1 ታኒ ላምእንꬃ ይንታጎ Ꮉንጎስ ጋእ ቆፋ አጭዳና ይንታና አዛንꬅካይዛራ አታማ። 2 ታኒ ይንታና አዛንꬅኮን ታ አዛንꬅዱንꬅ ይንታፓ መለ ታና ኡፋይሶደስ የዘ ኦደ? 3 ታኒ ይንትስ የ ዳብዳብዛ ጻፍዳና፥ ታ ይንታና በአደስ Ꮉንግዘ ዎደ ታና ኡፋይሶደስ ቤዝዘ አሱንꬃላ ታ አዛኖደስ ኮዮሰ ግሾ። ታ ኡፋይትዘ ዎደ ይን ኡቡንꬅን ኡፋይቶዳኖ ታ አማናነ። 4 ታኒ ጋማ ዋየን ኡንአን ማህ ጋማ አፉꬃራ ጻፍዳና፥ ይንታና አዛንꬆደስ ማቅካይዝን ታኒ ይንታና ኡባ አኮ ጋር ካꬍዛኮ ይንታና ኤርሶደ ፋና።

5 አስ አዛንꬅደ ኦደን የዝኮ ታ ኤላ አፋ ጋንꬆደስ ኮዮስ ፋትን ታና ማቅካይዝን ይንታፓ ጋሙንꬃና አዛንꬅዳ። 6 ይንታፓ ጋማ አሱንꬅ የ አꬃ ሴርደ ሴረꬅታ ኤስ ማቃዳ። 7 ይኒ ግሾ፥ የ አꬄ ጋማ አዛኒ፥ ኡፋይስ ጋቻመ ፋና ጨር ይን ኤዛ ማሮደስን ምንꬅꬆደስ ቤዛነ። 8 ይን ኤዛ ሲቅዛኖ ማህ ኤስ ቆንጭሳደ ፋና ታ ይንታና ዎሳነ። 9 ታ የ ዳብዳብዛ ይንትስ ጻፍዳና፥ ይን ፋታንንት፥ ኡባ ባዛ ታስ ኪትንትዛኖ ኤሮደስ ኮይደ ግሾ። 10 ይን ማርዘ አꬃ ታንን ማሮዳ። ታኒ ማሮደባዝ አኮ የዝኮን፥ ክርስቶሳ ቲኖ ይን ግሾ ጋእ ማርዳ። 11 ታ ይኖ ኦችዳና ጻላሄ ገነ ኦቻ ኑ ኤርዘ ግሾ ጻላሄ ጭማመ ፋና።

12 ታኒ ክርስቶሳ ዎንገለ ሳባኮደስ ጢሮአዳ Ꮉንግደ ዎደ ላꬂ እዘ ታስ ኦቻ ኦገ ጊግዚ ጋድዳ። ሐዋ. 20:1 13 የዝን ታኒ ታ እሸ ትቶ እዘ ደንግካይዘ ግሾ ታ ዎዝንታ ሸምፕካያ። ይኒ ግሾ፥ እዘ የዘ አሱንꬃና ሳሮꬅ ኤዛ ኮዮደስ መቀዶንያ ቅትዳ።

14 የዝን ክርስቶሳ ባጋራ ኡባ ዎደ ኑና ጋመራ ካልꬅዛያን ሽቶ ፋና ሳውዘ ክርስቶሳ ባዝ ኑ ኤርዘ ትምርትቶ ኡባ በሳ የልꬆደ ጋር ኦችዘ ጾዛ ጋላታ የሎ። 15 ኑኒ አትዘ አሱንꬅ ግዳን ꬋብዘ አሱንꬅ ግዳ ክርስቶሳ ባጋራ ጾዝስ እንግንትደ ሳውዘ ሽቶ ፋና። 16 ꬋብዘ አሱንꬅስ Ꮉይቆስ ካንግዘ Ꮉይቆ ዜቆ፤ ማህ አትዘ አሱንꬅስ ደኦጎ ካንግዘ ደኦ ሳዎ፤ ዬዝን፥ ይኒ ጋርዘ ኦቻስ ቤዝዘ አስ ማቃደ ኦደ? 17 ኑኒ ጾዘ ቃላ ትርፈ ደንጎደስ ኮይ ቡቁꬅ ዛልእዘ ጋማ አሱንꬅ ጋር ባያ። የዝን ጾዚ ኪትደ ሉለ አሱንꬅ ፋና ክርስቶሳ ግዳ የዚ ጾዘ ቲንተ ቃላ ኦህነ።