1 ዉርሱꬅ ዎደ ባልꬅዘ አያናን ቱና አያና ትምርትቶ ካሊ፥ ፈቲ ፈቲ አሱንꬅ አማኖ ካዶዳኖ ጌሽ አያና ቆንጭዝ ኦህዳ። 2 ይኒ ፋና ትምርተ ኡን ዎዙንታ ዶጭን፥ አሱንꬃና ባልꬅዘ ዎርዶ አስታማሩንꬃፓ የእነ።

3 የንꬅ ፋና የዘ አሱንꬅ ኤከን ገለ ካያነ፤ ማህ ፈቲ ፈቲ ካꬃ ማአመ ፋና ጋእ ካያነ። የዝን አማንዙንꬅን ቱሮ ኤርዙንꬅ ጾዛ ጋላቲ ዎሲ ማአደ ፋና ጾዚ ካꬃ መꬍዳ። 4 ጾዘ መꬍደ ኡባ ባዝ ሎኦ። ጾዝ ጋላት ኤክኮ አላ ዎꬍዘ አኮን ባያ። 5 ኡባ ባዝ ጾዘ ቃላራን ዎሳራ ጌሽ ማቃነ።

6 ይኒ ግሾ፥ ነ Ꮉና ትምርትቶ አማንዙንꬃና ታማርስኮ፥ ክርስቶሳ የሱሳ ሎኦ አሮ ማቃዳ። ነ ካልዘ ሎኦ ትምርትተ ቃላ ታማርኮ ድጮዳ። 7 የዝን ማደን ቱሪ ባይዘ ኦሄፓን ጭማ ማቹንꬅ ቶሰፓ Ꮉኮ። ጾዛ አዞደስ ነና ዱስዞ። 8 አስ ፋ ጋልቶ ምንꬆደስ ኦችዘ ኦቻ ኤራꬅ ዎደ ማዳነ። የዝን ጾዝ አዘ ዱስዛና Ꮉተን መዽና ደኦ እንግዘ ኡፋይስ የዘ ግሾ ኡባ ባዝስ ማዳነ። 9 Ꮉይ ቃልዘ አስ ኡባ ኤኮደስ ቤዝዘ ቱሪ ቃላ። 10 ኑኒ አስ ኡባ፥ ኡባፓ አꬂ አማንዙንꬃና አሽዘ ደኦ ጾዛ ኡፋይሳራ ናግዘ ግሾ፥ ይንስ ኑኒ ኦቻራ ላባነን ቡቱንታነ።

11 Ꮉና ኪትቶ ታማርሶ። 12 ነ ይꬎ ማቅደ ግሾ ነና ኦንን ቦርፐ። የዝን አማንዙንꬅስ ኔኒ ኦሄራ፥ ኦቻራ፥ ሲቆራ፥ አማኖራን ጌሻትꬃራን አዝዘ ማቆ። 13 ታኒ ዮኦደ ዎንꬅስ አሱንꬅስ ጌሽ ማጻፍቶ ናባበራ፥ ሳባኬራን ታማርሰራ ምንጎ። 14 ትንቢተ ኔስ ኦህንትን፥ ጭሙንꬅ ፋ ኩሽቶ ኔላ አፋ ጋድደ ዎደ ነ ኤክደ፥ ነ ግዳ የዘ ጌሽ አያና እሞትꬅ ቦርፐ።

15 ነ ድችታ አሱንꬅ ኡቡንꬅስ ቆንጮደ ፋና ይኖ ምንꬂ ቆፖ፤ Ꮉኖ ኡባ ዎደ ኦቾ። 16 ነ ኦምትስን ነ ትምርትስ ናግንቶ። ነ ይኖ ኡባ ዎደ ኦችኮ ነናን ነና ስእዙንꬃና አሾዳ።