1 ታ እሹንꬆ፥ Ꮉና Ꮉኖደ ዎደን አግና ይንትስ ጻፎደስ ኮሾስ። 2 ላꬄ ቃምታ ካይዞ ቃማ የእዛን ፋና ዮኦዳኖ ይን ሎይꬂ ኤራነ። 3 አሱንꬅ፥ «ሳአ ሳሮ፥ አኮን Ꮉኖስ» ያጋዝን፥ ማቾ የሎ ꬋኤ አይክዛን ፋና ꬋበ ኡን ቆፕካይዝን ኡንታላ አፋ ዮኦዳ። ኡን አኮ ኦገራን ከስ ኤካማ። ማቶ. 24:43፤ ሉቃ. 12:39፤ 2 ጴጥ. 3:10

4 የዝን ኑ እሹንꬆ፥ ይና ቃምታ ይንትስ ካይዞ የእዛን ፋና ዮኦደስ ይን ꬉማ ባያ። 5 ይን ኡባ ፎኦ አስን አዋራ የዘ አስ፤ ኑኒ ቃማ አስ ዎይ ꬉማ አስ ባያ። 6 ይኒ ግሾ፥ ኑኒ መሉንꬅ ገንትዛን ፋና ገንቶደስ ቤዞስ፤ ኑኒ ባርኮደስን ጊጊ የሳደስ ቤዛነ። 7 ገንትዙንꬅ ቃማ ገንታነ፤ ማꬅንትዙንꬅ ቃማ ማꬅንታነ። 8 የዝን ኑኒ አዋራ አስ ማቅደ ግሾ ጊጊ የሳደስ ቤዛነ። አማኖን ሲቆ ጹሩረ ፋና ማእ፥ አቶትꬅ ኡፋይስ ኦማ ጋድዘ ኦላ መቆ ባርኔጻ ጋዲ የሳደስ ቤዛነ። 9 ጾዚ ኑና ኑ ላꬄ የሱስ ክርስቶሳ ባጋራ ኩሙꬅ አቶትꬅ ኤኮደ ፋና ዶርዳ ፋትን ካችስ ዶርካያ። ኢሳ. 59:17፤ ኤፈ. 6:13-17 10 ኑኒ ፋጻ የዝኮ ዎይ Ꮉይቂኮ፥ ክርስቶሳ የእዘ ዎደ ኤራ ዎላ የሳደ ፋና ክርስቶሳ ኑ ግሾ Ꮉይቂዳ። 11 ይኒ ግሾ፥ ይን ቲኖ ኦችዛን ፋና፥ ፈታይ ፈታይራ ዞርንቶተን ምንꬅꬆተ።

12 ኑ እሹንꬆ፥ ይን ግዳ ኦቺ ላብዙንꬃና፥ ላꬄ ሱንꬅተ ይንታና ካልꬆደ ፋናን ዞሮደ ፋና ዶርዱንꬃና ቦንቾደ ፋና ይንታና ዎሳነ። 13 ኡን ኦችዘ ኦችት ግሾ ኡንታና ጋማ ቦንቾተን ሲቆተ። ፈታይ ፈተራ ሳሮራ የዞተ።

14 ኑ እሹንꬆ፥ ኑኒ ይንታና ዞራነ። ቦዙንꬃና ካጮተ፤ ዣሽትዙንꬃና ምንꬅꬆተ፤ ላብዱንꬃና ማዶተ፤ አስ ኡባ ዳንዳኦተ። 15 ኦደን ኢታ ግሾ ኢታ ማሀመ ፋና ናግንቶተ። ይን ዎልስን አስ ኡባስ ሎኦ ባዝ ኦቾደስ ምንጎተ።

16 ኡባ ዎደ ኡፋይቶተ። 17 ኡባ ዎደ ጾዝ ዎሶተ። 18 ኡባ ባዛ ጋላቶተ። ክርስቶስ የሱሳ ባጋራ ጾዚ ይንታፓ ኮይዛና ይኖ።

19 ጌሽ አያና ታማ ꬋብስፐተ። 20 ትንቢተ ቃላ ለቅፐተ። 21 ኡባ ባዝ ፋታኖተ፤ ሎኦ ባዝ ኤኮተ። 22 ኢታ ባዝ ኡባፓ Ꮉኮተ።

23 ሳሮ እንግዘ ጾዘ ፋ ኦምተ ይንታና ጌሾ። ኑ ላꬄ የሱስ ክርስቶሳ ዮኦደ ቃማስ፥ ጾዚ ይን አያና፥ ይን ሸምፕቶን ይን ኩሙꬅ ጋልቶ ቦረ ባይꬅ ናጎ። 24 ይንታና ጼግዘ አማንንትዳያ ማቅደ ግሾ ይኖ ኤ ፎሎዳ።

25 ኑ እሹንꬆ፥ ኑስ ጾዝ ዎሶተ።

26 አማንዘ አሱንꬃና ኡባ ጌሽ ዬርንተራ ሳርꬆተ።

27 ይን Ꮉና ኪቶ አማንዘ አስ ኡቡንꬅስ ናባቦደ ፋና ላꬄ ሱንꬅተ ይንታና ዎሳነ።

28 ኑ ላꬄ የሱስ ክርስቶሳ አꬎ ኬሃትꬅ ይንታራ ማቀ። አምንኤ።