1 ኑ ጾዘ ናኡንꬃና ጋእንት ጼግንቶደ ፋና ጾዚ ኑና አኮ ፋና ካꬍዛኮ ቦኦተ። ኑ ቱሮ ጾዘ ናኡንꬃና። Ꮉና አላምታ ጾዛ ኤሮሰ ግሾ ኑናን ኤሮስ። 2 ታ ሲቁንꬆ፥ Ꮉተ ኑ ጾዘ ናአ፤ ኑ ዋያድየዛኮ Ꮉጋ ኤርንትካያ። የዝን ክርስቶሳ ቆንጭዘ ዎደ ኑ ኤ ፋና Ꮉኖዳኖ ኤራነ። ኤ ቱርታ የዛኖ ኑኒ በአዳ። ዋሐ. 1:12 3 ክርስቶሳ በአዳ ጋእ ኡፋይሳር ናግዘ ኦንን፥ ክርስቶሳ ጌሽ ማቅዛንፋና ፋ ኦምቶ ጌሻነ።

4 ናጋራ ህገ ላለ ማቅዘ ግሾ ናጋራ ኦችዘ ኡባ ጾዘ ህግቶ ላላነ። 5 ክርስቶሳ አስ ናጋራ ꬋብሶደስ ቆንጭዳኖ ይን ኤራነ፤ ኤዛራ ናጋራ ባያ። 6 ክርስቶሳ የዘ ኦንን ናጋራራ የዞስ። ማህ ናጋራራ የዘ ኦንን ኤዛ ብእካያ ዎይ ኤርካያ። ዋሐ. 1:29

7 ታ ናኡንꬆ፥ ይንታና ኦንን ባልꬅፐ። ክርስቶሳ ጽሎ ማቅዳን ፋና ጽሎ ኦችዘ ኦንን ጽሎ። 8 ጻላሄ ቲኖፓ ናጋራ ኦችዘ ግሾ ናጋራ ኡባ ዎደ ኦችዘ ኦንን ጻላሄ እግና። ይኒ ግሾ፥ ጾዘ ናአይ ጻላሄ ኦቻ ꬋብሶደስ ቆንጭዳ። 9 ጾዘ ናኡንꬃና ማቅደ ኦንን ጾዘ አያና ኤዛር የዘ ግሾ ኤ ኡባ ዎደ ናጋራራ የዞስ። ጾዚ ኤስ አደ ማቅደ ግሾ ናጋራራ የዞስ። 10 ጾዘ ናኡንꬅን ጻላሄ ናኡንꬅ ዱማተꬅታ Ꮉነ ኤርንታነ፤ ጽሎ ኦቾሰ አስ ዎይ ፋ እሻያ ካꬎኦሰ አስ ጾዘ ናአ ማቆስ።

11 ቲኖፓ ይን ስእደ ኪታ፥ «ፈተ ፈታያ ካꬎደስ ቤዛነ» ጋዘ ኪታ። 12 ኑኒ ቃኤላ ፋና ማቆደስ ቤዞስ። ቃኤላ ጻላሄ እግና ማቂ ፋ እሻያ ዎꬍዳ። ኤ ፋ እሻያ አኮስ ዎꬍዶ? ኤ ኦችታ ኢታ ማቅደ ግሾን ኤ እሻይ ኦችታ ሎኦ ማቅደ ግሾ ዎꬍዳ።ዋሐ. 13:34

13 ታ እሹንꬆ፥ Ꮉና አላመ አሱንꬅ ይንታና እጽኮ ጋማ ቆፕፐተ። መꬎ 4:8 14 ኑኒ ኑ እሹንꬃና ሲቅዘ ግሾ Ꮉይቆፓ ደኦ ፊንግዳኖ ኤራነ። ፋ እሻያ ካꬎኦሰ ኦንን Ꮉይቆ ዳሾ ግዳ የዛነ። 15 ፋ እሻያ እጽዘ ኦንን ሸምፖ ዎꬍዛያ። ማህ ሸምፖ ዎꬍዘ ኦደስን መዽና ደኦ ባይዛኖ ይን ኤራነ። ዋሐ. 5:24 16 ክርስቶሳ ፋ ሸምፕቶ ኑ ግሾ አꬂ እንግዳነ ሲቆ አኮ የዛኮ ኑ ኤርዳ። ኑንን ኑ እሹንꬅ ግሾ ኑ ሸምፕቶ አꬂ እንጎደስ ቤዛነ። 17 የዝን Ꮉና አላምተ ቆሎ የዘ ኦንን ማꬍꬍዛ ብእተራ፥ ኤስ ይቅስንታንጽኮ ፋ ዎዝንተ ጾዘ ሲቆ የነ ጋዉደስ ዋይዝ ዳንዳኦደ? 18 ታ ናኡንꬆ፥ ኑ ኦቻራን ቱረትꬃራ ኑ ሲቅቶ ቆንጭሳደስ ቤዛነ ፋትን Ꮉሪ ኦሄ ጻላላራ ዎይ ዶና ጻላላራ ሲቅንቶደስ ቤዞስ።

19 ኑኒ ፈተ ፈታያ ሲቅኮ፥ ይነ ኑኒ ቱሪ ባጋ ማቅዛኖ ኤራነ፤ ይንስ ጾዘ ቲኖ ዬልꬎስ። 20 ኑ ዎዝንታ ኑላ አፋ ፍርድዛ ማቅኮ፥ ጾዘ ኑ ዎዝንትፓ ዳማ ማቅዛኖ ኤራነ፤ ኤ ኡባ ባዝ ኤራነ።

21 ታ ሲቁንꬆ፥ ኑ ዎዝንታ ኑላ አፋ ፍርድዛ ማቅኮ ኑኒ ጾዘ ቲኖ ዣሽቶስ። 22 ኑኒ ኤ ኪቶ ናግዘ ግሾን ኤዛ ኡፋይስዘ ባዝ ኦችዘ ግሾ ዎስዘ ባዝ ኡባ ኤፓ ኤካነ። 23 ክርስቶሳ ኑና ኪትዳን ፋና ጾዘ ናአያ የሱስ ክርስቶሳ አማኖደ ጋራን ፈተ ፈታያ ሲቆደ ፋና ጾዚ ኑና ኪትዳ። 24 ጾዘ ኪታ ናግዘ ኦንን ጾዛራ የነ፤ ጾዝን ኤራ የነ። ጾዚ ኑስ እንግደ ጌሽ አያና ባጋራ ኤ ኑራ የዛኖ ኤራነ። ዋሐ. 13:34፤ 15:12፥ 17