1 ይኒ ግሾ፥ ኑ ይንታና በአንጽዳነ ኑስ ገንጮደስ ዳንዳእንታንጽን፥ አቴና ካታማ ኑ ጻላላ አቶደስ ቆፋ አጭዳ። 2 ይንታና ዞሮደ ፋና አማኖራ ይንታና ምንꬅꬆደ ፋና ኑራ ዎላ ጾዝስ ኦችዛን ክርስቶሳ ዎንገለ ኦህዘ ኑ እሻይ ጢሞትዮሳ ይንታጎ ዳክዳ። ሐዋ. 17:15 3 ይናን ይንታና የልደ ዋይተ ይንታፓ ኦደን ሱብ ማቅፈ። ይና ዋይታ ኑስ ጾዘ ቆፋ ማቅዳኖ ይን፥ ይን ኦምተ ኤራነ። 4 ኑ ይንታራ የዘ ዎደ ዋየ ኑና የሎዳኖ ይንትስ ቲንꬊ ኦህዳ። ይን ኤርዛን ፋና Ꮉንዳ። 5 ይኒ ግሾ፥ ታስ ገንጮደስ ዳንዳእንታንጽን፥ «ኦደ ኤርዘ ጻላሄ ኡንታና ፋታኒ ኑ ላቢꬅቶ ጨር አሽካይዛራ አታማ» ጋእ ይን አማንትባዝ ኤሮደስ ጢሞትዮሳ ይንታጎ ኪትዳ።

6 Ꮉተ ጢሞትዮሳ ይን ካለፓ ይእ፥ ይን አማንትባዝ ይን ሲቅትባዝ ሎኦ ዎረ ኦህዳ። ማህ ይን ኡባ ዎደ ኑስ ሎኦ ቆፕዛኖን ኑኒ ይንታና በአደስ አሙꬍዛኖ ይን ኑና በአደስ አሙꬍዛኖ ኤ ኑስ ኦህዳ። 7 ታ እሹንꬆ፥ ኑና የልዘ ዋይተን ማꬍተ ማቅኮን ይን አማንቲ ግሾ ምንግዳ። ሐዋ. 18:5 8 ይን ላꬃራ ሚንግ የዝኮ ኑስን ደኦ። 9 ይኬ፥ ኑኒ ይን ባጋራ ደንግደ ኡፋይስትስ ጾዛ ዋይዝ ጋላቶደ? 10 ኑኒ ይንታና በአደስን ይን አማንተ ፋጭደባዝ ኩንꬆደስ ቃማን አዋራ ኑ ኩሙꬅ ዎዝንተ ጾዝ ዎሳነ።

11 ጾዘ ኑ አዳይ ፋ ኦምተ ኑ ላꬄ የሱስ ኑ ይንታጎ Ꮉንጎደ ኦግቶ ጊግዞ። 12 ኑ ይንታና ጋማ ካꬍዛን ፋና ላꬂ ይንታና ፈታያ ፈታያ ሲቅዘ ሲቅተ አስ ኡባ ሲቆ ይንትስ ጋንꬅ ጉጆ። 13 ኑ ላꬄ የሱስ ክርስቶሳ ፋ ጌሹንꬃራ ይእዘ ዎደ ጾዘ፥ ኑ አዳይ ቲኖ ይን ዎዝንታ ጌሽን ቦረ ባይዛ ማህ ኤ ይንታና ምንꬅꬆ።