1 ታኒ ነና ጾዘ ቲኖን፥ ካት ማቂ አሆደስ ቆንጭዘ ዎደ ፋጹንꬃናን Ꮉይቂዱንꬃና ፍርዶደስ የዘ ክርስቶስ የሱሳ ቲኖ ዞራነ። 2 ቃላ ኦሆ፤ ዎደ ጊግን ጊጋንጽን ምንꬂ ኦሆ። ጋማ ዳንዳአራን ታማርሰራ አሱንꬃና ዞሮ፥ ሴርተራ ምንꬅꬆ። 3 አሱንꬅ ቱሪ ትምርተ ስአንጾደ ዎደ ዮኦዳ። ኡን ፋ አሞትꬅ ካሊ፥ ፋስ ስኦደስ ኡፋይስዘ ባዝ ኦህዘ አስታማሩንꬃና ሺሻነ። 4 ኡን ቱርባዝ ኦህዘ ትምርተ አሺ፥ ቱሮ ማቆሰ ቶሴ ስኦደስ ፋ Ꮉይቶ ማሀነ። 5 የዝን ኔኒ ኡባ ባዛራ ነና አሆ። ማꬋ ዳንዳኦ። ዎንገለ ማርካትꬅ ኦችቶ ኦቾ። ኔስ እንግንትደ ጾዘ ኦችቶ ኡባ ፎሎ።

6 ታኒ ዣርሾ ፋና ዣርሽንቶደ ዎደ የልዳ፤ Ꮉና አላምቶ አሺ ቅትዘ ዎደ ኡክዳ። 7 ታኒ ሎኦ ኦላ ኦልንትዳ፤ ዎꬅቶ Ꮉስዳ፤ አማኖ ናግዳ። 8 ቲኖፓ ጽሎትꬅ ዎርቃ ዛዉደ *ጽሎትꬅ ዎርቃ ዛዉደ፦ ጽሎትꬅ ደኦ ግሾ ታ ኤኮደ ዎርቃ ዛዉደ። ጽሎትꬅቶ ታስ ዎርቃ ዛዉደ ማህ እንጋነ ጋኤ። ታና ናጋነ። ይኖ ጽሎ ፍርዳ ፍርድዘ ላꬄ ይኖ ላምእንꬃ የኤ ቃምተ ታስ እንጎዳ። ይኖ ታ ጻላላስ ባይዝን ኤ ቆንጭꬅቶ አሙꬍዘ ኡቡንꬅስ እንጎዳ።

9 ኤልሲ ይእ ታና ቦኦ። 10 ዴማሳ Ꮉና አላምተ የዘ ባዝ ካꬊ፥ ታና አሺ፥ ተሰሎንቄ ካታማ ቅትዳ። ቀርቅሳ ጋላትያ ሳአ፥ ማህ ትቶ ድልማጠ ሳአ ቅትዳ። 11 ሉቃሳ ጻላላ ታራ የነ። ማርቆሳ ጾዘ ኦቻ ታና ማዶደስ ዳንዳእዘ ግሾ ኔራ ኤኪ ዮኦ። ቆላ. 4:14፤ ፍልሞ. 24፤ 2 ቆሮ. 8:23፤ ጋላ. 2:3፤ ትቶ 1:4 12 ታኒ ትክቆሳ ኤፈሶነ ካታማ ዳክዳ። ቆላ. 4:14፤ ፍልሞ. 24፤ ሐዋ. 12:12፥ 25፤ 13:13፤ 15:37-39፤ ቆላ. 4:10 13 ኔኒ ይእተር፥ ጢሮአዳ ካታማ ካርፖሳ ካለ አሺ ይእደ ታ ኮትዛን ማጻፍቶ ታስ ኤኪ ዮኦ። ኡባፓ አꬂ ቆለራ ጻፍንትደ ማጻፍቶ ኤክካይዛራ ይእፐ። ሐዋ. 20:4፤ ኤፈ. 6:21-22፤ ቆላ. 4:7-8

14 መቆ ቆጽዘ እስክንድረ ታና ጋማ ቆህዳ፤ ላꬂ ኤ ኦችት ፋና ኤስ ማሆዳ። 15 ኤ ኑ ትምርትቶ ጋማ እጽዘ ግሾ ኤፓ ነና ናጎ። 1 ጢሞ. 1:20፤ ማዝ. 62:12፤ ሮመ 2:6

16 ቲኖ ታ ሞትንትዘ ዎደ ኡባና አሺ ቅትዳ ፋትን ኦንን ታና ማድካያ። ጾዚ ይና ባልቶ ኡንትስ ፋይድፐ። 17 የዝን ታኒ ሙሎ ኪታ አይሁደ ማቆሰ አሱንꬅ ኡቡንꬅስ ማርክꬍን፥ ኡን ስኦደ ፋና ላꬂ ታ ካለ ኤቂ ታስ ዎልቃ እንግዳ። ማህ ጋሞ ፋና ዶና ሻቅንግደ Ꮉይቆፓ ታና አሽዳ። 18 ላꬂ ታና ኢታ ኡባፓ አሺ ፋ ሳሎ ካእቱሞ ሳሮራ የልꬆዳ። ኤስ መꬍናፓ መዽና የሎደስ ቦንቾ ማቀ። አምንኤ።

19 ጵርስቅላስ፥ አቂላስን አነስፎራ ካራ አሱንꬅስ ታ ሳሮትꬅቶ ኦሆ። 20 ኤራስጾሳ ቆሮንቶሳ ካታማ አትዳ። ጥሮፍሞሳ Ꮉርግንትደ ግሾ ምሊጠ ካታማ አሽዳ። ሐዋ. 18:2፤ 2 ጢሞ. 1:16-17 21 ባርጎ ገሎደፓ ቲኒ ኤልሲ ዮኦ። ሐዋ. 19:22፤ ሮመ 16:23፤ ሐዋ. 20:4፤ 21:29

ኤዉቡሉሳ፥ ጱዴሳ፥ ልኑሳ፥ ቅላደያን መለ አማንዘ አሱንꬅ ኡቡንꬅ ነና ሳሮ ሳሮ ጋነ።

22 ላꬄ የሱስ ክርስቶሳ ኔራ ማቀ።

ጾዘ ማሮትꬅታ ይን ኡቡንꬃራ ማቀ።