ጳዉሎሳ ትቶስ
ጻፍደ ኪታ
ገለ
ትቶ አይሁደ ማቆሰ አስ፥ የዝን ሱባፓ አማኒ፥ ጳዉሎሳ ዎንገለ ኪታ ኦቻ ኦችዘ ዎደ ካለ ኤዛ ማድደ አስ። የ ዎደ ትቶ፥ ዎሳ ኬꬃ በአደስን ናጎደስ ቃርጼሰ ሳአ አትዳ። Ꮉይ ኪትዘ Ꮉይꬕ ኣፈ ቆፋ አይክዳ።
1. ዎሳ ኬꬂ አህዘ አሱንꬅ፥ ኢታ የስ የዘ ቃርጼሰ አሱንꬅ ካለ አኮ ፋና ሎኦ የስ የሳደስ ቤዝዛኮ ትቶ ቆፍዛነ።
2. ዎሳ ኬꬃ ግዳ የዘ ዱማ ዱማ ታግንትደ፥ ይናን፥ ጭማ አሱንꬃና፥ ይꬎ ꬊራꬁንꬃና አሩንꬃና ዋይዝ ታማርሶደስ ቤዝዛኮ ትቶ ዞራነ።
3. አማንዘ አሱንꬅ አማኖ የስት ባዝ፥ ይናን፥ ሳሮትꬅን ሲቆራ የሳደባዝ፥ ዎሳ ኬꬃፓ ካችን፥ ላለን ሻክንተ Ꮉሶደ ፋና ትቶስ ዞረ እንጋነ።
ኣፈ ቆፉንꬅ
ገለ ቆፋ 1:1-4
ዎሳ ኬꬂ ካልꬅዘ አሱንꬃና 1:5-16
ዎሳ ኬꬃ ዱማ ዱማ ታግንትዱንꬅ ግሾ ኦቻ 2:1-15
ዞረን ናግዘ 3:1-11
ጻꬅ ቆፋ 3:12-15
1
1 የሱስ ክርስቶሳ ሐዋረን ጾዘ አሮ፥ ጳዉሎሳ፥ ጻፍደ ኪታ። ጾዚ ዶርደ አሱንꬅ አማኖ ድቾደ ጋራን ቱሪ አያና ደኦ ዋይዝ የሳደ የዛኮ ቱሪ ኤራጎ ኡንታና ካልꬆደስ ታ ኪትንትዳ። 2 ይና አማንታን ኤራትꬅታ መዽና ደኦ ኡፋይሳላ አፋ ካትዳ። ይኖ ጋማ ዎደፓ ቲኖ ዎርዶ ኦሆሰ ጾዘ ኑስ እንጎዳ ጋእ ቃላ ገልዳ። 3 ኑና አሽዘ ጾዘ ፋ ዎድተ Ꮉኖ ኪቶ ኦሆደ ፋና ታስ Ꮉዳራ እንግ ፋ ቃልቶ ቆንጭዝዳ።
4 ኑ ኮꬄ አማኖ ታ ቱሪ ናአ ማቅደ ትቶ፥
ጾዚ አዳይፓ ኑና አሽዘ የሱስ ክርስቶሳፓ አꬎ ኬሃትꬅ፥ ማሮትꬅን ሳሮትꬅ ኔስ ማቀ። 2 ቆሮ. 8:23፤ ጋላ. 2:3፤ 2 ጢሞ. 4:10
ትቶ ቃርጼሰ ኦችደ ኦቻ
5 ታኒ ነና ቃርጼሰ አሺ ይእዳና፥ ነ አትደባዝ ጊግሳደ ፋናን ታኒ ኪትዳን ፋና ካታማ ኡባነ ዎሳ ኬꬃ ጭሙንꬃና ዶሮደ ፋና። 6 ዎሳ ኬꬅ ጭማ ቦርንቶሳ፥ ፈቲ ማች አዝን፥ ዎጋ ባለራ ዎይ ኪትንታንጸራ አስ ቦሮሰ አማንዘ ናኡንꬅ የዘ አስ ማቃደስ ቤዛነ። 7 ዎሳ ኬꬂ ጭማ ጾዘ ኦቻ Ꮉዳራ ኤክደ ግሾ ቦርንቶሳ፥ ኡቱርቶሳ፥ ኤልስ ዥልꬎሳ፥ ማꬅንቶሳ፥ ኦሄ መꬎሳ፥ ቤዞሰ ባዝስ ዳፍንቶሳ ማቆደስ ቤዛነ። 1 ጢሞ. 3:2-7 8 የዝን ዛቆ ሞክዛ፥ ሎኦ ባዝ ኡባ ካꬍዛ፥ ቆፋራ የዛያ፥ ጽሎ፥ ጌሽን ፋና አህዛያ ማቃደስ ቤዛነ። 9 መሉንꬃና ቱሪ ትምርተራ ምንꬅꬆደስን ይና ትምርትቶ እጽዙንꬃና ማሆደስ ፋ ታማርደ አማንꬅዘ ቃልተ ሚንግ ኤቆደስ ቤዛነ።
10 ኪትንቶሱንꬅ፥ ፋꬆሰ ኦሄ ኦህንትዙንꬅ፥ ጭምዙንꬅ አꬂ ጋራዝንተ ዎጋ ናግዘ ጋማ አሱንꬅ የነ። 11 ኡን ቤዞሰ ኦገራ ሚሸ ደንጎደስ ኮይ፥ ታማርሶደስ ቤዞሰ ባዝ ታማርስተራ ካራ አሱንꬃና ኡባ ኢስዘ ግሾ ኡን ትምርትቶ ተቆደስ ቤዛነ። 12 ኡን ናቡንꬃፓ ፈታይ፥ «ቃርጼሰ አሱንꬅ ኡባ ዎደ ዎርዶ ኦህንታነ፤ ኢታ ጾꬁንꬃና፥ አዛልአ ዥምባራ»*ይኖ ያጋእ ኦህደ ናብዘ ኤጵመንደሳ ጋእንታነ። ያጋይዳ። 13 Ꮉና ማርካትꬅታ ቱሪ ማርካትꬅ። ይኒ ግሾ፥ ኡንትስ ቱሪ አማኖ የሳደ ፋና ኡንታና ሴሮ። 14 ቱሮ እጽዘ አሱንꬅ ትምርትቶን አይሁዱንꬅ ፋꬆሰ ቶሴ ስአመ ፋና ኡንታና ሴሮ። 15 ጌሹንꬅስ ኡባና ጌሽ፥ የዝን ቱኑንꬅስን አማኖሱንꬅስ ኡን ቆፍታን ዎዝንታ ቱንደ ግሾ ኡንትስ አኮን ጌሽ ማቆስ። 16 ኡን ኑ ጾዝ ኤራነ ጋእነ፥ የዝን ፋ ኦችተ ኤዛ ካዳነ። ኡን እጽንትዱንꬃና፥ ኪትንቶሱንꬃናን ሎኦ ኦቻ ኡባስ ማቆሱንꬃና።