1 ኑኒ ማህ ኑና ናሾነነ? ዎይ መለ አስ ጋር፥ ጋላታ ዳብዳብዛ ይንትስ ዳኮደስ ዎይ ይንታፓ ኤኮደስ ኑና ኮሻነነ? 2 አስ ኡባ ይንታና ኤሮደ ፋናን ናባቦደ ፋና ይን ኑ ዎዝንተ የዘ ዳብዳበ። 3 ይን ቃላመራ ማቅካይዝን ደኦ ጾዘ አያናራ፥ ሹቻላ አፋ ማቅካይዝን አስ ዎዝና ጻፍንትዱንꬃናን ኑራ ማድንትደ ክርስቶሳ ዳብዳበ ማቅዛኖ ቤዝዳ። ከዘ 24:12፤ ኤር. 31:33፤ ሕዝ. 11:19፤ 36:26

4 ኑ ይኖ ጋይዳና፥ ክርስቶሳ ባጋራ ጾዘ ግዳ አማኖ ኑስ የዘ ግሾ። 5 ኑ ይኖ ኦቾደስ ዳንዳእዳና ጾዘ ዎልቃራ ፋትን ኑኒ ኑ ዎልቃራ አኮን ኦቾደስ ዳንዳኦስ። 6 ኑ ክለ ጫቆስ ኪትንትዙንꬄና ማቃደ ፋና ኑና ዪዝዳ። ይና ክለ ጫቅታ ጌሽ አያናራ በንትዳ ፋትን ጻፍንትደ ህገ ግዳ ባያ። ህገ ዎꬋነ፥ የዝን ጌሽ አያና ደኦ እንጋነ። ኤር. 31:31

7 ሹቻላ አፋ ጻፍንትደ ህግታ እንግንትደ ዎደ ጾዘ ቦንችታ ቆንጭዳ። ሙሴ ስንተ የዘ ቦንችታ ꬋብተር Ꮉንግዘባዝ ማቅኮን፥ እስራኤለ አሱንꬅ ኤ ስንቶ ዳኪ በአደስ ኡን ዳንዳእካያ። ይኬ፥ Ꮉይቆ ክእዘ ህገ ይኒ ጋር ቦንቾራ ቆንጭኮ፥ ከዘ 34:29 8 ዬዝን፥ ጌሽ አያናራ ኦችንትዘ ኦቻ ቦንችታ ዋይዝ አꬎሶ? 9 አሳላ አፋ ፍርዳ ክእዘ ህገ ቦንቾ ማቅኮ ዬዝን፥ አስ ጽልዘ ክለ ኦገ ዋይዝ አꬊ ቦንችንቶሳ? 10 ዛጋ ቦንቾ ማቅዳኖ Ꮉተ አꬍዘ ቦንቾራ የልꬅ በእዘ ዎደ ዛጋና ቦንቾ ባይዘ ባዝ ማቅዳ። 11 ኤራꬅ ዎደስ በንቲ ሱባፓ ꬋብዳና Ꮉኒ ፋና ቦንችንትኮ፥ መዽና የዛና ዋይዝ አꬊ ቦንችንቶሶ?

12 ኑስ Ꮉኒ ጋር ኡፋይስ የዘ ግሾ ዬልꬍካይዛራ ኦህነ። 13 ኑኒ፥ እስራኤለ አሱንꬅ ꬋብተር Ꮉንግዘ ቦንችት ፎልቶ ባአመ ጋር ፋ ስንቶ ጎዝደ ሙሴ ፋና ባያ። ከዘ 34:33 14 የዝን ኡን ዎዝንታ ዶጭዳ። Ꮉይኖ የሎደስ ኡን ጋልአ ጫቆ ናባብዘ ዎደ ኡን ዎዝንታ ይና ጎዝꬅተ ጎዝንቲ የነ። ይና ጎዝꬅታ ክርስቶሳር ጻላላ ጋርንታነ። 15 የዝን Ꮉይኖ የሎደስ ኡን ሙሴ ማጻፈ ናባብዘ ዎደ ኡባ ይና ጎዝታ ኡን ዎዝንቶ ጎዛነ። 16 የዝን ኦደን ላꬃጎ ማቅዘ ዎደ አይደን ይና ጎዝታ ጋርንታነ። ከዘ 34:34 17 ላꬂ አያና፤ ላꬄ አያና የዘ በስተ ዋሎትꬅ የነ። 18 ኑኒ ኡቡንꬅ ጎዝንትካይዘ ስኖራ ላꬄ ቦንችቶ በአዳ። *በአዳ፦ ማስቶተ ፋና ማህ ቤሳዳ ጋእ ብልንቶደስ ዳንዳአነ። ኑኒ አያና ማቅደ ላꬄ ብሽቶ አዞደስ ቦንቾፓ ቦንቾ ላምንቶዳ።