1 ኑ እሹንꬆ፥ ኑ ላꬄ የሱስ ክርስቶሳ ላምእንꬃ የእትባዝ ኑ ኤራ የልንቶደ ባዝስን ሺቆደ ባዝስ ኑ ይንታና ዎሳነ። 2 ትንቢተራ ዎይ መለ አሳፓ ስእደ ቃላራ ዎይ ኑፓ ኤክደ ኪታ ፋና ማህ፥ «ላꬂ ማቂ ይእዳ» ጋእ ይን ዎዝንታ ይርግፐን ሶእፐ። ኢሳ. 2:10 3 ይንታና ኦደን አኮ ኦገራን ባልꬅፈ። ቲኒ ባልꬅዘ ቆንጭካይዝን ገነ አꬄ ኤዝን ꬋበ ናአይ ይእካይዝን፥ ላꬄ ላምእንꬃ የኤ ቃማ የሎስ። 4 አስ ጎይንዘ ባዝን ጾዝ ማህዘባዝ ኡባ እጺ ፋና ꬎቅ ዪሳዳ። መለ አቶ የዝን፥ ጾዘ ኬꬃ ገሊ በቲ፥ «ታኒ ጾዝ» ያጋዉዳ።

5 ታኒ ይንታራ የዝተራ ይንትስ ኦህዳኖ ቆፖስ የሳነ?ዳነ. 11:36፤ ሕዝ. 28:2 6 የ ገነ አꬄ ኤ ፋ ቃማ ዮኦዳ ፋትን Ꮉተ የአመ ፋና አኮ ኤዛ ተቅዛኮ ይን ኤራነ።

7 አሱንꬅስ ቆንጭካይዘ ገነትꬅ ሳዛ ቆፋ Ꮉተን ኦቻነ፥ የዝን Ꮉተ ኤዛ ተቂዘ የነ። ኤዛ ተቅዘ ኦገፓ Ꮉልእደ ዎደ ኤ ቆንጮዳ። 8 ይንፓ ሱባ፥ ገነ አꬄ ቆንጮዳ፥ የዝን ላꬄ የሱሳ ፋ ዶንትፓ ከዝዘ ካሶራ ፋ ቦንቾ የእተ ኤዛ ዎꬎዳ። 9 ገነ አꬄ ጻላሄ ዎልቃራ ይእ ዎርዶ ክለ ባዝን ጋማ ቆፍዘ ማላ ባዝ ኦቾዳ። ኢሳ. 11:4 10 ይኒ ፋናን፥ ꬋበስ የዘ አሱንꬃና ዱማ ዱማ ጭምዘ ኢታ ኦቻራ ባልꬆዳ። ኡን ꬋብዳና አሽዘ ቱርዛ ካꬊ ኤካንጽደ ግሾስ። ማቶ. 24:24 11 ይኒ ግሾ፥ ኡን ዎርዶ ማቅዘ ባዝ አማኖደ ፋና ጾዚ ዎልቃማ ባል ኡንታላ ዳኮዳ። 12 ይናን፥ ቱሮ አማኖሰ አሱንꬅ፥ ናጋራ ኦቻ ኡፋይትዙንꬅ ኡባ ፍርድንቶደ ፋና።

13 ላꬃ ካዽዘ ኑ እሹንꬆ፥ ኑኒ ጾዛ ይን ግሾ ኡባ ዎደ ጋላቶደስ ቤዛነ። ይን አቶደ ፋና ጾዚ ጌሽ አያና ዎልቃራ ይንታና ጌሽዳነን ይንትን ቱሮ አማንዳነ ኤ ይንታና አንግስ ፋና ዶርዳ። 14 ጾዚ፥ ኑ ይንትስ ኦህዘ ዎንገለ ባጋራ ይንታና ጼግደ፥ ይን ኑ ላꬄ የሱስ ክርስቶሳራ ዎላ ቦንችቶ ሻክንቶደ ፋና። 15 ይኬ፥ ኑ እሹንꬆ፥ ሚንግ ኤቆተ። ኑኒ ይንታና ኑ ዶናራ ማቅን ዎይ ዳብዳበራ ማቅን ታማርስደ ትምርትቶ አይኮተ።

16-17 ኑ ላꬄ የሱስ ክርስቶሳን ኑና ካꬍደ ፋ አꬎ ኬሃትꬅተ መዽና ምንꬅራ ሎኦ ኡፋይስ እንግደ ጾዘ ኑ አዳይ ኑ ዎዝንቶ ምንꬅꬆ፤ ሎኦ ኦቻራን ቃላራ ኡባ ምንꬅꬆ።