1 ጾዘ ቆፋ፥ የሱስ ክርስቶሳራ የዘ ኡፋይስ እንግደ ባጋራ የሱሳ ክርስቶሳ ሐዋረ ማቅደ ጳዉሎሳፓ ኪትንትደ፥ 2 ታ ካዽዘ ናአይ ጢሞትዮሳስ።

ጾዘ አዳይፓን ኑ ላꬂ ክርስቶሳ የሱሳፓ አꬎ ኬሃትꬅ፥ ማሮትꬅን ሳሮትꬅ ኔስ ማቀ። ሐዋ. 16:1

3 ታኒ፥ ታ ዎስተ ቃማን አዋራ ነና ቆፓነ። ታኒ ዎስዘ ዎደ ታ አዱንꬅ ጾዛን ታኒ ሎኦ ዎዝናራ ማድዘ ጾዛ ነ ግሾ ጋላታነ። 4 ታኒ ነ አፉꬅቶ ቆፓነ፤ ነና ብእ ኡፋይቶደስ ጋማ አሙꬍዳ።

5 ማህ ኔስ የዘ ቱሪ አማኖ ኤራነ። ይኒ ፋና አማንታ ዛጋ ነ ኣፍቲ ሎይድራን ነ እንት ኤዉንቀራ የዘ አማንት ፋና። 6 ይኒ ግሾ፥ ታኒ ታ ኩሽቶ ኔላ አፋ ጋድደ ዎደ ጾዚ ኔስ እንግደ እሞ ኔኒ ማህ ኤꬆደ ዎይ ደንꬅꬆደ ፋና ቆፍዛነ። ሐዋ. 16:1 7 አኮስ ጋይኮ፥ ጾዚ ኑስ ዎልቃ፥ ሲቆን ኑ ኦምቶ አህዘ አያና እንጋነ ፋትን ዣሽትዘ አያና እንግካያ።

8 ይኬ፥ ኑ ላꬄስ ማርክꬋደስ ዬልꬍፐ፤ ማህ ኤ ግሾ አጭንትደ ታ ግዳን ዣሽትፐ። የዝን ጾዚ ኔስ እንግዘ ዎልቂተ ዎንገለ ግሾ ታራ ማꬋ ኤኮ። 9 ጾዘ ፋ ቆፍቶን ፋ አꬎ ኬሃትꬃራ ኑና አሺ፥ ፋ ጌሽ ዎርዣ ማሆደስ ኑና ዶርዳ ፋትን ኑኒ ኦችደ ኦቻ ግሾ ባያ። ይና አꬎ ከሃትꬅታ ክርስቶሳ የሱሳ ባጋራ አላመ መꬍንቶዳንፓ ቲኖ ኑስ እንግንትዳ። 10 Ꮉተ Ꮉይ አꬎ ኬሃትꬅዘ ኑና አሽዘ ክርስቶሳ የሱሳ የእተ ቆንጭዳ። ኤ Ꮉይቆ ዎልቃ ꬋብሲ፥ ዎንገለ ባጋራ ꬋቦሰ ደኦ ኑስ ቆንጭዝዳ።

11 ታኒ ዎንገለ ሳባክዘ፥ ሐዋረን አስታማረ ማቆደ ጋር ጾዚ ታና ዶርዳ። 12 ታኒ ይኒ ግሾ Ꮉና ማꬍቶ ኤካነ፤ የዝን ታ አማንዘ ኦና የዛኮ ኤርዘ ግሾ ዬልꬎኦስ። ታስ እንግንትደ Ꮉዳርቶ ይና ክርስቶሳ የኤ ቃማ የሎደስ ኤ ናጎደስ ዳንዳእዛኖ ኤራነ። 1 ጢሞ. 2:7

13 ታኒ ነና ታማርስደ ቱሪ ቃላ አዝዘ ማህ አይኪ ክርስቶሳ የሱሳ ባጋራ የዘ አማንተን ሲቅተ የዞ። 14 ኑ ግዳ የዘ ጌሽ አያና ዎልቃራ ኔስ እንግንትደ ሎኦ Ꮉዳርቶ ናጎ።

15 እስያ አዉራጃ የዘ ኡቡንꬅ ታፓ Ꮉክዳኖ ኤራነ፤ ኡን ግዳ ፍገሉሳን ሄርሞገኔሳ የነ።

16 አነስፎራ ታና ጋማ ዎደ ምንꬅꬅደ ግሾ ላꬂ ኤ ካራ አሱንꬅስ ይቅስንቶ። ታ አጭንትንን ኤ ዬልꬍካያ። 17 ይንላ አፋ ኤ ሮመ ካታማ ይእደ ጋር ታና ምንꬂ ኮይ ደንግዳ። 18 ዉርሱꬅ ቃምተ ላꬂ ይቅስንቶደ ፋና ታኒ ላꬃ ዎሳነ። ኤፈሶነ ካታማ ኤ ታና አኮ ጋር ማደዛኮ ነ ሎይꬂ ኤራነ።