1 ጾዘ ሱንꬅታን ኑ ትምርትታ ጫዥንታመ ፋና አሮትꬃ የዙንꬅ ፋና አህዘ ላꬁንꬃና ቦንቾ። 2 አማንዘ ላꬁንꬅ የዘ አሩንꬂ፥ ኡን ላꬁንꬅ ኡንትስ እሸ ማቅዘ ግሾ ኡንታና ቦርፐ። ኡን ኦችተ ማድንትዘ ላꬁንꬅ፥ አማንዙንꬃናን ካꬍንትዱንꬃና ማቅደ ግሾ ኡን ቲኖስትፓ አꬂ ኦቾደስ ቤዛነ።

ኔኒ Ꮉኖ ታማርሶደስን ኡን ኦቾደ ጋር ዞሮደስ ቤዛነ።

3 ኦንን ዱማ ትምርተ ታማርስኮ፥ ኑ ላꬄ የሱስ ክርስቶሳ ቱሪ ቃላራን ኑ አማኖ ትምርተራ ጊጎስ። 4 የ አꬄ ኡቱራራ ኡርቂንታነ ፋትን አኮን ኤሮስ። ኡንትስ ፈቲ ቆፋላ አፋ ላሎደስን ካጭንቶደስ ኢታ አሞትꬅ የነ። ይናን ቅናተ፥ ካች፥ ጫሽ፥ ኢታ ሶኤ፥ 5 የንስ ጊጎሰ ላለ ካልꬃነ። ማህ ኡንትስ ኢታ ዎዝና የነ፤ ቱርን ꬋብዳ፤ ኡን ጾዝ አማንዛና ዱረትꬅስ ኦገ ጋእ ቆፓነ።

6 የዝን ታስ የዛና ማቃዳ ጋዘ አስስ ጾዝ ጎይንዛና ዳማ ትርፈ። 7 ኑኒ Ꮉና አላምተ አኮን ክእካያ፤ ማህ ኢፓ አኮን ኤኪ ቅቶስ። 8 ኑስ ካꬃን ማኦ የዝኮ ይና ማቃዳ። 9 የዝን ዱርቱሞ ኮይዙንꬅ ፋታና ግዳን ጽኬን ገላነ። ማህ ኡንታና ሱለ ዳፍዘን ꬋብስዘ ኤያትꬃን ቆህዘ አሞትꬃ ጎልአነ። 10 ሚሸ ሲቆ ኢታትꬅ ኡባስ ጻጶ። ፈታይ ፈታያ ሚሸ አሙꬍተራ አማኖፓ ባልንቲ ጋማ አዛኖን ማꬋ ግዳ ፋና ኦልዳ።

11 የዝን ናተ፥ ጾዘ አꬃዮ፥ ይንፓ Ꮉኮ። ጽሎትꬅ፥ ጾዝ አዘ፥ አማኖ፥ ሲቆ፥ ዳንዳአን ዳልጋትꬅ ካሎ። 12 አማኖ ኦላ ሎይꬂ ኦልንቶ። ጋማ አሱንꬅ ቲኖ ኔስ ማርክꬍደ ነ አማንትባዝ፥ ጾዘ ነና ይንስ ጼግደ መዽና ደኦ አይኮ። 13 ኡባ ባዝስ ደኦ እንግዘ ጾዘ ቲኖን፥ ጰንጠ ጵላጦሳ ቲኖ ሎኦ ማርካ ማርክꬍደ ክርስቶሳ የሱሳ ቲኖ ታ ነና ኪታነ። 14 ኑ ላꬄ የሱስ ክርስቶሳ ቆንጮደ ዎንꬅስ Ꮉኖ ኪቶ ባልንትካይዛራ ቦረ ባይዝን ናጎ። ዋሐ. 18:37 15 ፋ ጻላላ ኡባ አህዘ ቦንቾ ጾዘ፥ ካቱንꬅ ካታይ፥ ላꬁንꬅ ላꬄ፥ ፋ ቆፕደ ቃምተ የሱስ ክርስቶሳ ማህ ኪቶዳ። 16 ፈተ ኤ ጻላላ Ꮉይቆስ። ኦደን ሺቆደስ ዳንዳኦሰ ፎኦ የነ። ኦደን ኤዛ ብእካያ፤ ማህ ቦኦደስን ዳንዳኦስ። ቦንቾን መዽና ዎልቃ ኤስ ማቀ። አምንኤ።

17 Ꮉና አላመ ዱሩንꬅ ጨር ꬋብዘ ቆሎራ ኡቱራመ፥ ጬቃመን ኡፋይስ ጋዳመ ፋና ኦሆ። ኑስ ኮሽዘ ባዝ ጋንꬅ እንግዘ ኑና አንጅዘ፥ ዱረ ጾዘ ግዳ አማንንቶደ ፋና ኡንታና ኪቶ። 18 ኑኒ ሎኦ ኦቻ ኦቾደ ፋና ሎኦ ኦቻራ ዱርꬎደ ፋና፥ ዳልጋን መሉንꬅስ ግሽዙንꬃና ማቃደ ፋና ኪቶ። 19 ይና ኡንትስ ቲኖስ ምንꬂ ባሳ ማቃደ ግሾ የ ዎደ ኡን ቱሪ ደኦ አኮ አዝዛኮ ኤሮዳ።

20 ጢሞትዮሳ፥ ነኒ ፈቲ ፈቲ አሱንꬅ፥ «ኤራትꬅ» ባይዘ ቦዛ ላለፓን ማዶሰ ኦሄፓ Ꮉኮ፤ ኔስ እንግንትደ Ꮉዳርቶ ናጎ። 21 ፈተ ፈተ ኑስ ኤራትꬅ የነ ያጋእተራ አማኖ አሽዳ።

ጾዘ አꬎ ኬሃትꬅ ይን ኡቡንꬃራ ማቀ።