1 ታ እሹንꬆ፥ ኑኒ ይንታጎ Ꮉንግዳና Ꮉሪ ባይዛኖ ይን፥ ይን ኦምተ ኤራነ። 2 የዝን ኑኒ ይንታጎ ተሰሎንቄ ዮኦደፓ ቲኖ ፍልጵስዩሳ ካታማ ዋይንተዛኖን ጫዥንትዳኖ ይን ኤራነ። ጋማ ኑና እጽዘ የዝኮን ይንትስ ኤ ዎንገለ ኦሆደ ፋና ጾዚ ኑስ ምንꬅትሞ እንግዳ። 3 ኑኒ ይንታና ዞርደ ባልራ ዎይ ጭሞራ ዎይ ገነራ ባያ። ሐዋ. 16:19-24፤ 17:1-9

4 የዝን ጾዚ ኑና ቤዙንꬃና ጋእ ፋይድደ ግሾ ዎንገለ ኦሆደ ፋና ኑስ Ꮉዳራ እንግደ ግሾ ኦህነ። ኑ ይኖ ኦችዘ ኑ ዎዝንቶ በእዘ ጾዛ ኡፋይሶደስ ፋትን አስ ኡፋይሶደስ ባያ። 5 ኑ ሚሸ ዥምባሪ ዎርዶ ይንታና ሳብተራ ይንታጎ ይእካይዛኖ ሎይꬂ ኤራነ፤ ጾዚ ኑስ ማርካ። 6 ኑኒ ይንታፓ ማቅን ዎይ መለ አስ ኦደፋን ቦንቾ ኮይካያ። 7 ኑኒ ክርስቶሳ ሐዋረ ማቅዳን ፋና ኑስ ኮሽዘ ባዝ እንጎተ ጋእ ኤኮደስ ዳንዳአነ፥ የዝን እንታ ፋ ናኡንꬃና ድችዛን ፋና ይን ግዳ አሽከ ማቅዳ። 8 ኑ ይንታና ካꬍደ ግሾ ጾዘ ዎንገለ ይንትስ ሻከ ጻላላ ባይዝን ኑ ሸምፕቶ ይንትስ እንጎደስ ጊግዳ። ይን ኑስ ጋማ አልኦ። 9 ኑ እሹንꬆ፥ ኑ ኦችቶን ኑ ላብꬅቶ ኤራነ። ይንትስ ጾዘ ዎንገለ ኦህተራ፥ ይንታና ዋይꬃመ ፋና ቃማን አዋራ ኦችዳ።

10 ኑ የስታ ይን አማንዙንꬅ ካለን ጾዘ ቲኖ ጌሽ፥ ጽሎን ቦርንቶሱንꬃና ማቅዛንስ ይንትን ጾዝን ማርካ። 11 ኑኒ ይንትስ ኦምተ ኦምተ የልዱንꬅ ፋ ናኡንꬅስ ኦችዛን ፋና ኦቾዳኖ ኤራነ። 12 ኑ ይንታና ዞርዳ፥ ምንꬅꬅዳ። ማህ ፋ ካእቱምቶን ፋ ቦንችቶ ግሽንቶደስ ይንታና ጼግደ ጾዛ ኡፋይስዘ ደኦ ይን የሳደ ፋና ይንትስ ምንꬅ ኦህዳ።

13 ይንትስን ኑኒ ጾዘ ቃላ ኦህደ ዎደ አስ ቃላ ፋና ባይዝን ጾዘ ቃላ ፋና ስእ ኤክደ ግሾ ኑኒ ኡባ ዎደ ጾዛ ጋላታነ። ኤ ቱሪ ጾዘ ቃላ፤ ጾዘ ቃላ አማንዘ ይን ግዳ ኦቻነ።

14 ታ እሹንꬆ፥ ይን ይሁዳ ሳአ የዘ ዎሳ ኬꬅተን የይጋ ክርስቶሳ የሱሳ ካልዘ አሱንꬅ ፋና Ꮉንዳ። ኡን አይሁዱንꬅ ዋይꬅዛንፋና ይንታናን ይን ሳአ የዘ አሱንꬅ ዋይꬅዳ። 15 የንꬅ አይሁዱንꬅ ላꬄ የሱሳን ናቡንꬃና ዎꬍዳ፤ ማህ ኑና ባይእዳ። ኡን ጾዛ ኡፋይሶሱንꬃናን አስ ኡባ እጽዙንꬃና።ሐዋ. 17:5 16 ኡን መለ አቶ የዝን፥ አይሁደ ማቆሰ አሱንꬅን አቶደ ፋና ኑኒ ኡንትስ ቃላ ኦህዛኖ ካያነ። ይኒ ጋር ዪዚ ኡን ናጋርት ጹእታ ኩሞደ የሎደስ ኡባ ዎደ ናጋራ ኦቻነ። ዉርሱꬅተ፥ ጾዘ ካች ኡንታላ አፋ ዎꬋነ።ሐዋ. 9:23፥ 29፤ 13:45፥ 50፤ 14:2፥ 5፥ 19፤ 17:5፥ 13፤ 18:12

17 የዝን ኑ እሹንꬆ፥ ኑኒ ኑ አያናራ ባይዝን አሾራ ይንታፓ ሻክንት ኤራꬅ ዎደ ጋምእዳነ ይንታና ጋማ አሙꬊ በአደስ ኮይዳ። 18 ኑ ማቂ ይንታጎ Ꮉንጎደስ ኮይዳ። ታኒ ታ ኦምተ ይንታጎ Ꮉንጎደስ ኮይዳ፥ የዝን ጻላሄ ኑና ካይዳ። 19 ይኬ፥ ኑ ላꬄ የሱስ ክርስቶሳ የእዘ ዎደ ኑ ኡፋይስታ ዎይ ኑ ጬቅንትዘ ኑ ዎይቱንꬅ ኦደ? ይንታና ባነ? 20 ቱሮ ይን ኑስ ቦንቾን ኑስ ኡፋይስ።