1 አሱንꬅ ዎርዣ አህዙንꬅስ፥ አደትꬅ ዎልቃ የዙንꬅስ አዳትꬃራ ኪትንቶደ ፋና፥ ሎኦ ኦቻ ኡባ ኦቾደስ ጊግንትዱንꬃና ማቃደ ፋና ቆፕዞ። 2 ማህን ኡን ኦደላን ኢታ ኦህንታመ ፋና፥ ሳሮ አስ ማቃደ ፋና፥ ዳልጋን አስ ኡባስ አዳ ማቃደ ፋና ዞሮ። 3 ኑ ዛጋ ኤዩንꬃና፥ ኪትንቶሱንꬃና፥ ባልንትዙንꬃና፥ ዱማ ዱማ አሾ ኡፋይስስን አሞስ አሮ ፋና ማቅዱንꬃና። ኑ ኢታትꬃራን ቅናተራ ኩምዱንꬃና፤ ኑኒ አስ እጽዙንꬃና፥ አስን ኑና እጽዙንꬃና። 4 የዝን አሽዘ ጾዘ ኬሃትꬅን ሲቆ ቆንጭደ ዎደ 5 ኑ ኦችደ ጽሎ ኦቻ ግሾ ባይዝን ፋ ማሮትꬅት ግሾ ኑና አሽዳ። ኑና ኤ አሽዳና፥ ላምእንꬃ የልንተ ሜጭንተራን ጌሽ አያና ባጋራ እንግደ ክለ ደኦር። 6 የ አያንዛ፥ ጾዚ ኑና አሽዘ የሱስ ክርስቶሳ ባጋራ ኑላ አፋ ጋንꬅ ጉስዳ። 7 ፋ አꬎ ኬሃትꬅት ባጋራ ኑና ጽልዚ መዽና ደኦ ላታ ኡፋይስ አይኮደ ፋና ይኖ ኦችዳ። 8 Ꮉይ ቃልዘ አምንንትደ ቃላ። ጾዛ አማንዙንꬅ ሎኦ ኦቻ ኦቾደስ ጊግዱንꬃና ማቃደ ፋና ነ Ꮉና ቃልቶ ምንꬂ ኦሆደ ፋና ታ ኮያነ። Ꮉንስ አስ ኡባስ ሎኦን ማድዘ ባዝ። 9 የዝን ኤያትꬅ ላለፓን፥ ኮች ፋይደፓ፥ ካቻፋን ህገ ምክናተራ ደንድዘ ላለፓ ናግንቶ። ይና ማደን ትርፈ ባይዘ ባዝ። 10 ሻክንተ መꬍዘ አꬃ ቲኖ ዞሮ፤ ላምእንꬃ ካጮ ይንፓ ሱባ ኤፓ Ꮉኮ። 11 ይኒ ጋርዘ አስ ዎቦን ናጋራንቾ፤ ኤ ፋላ አፋ ፍርድዛኖ ኤሮ።

12 ታኒ ስላ የይጋ ኣꬆደስ ቆፕደ ግሾ አርጤማሳ ዎይ ትክቆሳ ኔጎ ኪትዘ ዎደ ነ ታጎ ንቆጵልዮና ካታማ ዮኦደስ ኤልሶ። 13 ህገ ኤራንቻ ዜናሳን አጵሎሳ ኦገ Ꮉንግዘ ዎደ ኡንትስ ኮሽዘ ባዝ ፋጫመ ፋና ኡንታና ማዶ። ሐዋ. 20:4፤ ኤፈ. 6:21-22፤ ቆላ. 4:7-8፤ 2 ጢሞ. 4:12 14 ኑ አሱንꬅን ፋꬆሰ አስ ማቂ አታመ ፋና ፋስ ኮሽዘ ባዝ ደንጎደ ፋና ሎኦ ኦቻ ኦቾደስ ሚንግ ታማሮ። ሐዋ. 18:24፤ 1 ቆሮ. 16:12

15 ታራ የዘ ኡቡንꬅ ነና ሳሮ ጋነ፤ አማኖራ ኑና ሲቅዘ አሱንꬃና ሳሮ ጋኦ።

ጾዘ አꬎ ከሃትꬅታ ይን ኡቡንꬃራ ማቀ። አምንኤ።