1 ዉርሱꬅተ፥ ታ እሹንꬆ፥ ጾዛ ኡፋይሶደስ ይን ዋይዝ የሳደስ ቤዝዛኮ ኑፓ ታማርዳ። ይኖ ይን ቲኖፓ የዝደ የስ፥ የዝን Ꮉተ ይን ቲኖስትፓ አꬂ ኦቾደ ፋና ላꬄ የሱሳ ቲኖ ይንታና ዎሳነን ዞራነ። 2 ኑ ላꬄ የሱሳ ሱንꬅተ አኮ ኪታ እንገዛኮ ኤራነ።

3 ጾዚ፥ ይን ጌሽ ማቃደ ፋናን ኦላለ Ꮉንታመ ፋና ኮያነ። 4 ይን ፈታይ ፈታይ፥ ይን ማቹንꬃራ ጌሻትꬃራን ቦንቾራ የሳደስ ቤዛነ። 5 ጾዛ ኤሮሰን አማኖሰ አስ ፋና ኦላለ Ꮉንተራ አሞራ ኤጽንትፐተ። 6 ኑ ዛጋ ይንትስ ኦህዳን ፋና ምንꬂ ዞሪዳንፋና ላꬂ ይኒ ፋና ኦችዛ ኡባ ፍርድዘ ግሾ ኦንን Ꮉንሳራ ፋ አማንዘ እሻያ ቆሆደስን ጭሞደስ ቤዞስ። 7 ጾዚ ኑኒ ጌሻትꬃራ የሳደ ፋና ፋትን ቱኒ የሳደ ፋና ጼግካያ። 8 ይኒ ግሾ፥ Ꮉና ትምርትት ቆፍቶ እጽዘ ኦደን ይንትስ ጌሽ አያና እንግደ ጾዘ ቆፋ እጻነ ፋትን አስ ባያ።

9 ይን ፈታይ ፈታይ ዋይዝ ሲቆድየዛኮ ጾዚ ይንታና ታማርስደ ግሾ Ꮉተ ሲቆባዝ ኑ ይንትስ ጻፎደስ ቤዞስ። 10 ማህ መቀዶንያ የዘ አማንዙንꬃና ኡባ ቱሮ ይን ካꬋነ። የዝን ኑ እሹንꬆ፥ Ꮉተን ይን ኡንታና አꬂ ካꬎደ ፋና ይንታና ዎሳነ።

11 ኑኒ ቲኖ ይንትስ ኦህዳን ፋና ዎፑ ጋይደ የስ የዞተ። ይን፥ ቤዝዘ ኦቻ ኦቺ ይንትስ የሳደስ ኮሽዘ ባዝ ደንጎተ። 12 ይኒ ፋና Ꮉንኮ፥ አማኖሰ አሱንꬅ ካለ ይን ቦንችንቶዳ፤ ማህ ይንታና ኮሽዘ ባዝስ ኦደስን አዳሻማ።

13 ኑ እሹንꬆ፥ አማኒ Ꮉይቅደ አሱንꬅ Ꮉኖደባዝ ይን ኤሮደ ፋና ኮያነ። ይን ኡን ግሾ ኡፋይስ ባይዘ አስ ፋና አዛንፈተ። 14 ኑኒ፥ የሱሳ Ꮉይቅዳኖን ማህ Ꮉይቆፓ ደንድዳኖ አማናነ። ይኒ ጋር፥ ጾዚ የሱሳ አማኒ Ꮉይቅዱንꬃና ኤራ ዎላ ኮኦዳኖ አማናነ።

15 ላꬂ ኑስ ኦህዳን ፋና ላꬂ የእዘ ቃማ ኤራ የልንቶደስ ኑኒ ፋጻ የዙንꬅ፥ Ꮉይቅዱንꬃፓ ቲኖስ። 16 ላꬂ ዳማ ኪታ ኦꬃራ፥ ኪታንቹንꬅ Ꮉላቃ ኦꬃራ፥ ጾዘ ሞይዘ ኦለራ፥ ሳሎፓ ዎꬎዳ። ክርስቶሳ አማኒ Ꮉይቅዱንꬅ ቲኒ Ꮉይቆፓ ደንዶዳ። 1 ቆሮ. 15:51-52 17 ይንፓ ሱባ፥ የ ዎደ ኑኒ ፋጻ የዙንꬅ፥ ላꬃራ ꬎነላ የልንቶደስ ኡንታራ ዎላ ሳሎ ኤክንቶዳ። ይንፓ ሱባ፥ ኑኒ ላꬃራ ዎላ መꬍናስ የሳዳ። 18 ይኒ ግሾ፥ Ꮉና ቃልተ ፈታይ ፈታያ ምንꬅꬆተ።