1 የዝን ኔኒ ሉለ ትምርተ ታማርሶደስ ቤዛነ። 2 ጭማ ꬊራꬁንꬂ ፋና አህዙንꬃና፥ ዎፑ ጋይዱንꬃና፥ ቦንችንትዱንꬃና፥ አማኖራ፥ ሲቆራን ዳንዳአራ፥ ምንꬂ ማቃደ ፋና ዞሮ። 3 ይኒ ጋራን፥ ጭማ ማቹንꬅ ፋ የስተ ጌሹንꬃና፥ ዙዝንጎሱንꬃና፥ ኡሽ አሞትꬅ ባይዙንꬃና ሎኦ ባዝ ታማርስዙንꬃና ማቃደ ፋና ታማርሶ። 4 ኡን ይኒ ፋና Ꮉንኮ ናአትꬅ ማቹንꬅ ፋ አዝኑንꬃናን ፋ ናኡንꬃና ሲቆደ ፋና ታማርሶደስ ቤዛነ። 5 ጾዘ ቃላ ቦሩንታመ ጋር ፋና አህዙንꬃና፥ ጌሹንꬃና፥ ፋ ካራ ኦችዙንꬃና፥ ካራ ፋ አዝኑንꬅስ ኪትንትዙንꬃና ማቃደ ፋና ናአትꬅ ማቹንꬃና ታማርሶ ዞሮ።

6 ይኒ ጋር፥ ይꬎ ꬊራꬁንꬂ ፋ ኦምቶ አሆደ ፋና ዞሮ። 7 ኔኒ ነ ኦምተ ሎኦ ኦቻ ኡባነ ኡንትስ አዝዘ ማቆ። ኔኒ ነ ትምርትተ ቱሮን አማንንትዳያ ማቆ። 8 ኑ ሞርኩንꬅ ኑና ዝግሮደስ ምክናተ ማቅዘ ባዝ ኡንትስ ꬋብን ኡን ዬልꬎደ ፋና ነ ቦሩንቶሰ ሎኦ ኦሄ ኦህንቶ።

9 አሩንꬂ ኡባ ባዛ ፋ ላꬁንꬅስ ኪትንቶደ ፋና፥ ኡንታና ኡፋይሶደ ፋናን ኡንታራ ላላመ ፋና ዞሮ። 10 ኡን ፋ ላꬁንꬃፓ ሚሸ ካይስትፐ። ይናን፥ ኑና አሽዘ ጾዘ ትምርተ፥ ኡባ ኦገራ ካꬍንትዳያ ማቃደ ፋና ፋ ኦችዘ ኦችተ አምንንትዱንꬃና ማቅዛኖ ቤዞደ ፋና ኡንታና ዞሮ።

11 አስ ኡባ አሽዘ ጾዘ አꬎ ኬሃትꬅ ቆንጭዳ። 12 የ አꬎ ኬሃትꬅዘ፥ ኑ ናጋርቶን Ꮉና አላመ አሙቶ አሺ፥ Ꮉና ዎድተ ኑ ኦምቶ ናጊ፥ ቱሪ አያና የሳራን ጽሎትꬃራ የሳደ ፋና ኑና ታማርሳነ። 13 ይኒ ፋና ኑኒ አንጅንትደ ኡፋይስ ማቅደ ዳማ ጾዛን ኑና አሽዘ የሱስ ክርስቶሳ ቦንቾ ቆንጭꬅቶ ናጋነ። 14 ኢታ ኦቻ ኡባፓ ኑና ዎዞደስን ሎኦ ባዝ ኦቾደስ አሙꬍዘ ፋ ጌሽ አስ ኬሶደስ ኑ ግሾ ፋና አꬂ እንግዳ።

15 ኔኒ Ꮉኖ ታማርሶ፤ ኩሙꬅ አደትꬅ ወልቃራ ዞሮ፥ ሴሮ፤ ኦደን ነና ለቂፐ። ማዝ. 130:8፤ ከዘ 19:5፤ ማሄ 4:20፤ 7:6፤ 14:2፤ 1 ጴጥ. 2:9