1 ታ ይንታጎ Ꮉንጎደራ Ꮉና Ꮉይꬓንꬆ። አኮ ሞቶን ላምእ ዎይ Ꮉይꬕ ማርካራ ምንጋነ። ማሄ 17:6፤ 19:15 2 ታኒ ላምእንꬃ ይንታራ የልንትዘ ዎደ ይን ግዳ ቲኖ ናጋራ ኦችደ አꬃን መሉንꬃና ኡባ ሴርካይዛራ አሾስ ጋእ ኦህ ጋድዳ። Ꮉተ ታ Ꮉኪ የዝኮን ማቂ ይንታጎ Ꮉንግዘ ዎደ ኦደስን ይቅስንቶስ።

3 ታ ግዳ የዚ ኦህዘ ክርስቶሳ ማቅዛኖ ይን ኤሮደስ ኮያነ። ኤ ይንታራ ኦህንትዘ ዎደ ዎልቃማ ፋትን ይን ግዳ ቦዛ ባያ። 4 ክርስቶሳ ማስቃላላ አፋ ዋየራ ሱጽንትዳ፥ የዝን ጾዘ ዎልቂተ ደኦ የነ። ኤ ቦዛ ማቅዛንጋራ፥ ኑንን ቦዛ። የዝን ይንታና ማዳደስ ጾዘ ዎልቂተ ኤዛራ ደኦ የሳዳ።

5 አማኖራ ሚንግ የዛኮ ይንታና ይንትስ ፋታኒ ቦኦተ። ፋታንተ ይን ጎልአንጽ አትኮ፥ ክርስቶሳ ይን ግዳ የዛኖ ይን ኤራነ። የዝን ክርስቶሳ ይንታራ የዛንጽኮ ይን ጎልኦዳ። 6 ኑኒ ፋታናራ ጎልአማኖ ይን ኤራነ ጋእ ኑ አማናነ።

7 ይን ኢታ ባዝ ኦቻመ ፋና ኑኒ ጾዝ ዎሳነ። ኑኒ ምንꬂ ማቅዛኖ አስ በአደ ፋና ማቅካይዝን ኑኒ ምንꬂ ማቃንጽን፥ ይን ሎኦ ኦቾደ ጋር ኑኒ ዎሳነ። 8 ኑኒ ቱርስ ኦቻነ ፋትን ቱርራ እጽንትዘባዝ አኮ ባዝን ኦቾደስ ዳንዳኦስ። 9 ኑ ላቢዘ ዎደ ይን ማህ ሚንጎደራ ኑና ኡፋይሳነ። ይን ቦረ ባይዙንꬃና ማቃደ ጋር ኑ ይንትስ ጾዝ ዎሳነ።

10 ታኒ ይንታፓ Ꮉኪ የዝተራ ጻፍዳና ይኒ ግሾስ። ታኒ ይንታጎ Ꮉንግዘ ዎደ ላꬂ ታስ እንግደ አደትꬅ ዎልቂተ አማንንቲ ይንታላ አፋ ላꬅꬋደስ ኮዮስ። ላꬂ ታስ ዎልቃ እንግዳና፥ ይንታና ማዶደስ ፋትን ቆሆደስ ባያ።

11 ዉርሱꬅተ ታ እሹንꬆ፥ ሳሮ የዞተ። ቦረ ባይꬅ የዞተ፤ ታ ዞርቶ ስኦተ። ፈቲ ዎዝናራ ማቂ የዞተ፤ ሳሮራ የዞተ። ሲቆን ሳሮ እንግዘ ጾዘ ይንታራ ማቀ።

12 ጌሽ ዬርንተ ዬርንትተራ፥ ፈተ ፈታ ሳርꬆተ። 13 ጾዘ አሱንꬅ ኡባ ይንታና ሳሮ ሳሮ ያጋነ።

14 ላꬄ የሱስ ክርስቶሳ አꬎ ኬሃትꬅ፥ ጾዘ ሲቆ፥ ጌሽ አያና ፈተትꬅ ይን ኡቡንꬃራ ማቀ።