታንን ኤስ ዛቆ ማቃነ። 12 ይኒ ጋር፥ ጌሽ አያና እሞ ይን ኤኮደስ ምንꬂ ኮይዛኮ፥ ዎሳ ኬꬂ ድቾደስ ኡባፓ አꬍዘ እሞትꬅ ኮዮተ።

13 ዱማ ዱማ ዶናራ ኦህዘ አሱንꬅ ኦህቶ ብሎደስ ብልዘ እሞትꬅ እንግንቶደ ጋር ጾዝ ዎሶ። 14 ታኒ ዱማ ዱማ ዶናራ ጾዝ ዎስኮ፥ ታ አያንዘ ዎሳነ፥ የዝን ታ ቆፍትፓ አኮን ሻኪ ኤሮስ። 15 ዬዝን፥ ታ አኮ ኦቾደስ ቤዘ? ታኒ ታ አያንተ ዎሳነ፤ ታ ዎዝንተን ዎሳነ። ታኒ ታ አያንተ የጻነ፤ ታ ዎዝንተን የጻነ። 16 ይኖ ማቃንጽኮ ኔኒ ነ አያንተ ጾዝ ጋላትዘ ዎደ ይና በስተ ኔኒ ጋዛኖ ኤሮሰ አስ ነ ጋላትዛኖ ዋጊ፥ «አምንኤ» ጋዉደ? 17 ኔኒ ጾዝ ጋላትዛና ሎኦ፥ የዝን መለ አስ ማዶስ።

18 ታ ይን ኡባፓ አꬂ ዱማ ዱማ ዶናራ ኦህዛን ግሾ ጾዝ ጋላታነ። 19 የዝን ታኒ ዎሳ ኬꬃ መሉንꬃና ታማርሶደስ ዱማ ዱማ ዶናራ ታጵ ሙኩል ቃላ ኦሆዳንፓ ኤርንትዘ ዶናራ እችን ቃላ ኦህዛኖ ካꬋነ።

20 ታ እሹንꬆ፥ ይን ቆፋራ ናአ ፋና ማቅፐተ። ይን ኢታባዝስ ናአ ፋና ማቆተ ፋትን ይን ቆፋራ ዎዝናሙንꬃና ማቆተ። 21 ላꬂ፥ ጌሽ ማጻፍተ፥

22 ይኬ፥ ዱማ ዱማ ዶናራ ኦህዛና፥ አማኖሰ አሱንꬅስ ማላ ማቃነ ፋትን አማንዘ አስስ ባያ። ትንቢተ አማንዘ አስስ ማላ ማቃነ ፋትን አማኖሰ አሱንꬅስ ባያ።

23 ዎሳ ኬꬃ አሱንꬅ ፈትላ ሺቅዘ ዎደ ኡቡንꬅ ዱማ ዱማ ዶናራ ኦህንትኮ ኤሮሰ ዎይ አማኖሰ አሱንꬅ ይን ሺቅተ ይእ፥ «Ꮉንስ ዣሽታነ» ጋኦሳነ? 24 የዝን ኤሮሰ ዎይ አማኖሰ አሱንꬅ ዎሳ ኬꬃ የእዘ ዎደ አሱንꬅ ትንቢተ ኦሆደራ፥ ስእኮ ፋ ናጋርቶ ቲሮዳ፤ ማህ ኤ ስእደ ቃልተ ፍርድንቶዳ። 25 ኡን ኤ ዎዝንተ ጌንግደ ቆፍቶ ቆንጭሳዳ። ይኒ ጋር፥ «ቱሪ ጾዚ ይን ግዳ የነ» ያጋእ ማርክꬊ፥ ዙጊ ጾዝስ ጎይኖዳ።

26 ታ እሹንꬆ፥ ኑ አኮ ጋኦ? ይን ዎላ ሺቅዘ ዎደ ፈተስ ማዝሙረ የነ፤ ፈተስ ታማርሰ እሞትꬅ የነ፤ ፈተስ ቆንጭꬅ የነ፤ ፈተስ ዱማ ዱማ ዶናራ ኦህዘ እሞትꬅ የነ፤ ፈተስ ብልዘ እሞትꬅ የነ። ይና ኡባ ዎሳ ኬꬂ ድችዘባዝ ማቃደስ ቤዛነ። 27 ዱማ ዱማ ዶናራ ኦህዘ አሱንꬅ የዝኮ፥ ላምእ ዎይ ጋንግኮ Ꮉይꬕ ማቂ ታራር ታራር ኦሆደስ ቤዛነ። ኡን ኦህዛኖ መለ አስ ብሎ። 28 የዝን ብልዘ አስ ꬋብኮ፥ ዱማ ዱማ ዶናራ ኦህዘ ዎሳ ኬꬅተ ስእ ጋኦ። ፋስን ፋ ጾዘስን ኦሆ።

29 ትንቢተ ኦህዙንꬅ ላምእ ዎይ Ꮉይꬕ ማቂ ኦሆ። ማህ መሉንꬅ ኡን ጋዛኖ ሻጎ። 30 ይና ሺቅተ የዘ መለ አስስ ፈትባዝ ቆንጭኮ ቲኖ ኦህዘ ስእ ጋኦ። 31 ኡቡንꬅ ታማሮደ ጋራን ኡቡንꬅ ምንጎደ ጋር ታራር ታራር ትንቢተ ኦሆደስ ዳንዳአነ። 32 ናቡንꬅ አያና ናቡንꬅስ ኪትንታነ። 33 ጌሹንꬅ ዎሳ ኬꬃ ኡባ ላማድንትዳን ጋር ጾዚ ሳሮትꬅ ጾዝ ፋትን ዋጫምዘ ጾዝ ባያ።

34 ማቻ ዎሳ ኬꬃ ስእ ጋኦ። ሙሴ ህገ ጋዛን ፋና ኡን አቆ ፋትን ዎሳ ኬꬃ ኦሆደስ ኡንትስ አደትꬅ ዎልቃ ባያ። 35 ማቹንꬅ ዎሳ ኬꬃ ኦህዛና ቦርስዘባዝ ማቅደ ግሾ ፈትባዝ ኤሮደስ ኮይኮ ካራ ፋ አዝኑንꬃና ኦጮ።

36 ጾዘ ቃላ ቲኖ ይን ክእዳነ? ዎይ ጾዘ ቃላ ይን ጻላላጎ ይእዳነ? 37 ኦደን ፋና ናበ ዎይ ፋና ጾዘ አስ ጋእ ቆፕኮ፥ ታኒ ይንትስ ጻፍዛና ላꬄ ኪታ ማቅዳኖ ኤሮተ። 38 ይኒ ግሾ ኦደን ኤካንጽኮ ኑንን ኤዛ ኤኮስ።

39 ይኒ ግሾ፥ ታ እሹንꬆ፥ ትንቢተ ኦሆደስ ምንꬂ አሙꬎተ፤ ማህ ዱማ ዱማ ዶናራ ኦህዛኖ ካይፐተ። 40 የዝን ኡባናን ዎጋራን ታራር ማቀ።