1 ይኬ፥ ጾዚ ፋ ማሮትꬅተ Ꮉና ኦችቶ ኑስ እንግደ ግሾ ኑኒ ኡፋይስ ጋቾስ። 2 ኑኒ ኣችቻን ዬልዘ ኦቻ ኡባ አሽዳ፤ ዉጨ ኦቻ ኦቾስ፤ ጾዘ ቃላ ዎርዶራ ዎርቆስ። ቱርቶ ቆንጨ ኦህተ፥ አስ ኡባ ዎዝና ኑና ኤኮደ ፋና ጾዘ ቲኖ ኑና ሺሾዳ።

3 ኑ ኦህዘ ዎንገልዘ ጌንግደ ባዝ ማቅኮን፥ ገንግዳና ꬋበ ኦገ የዘ አሱንꬅስ። 4 Ꮉና አላምቶ አህዘ ጾዘ አማኖሰ አሱንꬅ ዎዝንቶ ጎዝዳ። ኡን ጾዘ ብሻራ ቆንጭደ ክርስቶሳ ቦንቾ ዎንገለ ፎእቶ በአመ ጋር ካይዳ። 5 ኑኒ፥ የሱስ ክርስቶሳ ላꬂ ማቅዳኖን ኑ ኤ ግሾ ይን ኦቻንቾ ማቅዛኖ ኦህነ ፋትን ኑ ባዝ ኦሆስ። 6 «ፎኦ ꬉማ ግዳ ፎኦ» ጋይደ ጾዘ፥ ክርስቶሳ ስንቶ ፎእዘ ጾዘ ቦንችቶ ኤርዘ ፎእቶ እንጎደስ ፋ ፎእቶ ኑ ዎዝንተ ፎእዝዳ። መꬎ 1:3

7 የዝን ኡባፓ አꬍዘ ዎልቃ ኑ ባዝ ማቅካይዝን ጾዘ ባዝ ማቅዛኖ ቤሳደስ Ꮉና ቦንቾ ቆልታ መቂዘ ሚሸ *መቂዘ ሚሸ፦ Ꮉና በስተ መቂዘ ሚሸ ጋእንትዳና ሳአፓ መꬍንትደ ሚሸ ቤሳደስ፦ ኦታ፥ ሻተ፥ በሸ። ፋና ኑ ግዳ የነ።

8 ኑ ኡባ ባጋራ ዋይንትዳ፥ የዝን መቂካያ። ኑስ ዎርክታ ማቅዳ፥ የዝኮን ኡፋይስ ጋችካያ። 9 ኑ፥ ሞርኩንꬃራ ባይእንትዳ፥ የዝን ላገ ꬋብካያ። ኑ ሞርኩንꬃራ ጉዱንቲ ጎልእዳ፥ የዝን ꬋብካያ። 10 የሱሳ የእታ ኑ ጋልተ ቆንጮደ ፋና ኤ Ꮉይቅቶ ኡባ ዎደ ኑ ጋልተ ቶኪ ዉታነ። 11 የሱሳ ደእታ Ꮉይቅዘ ኑ ጋልተ ቆንጮደ ጋር ፋጻ የዘ ኑኒ ኤ ግሾ ኡባ ዎደ Ꮉይቆስ አꬊ እንግንታነ። 12 ይኬ፥ Ꮉይቆ ኑ ግዳ ኦችዘ ዎደ ደኦ ይንግዳ ኦቻነ።

13 ጌሽ ማጻፍተ፥ «ታ አማንዳ፤ ይኒ ግሾ ኦህዳ»ማዝ. 116:10 ያጋእንትዳ። ይኒ ፋና አማኖ ኑስ የዘ ግሾ ኦህነ። 14 ላꬄ የሱሳ Ꮉይቆፓ ደንꬅደ ጾዘ፥ ኑናን የሱሳራ Ꮉይቆፓ ደንꬆዳኖን ይንታራ ዎላ ፋ ቲኖ ሺሾዳኖ ኤራነ። 15 ይና ኡባ Ꮉንዳና ይን ግሾ። ጾዘ አꬎ ከሃትꬅታ ጋማ አሱንꬃና የልዘ ዎደ አሱንꬅ ጾዘ ቦንቾስ ጋላታ ጋንጎደ ፋና።

16 ይኒ ግሾ፥ ኑኒ ኡፋይስ ጋቾስ። ኑ በንትዘ ጋልታ ላቢተራ Ꮉንግዘባዝ ማቅኮን፥ ኑ አያና ጋልታ ቃምተ ቃምተ ክልꬋነ። 17 Ꮉተስ ኑ ማꬍንትዘ Ꮉና ላፋ ማꬍታ፥ ኡባፓ አꬊ ዳምዘ መዽና ቦንቾ ኑስ እንግሳዳ። 18 ኑኒ በንትዘ ባዝ ማቅካይዝን በንቶሰ ባዝ በእነ። በንትዘ ባዝ Ꮉተስ፥ የዝን በንቶሰ ባዝ መꬍናስ።