1 ዉርሱꬅተ ኑ እሹንꬆ፥ ላꬄ ቃላ ይን ግዳ ኤልስ ዳልጎደ ፋናን ቦንችንቶደ ፋና ኑስ ዎሶተ። 2 ይኒ ፋናን፥ ቃላ ስእደ ኡባ አማኖሰ ግሾ ጾዚ ገኑንꬃፓን ኢታ አሱንꬃፓ ኑና አሾደ ፋና ኑስ ዎሶተ።

3 የዝን ላꬂ አማንንትዳያ፤ ኤ ይንታና ምንꬅꬆዳን ጻላሄፓ ናጎዳ። 4 ኑኒ ይንታና ኪትዛኖ Ꮉተን ቲኖፓን ይን ኦቾደ ፋና ላꬃላ ኑኒ አማንንታነ።

5 ላꬂ ይን ዎዝንቶ ጾዘ ሲቆጎን ክርስቶሳ ዳንዳአጎ ካልꬆ።

6 ኑ እሹንꬆ፥ ይን ኑፓ ኤክደ ኪቶ ካሎሱንꬃፓን ኦቻ አሺ አዛልአ አማንዘ አሱንꬃፓ ይን ሻክንቶደ ፋና ላꬄ የሱስ ክርስቶሳ ቲኖ ይንታና ኪታነ። 7 ኑ ፋና Ꮉኒ የሳደስ ቤዝዛኖ ይን፥ ይን ኦምተ ኤራነ። ኑኒ ይንታራ የዘ ዎደ ኦቻ አሽካያ። 8 ኑኒ ኦደፓን ካꬃ Ꮉሪ ሙእካያ። ኑስ ዳንዳእንትደ ፋና ቃማን አዋራ ኦቺ ላቢ የዝዳ ፋትን ኦደስን ቶፎ ማቅካያ። 9 ኑኒ ይኖ ኦችዳና፥ ይንትስ አዝዘ ማቃደስ ፋትን ይንታፓ ማደ ኦጮደስ ኑስ አደትꬅ ዎልቃ ꬋብን ባያ። 10 ኑ ይንታራ የዘ ዎደን፥ «ኦቾደስ ኮዮሰ አስ ኦደን ሙእፐ» ያጋእ ኪትዳ።

11 ኑኒ ይኖ ጋይደ፥ ይን ግዳ ፈቲ ፈቲ አዛልኡንꬅ የዛኖ ስእደ ግሾስ። የንꬅ አሱንꬅ ገልꬆሰ ባዛ ገሊ መሉንꬃና ኦቻ ብልዛነ ፋትን አኮን ኦቾስ። 12 ኑኒ የንስ ፋና አሱንꬅ ዎጋ የስ የሳደ ፋናን ኮሽዘ ባዝ ኦቺ ደንጎደ ፋና ላꬄ የሱስ ክርስቶሳ ቲኖ ኡንታና ኪታነን ዞራነ።

13 የዝን ኑ እሹንꬆ፥ ሎኦ ኦቻ ኦቾደስ አዛልእፐተ። 14 Ꮉተ ኑኒ Ꮉይ ጻፍንትደ ዳብዳብዘስ ኪትንቶሰ አስ ኦደን የዝኮ የ አꬃ ኤሮተ። ኤ ዬልꬋደ ፋና ኤፓ ሻክንቶተ። 15 የዝን ኤዛ እሸ ፋና ሴሮተ ፋትን ሞርከ ፋና ብእፐተ።

16 ሳሮ እንግዘ ላꬄ፥ ፋ ኦምተ ይንትስ ኡባ ዎደን ኡባ ባጋራ ሳሮ እንጎ። ላꬄ ይን ኡቡንꬃራ ማቀ።

17 ታኒ ጳዉሎሳ፥ Ꮉይ ሳርꬅዛ ታ ኩሸራ ጻፍዳ። ታ ኪታ ኡባንስ ማልታ Ꮉኖ፤ ታ ጻፍዛናን Ꮉኒ ፋና።

18 ኑ ላꬄ የሱስ ክርስቶሳ አꬎ ኬሃትꬅ ይን ኡቡንꬃራ ማቀ።