1 ታ ናኡንꬆ፥ ናጋራ ይን ኦቻመ ፋና ታኒ Ꮉኖ ይንትስ ጻፋነ። የዝን ኦንን ናጋራ ኦችኮ አደ ካለ ኑስ ጻባቀ ጽሎ የሱስ ክርስቶሳ የነ። 2 ኑ ናጋርታ ክርስቶሳ ባጋራ አቶ ጋእንትዳ። ኤ ኑ ናጋርት ጻላላስ ባይዝን አስ ኡባ ናጋራስ።

3 ኑኒ ጾዘ ኪታ ፎልኮ፥ ሶኤ ባይꬅ፥ ቱሮ ኑ ኤዛ ኤራነ። 4 ኦንን፥ «ታ ኤዛ ኤራነ» ጋእተራ፥ ኤ ኪቶ ፎላንጽኮ የ አꬄ ዎርዶ፤ ቱረትꬅ ኤ ግዳ ባያ። 5 የዝን ኤ ቃልትስ ኦንን ኪትንትዘባዝ ማቅኮ የ አꬄ ጾዘ ሲቅታ ኤ ግዳ ፎሎ ማቃነ። ኑኒ ጾዛራ የዛንስ ይና ፋ ኦምተ ቱሪ ማርካ። 6 ታኒ፥ «ጾዛር የነ» ያጋዘ ኦንን ክርስቶሳ የዝዳን ፋና የሳደስ ቤዛነ።

7 ታ ሲቆ እሹንꬆ፥ ታኒ ይንትስ ቲኖፓ የዘ ጋልአ ኪታ ጻፋነ ፋትን ክለ ኪታ ጻፎስ። ይናን ይን ስእደ ጋልአ ኪታ። 8 ማቅኮን፥ ክርስቶሳ ግዳን ይን ግዳን ቱሮ ማቂ የዘ፥ ክለ ኪታ ጻፋነ። ꬉማ አꬍን፥ Ꮉተ ቱሪ ፎኦ ፎአነ። ዋሐ. 13:34

9 «ፎኦ የነ» ጋእተራ ፋ እሻያ እጽዘ ኦንን፥ Ꮉተን ꬉማ የነ። 10 ፋ እሻያ ካዽዘ ኦደን ፎኦ የነ። የ አꬃ መለ ኤዛ ꬉብዘ ባዝ ባያ። 11 የዝን ፋ እሻያ እጽዘ ኦደን ꬉማ የነ፤ ꬉማ Ꮉንታነ። ꬉማ ኤ ኣፍቶ ጎዝደ ግሾ አባ Ꮉንግዛኮን ኤሮስ።

12 ታ ናኡንꬆ፥ ክርስቶሳ ሱንꬅት ባጋራ ይን ናጋርታ ማሮትꬅ ደንግደ ግሾ ታኒ ይንትስ ጻፋነ። 13 አዱንꬆ፥ ቲኖፓ የዘ፥ ኤዛ ይን ኤርደ ግሾ ይንትስ ጻፋነ። ናአትꬁንꬆ፥ ጻላሄ ይን ጋምደ ግሾ ይንትስ ጻፋነ። 14 ናኡንꬆ፥ ጾዛ ይን ኤርደ ግሾ ይንትስ ጻፋነ። አዱንꬆ፥ ቲኖፓ የዘ ኤዛ ይን ኤርደ ግሾ ይንትስ ጻፋነ። ናአትꬁንꬆ፥ ይን ጎባ ማቅደ ግሾ ጾዘ ቃላ ይንታራ የዘ ግሾን ጻላሄ ይን ጋምደ ግሾ ይንትስ ጻፋነ።

15 አላመ ዎይ አላመ የዘ ባዝ ካꬍፐተ። አላመ ካዽዘ ኦንን ጾዘ አዳያ ካꬎኦስ። 16 አላመ የዘ ኡባና፥ አሾ አሞትꬅ፥ ኣፈ ብእ አሙꬍዘ ባዝን ሚሸራ ጬቅንተ አላመ ባዝ ፋትን ጾዛፓ ባያ። 17 አላመን አላመ አስ አሞ ኡባ አꬎዳ፥ የዝን ጾዘ ቆፋ ኦችዘ ኦደን መዽና የሳዳ።

18 ታ ናኡንꬆ፥ ዎደ ዉርሱꬅታ ኡክዳ። ክርስቶሳ እጽዘ ቲኖፓ ዮኦዳኖ ይን ስእዳን ፋና መለ አቶ የዝን፥ Ꮉተን ኤ ሞርኩንꬅ ጋሙንꬅ ደንድዳ። ይኒ ግሾ፥ ዎደ ዉርሱꬅታ ኡክዳኖ ኑኒ ይነ ኤራነ። 19 የንꬅ ሞርኩንꬅ ኑ ባጋ ማቆሰ ግሾ ኑ ግዳፓ ከዝዳ። ኡን ኑ ባጋ የዛኮ ኑ ግዳ የሳዳ፥ የዝን ኡንታፓ ኦንን ኑ ባጋ ማቆሳና ኤርንቶደ ፋና ኑ ግዳፓ ከዝዳ።

20 የዝን ክርስቶሳ ይንታላ አፋ ጌሽ አያና ጉስዳ፤ ማህ ይን ኡቡንꬅ ቱርቶ ኤራነ። 21 ቱርቶ ይን ኤርዘ ግሾን ቱሪ ግዳ አኮን ዎርዶ ባይዛኖ ይን ኤርዘ ግሾ ታኒ ይንትስ ጻፋነ ፋትን ቱርቶ ይን ኤሮሰ ግሾ ባያ።

22 የሱሳ፥ ጾዚ ትዥዳያ ባያ ጋእ ካድዘ አሱንꬃፓ መለ ዎርዶ ኦህዘ ኦደ? ኤዚ ክርስቶሳ እጽዛ። ኤ ናአያ ካድኮ አዳያን ካዳነ። 23 ናአያ ካድዘ ኦደስን አዳይ ባያ፤ ማህ ናአይስ ማርክꬍዘ ኦደስን አዳይ የነ።

24 ይኒ ግሾ፥ ቲኖ ይን ስእዘ ቃልቶ ይን ዎዝንተ ምንꬂ ናጎተ። ቲኖ ስእዳኖ ይን ናግኮ ይንትስ ናአይራን አዳይራን ፈተትꬅ የሳዳ። 25 ይናን ክርስቶሳ እንግደ መዽና ደኦ።

26 ይንታና ባልስዘ አሱንꬅ ግሾ ታኒ Ꮉኖ ይንትስ ጻፍዳ። 27 የዝን ክርስቶሳፓ ኤክደ አያና ይን ግዳ የዘ ግሾ መለ አስታማረ ኮሾስ፥ ኤ ኡባ ባዝ ታማርሶዳ፥ ታማርስዛናን ቱሮ ፋትን ዎርዶ ባያ። ይኒ ግሾ ጌሽ አያና ይንታራ የዘ ግሾ ኦንን ይንታና ታማርሰ ቤዞስ። የዝን ኤ አያና ትዠ ኡባ ባዝ ይንታና ታማርስዛን ፋና ቱሮ ፋትን ዎርዶ ባያ። ይኒ ግሾ ጌሽ አያና ይንታና ታማርስዳን ፋና ክርስቶሳ ግዳ የዞተ።

28 ይኬ፥ ታ ናኡንꬆ፥ ኤ ቆንጭዘ ዎደ ኑኒ ዣሽሞ ባይꬅ ኤ የእዘ ቃማ ኤ ቲኖ ኑ ዬላራ አችንታመ ፋና ኤር የዞተ። 29 ክርስቶሳ ጽሎ ማቅዛኖ ይን ኤርኮ ጽሎ ኦችዘ ኡባ ጾዘ ናአ ማቅዛኖ ኤሮተ።