1 ኦንን፥ «ዎሳ ኬꬂ ካልꬅዘ አስ ማቃደስ ኮይኮ ሎኦ ባዝ አሙꬋነ» ጋዘ ኦህታ ቱሮ። 2 ዎሳ ኬꬂ ካልꬅዘ አስ ቦርንቶሳያ፥ ፈቲ ማቻ ጻላላ የዛያ፥ ዎጋራ የዛያ፥ ፋና ናግዛያ፥ ቤዛን ፋና ኦችዛያ፥ ዛቆ ሞክዛያ፥ ታማርሶደስ ዳንዳእዛያ፥ 3 ማꬅንቶሳያ፥ ካጭንቶሳያ፥ ላሎሳያ፥ ብራ ይቅስንቶሳያ፥ ትቶ 1:6-9 4 ኤ ናኡንꬅ ኤስ ኪትንትዙንꬃናን ቦንችዙንꬃና፥ ፋ ኬꬅቶ አሆደስ ዳንዳእዛያ ማቃደስ ቤዛነ። 5 ፈቲ አስ ፋ ኬꬅቶ አሆደስ ዳንዳአንጽኮ፥ ጾዘ ዎሳ ኬꬅቶ ዋይዝ አሆደስ ዳንዳኤ?

6 ኡቱራራ ኩሚ፥ ጻላሄ ጾዘ ፍርዳራ ጎልእደ ፋና ጎልአመ ፋና፥ አማኖር ሚንግካይዘ አስ ማቆደስ ቤዞስ። 7 ቦረራን ጻላሄ ጽኬ ገላመ ጋር የ አꬄ አማኖሰ አስ ካለ ሎኦ ማርካትꬅ የሳደስ ቤዛነ።

8 ይኒ ፋና ማህ ዎሳ ኬꬂ ዳቆናቱንꬅ ቦንችንትዱንꬃና፥ ላምእ ዶና ኦህንቶሱንꬃና፥ ጋማ ማꬅዘ ኡሽ ኡዦሱንꬃና፥ ብራ ይቅስንቶሱንꬃና፥ 9 አማኖ ሳዛ ቆፋ ጌሽ ዎዝናራ ናግዙንꬃና ማቃደስ ቤዛነ። 10 ኡን ቲኖ ፋታንንቶደስ ቤዛነ፤ ኡንታላ አፋ ቦረ ባይዛ ማቅኮ፥ ዎሳ ኬꬃ ዳቆነ ማቂ ኦቾ።

11 ይኒ ፋናን፥ ኡን ማቹንꬅ ቦንችንትዱንꬃና፥ ዝግሮሱንꬃና፥ ዎጋራ የዙንꬃና፥ ኡባ ባዛ አምንንትዱንꬃና ማቃደስ ቤዛነ።

12 ዎሳ ኬꬃ ዳቆናቱንꬅ ፈቲ ማቻ ጻላላ የዙንꬃና ማቆ። ፋ ናኡንꬃናን ፋ ኬꬅቶ ሎይꬂ አህዙንꬃና ማቃደስ ቤዛነ። 13 ዎሳ ኬꬃ ዳቆነ ማቂ፥ ሎኦ ኦቻ ኦችዙንꬅ፥ ኡንትስ ዳማ ቦንቾን ክርስቶሳ የሱሳ ግዳ የዘ አማኖ ባዝ ኦሆደስ ምንꬅትሞ ደንጎዳ።

14 ታኒ Ꮉና ኪቶ ኔስ ጻፍተራ፥ ኤልሲ ኔጎ Ꮉንጎዳ ጋእ ኡፋይስ ጋዳነ። 15 የዝን ታኒ Ꮉንጋንጽ ጋምእኮ፥ ጾዘ ኬꬃ አሱንꬅ ዋይዝ የሳደስ ቤዝዛኮ ኤሮደ ፋና Ꮉኖ ኔስ ጻፍዳ። ደኦ ጾዘ ኬꬅታ ቱረትꬅስ ቱስን ባሳን። 16 ኑ አማንትስ ሳዛ ቆፍታ ሶኤ ባይꬅ ዳማ።