1 ጰንጠቆስጠ ጋዘ ቃማ የልደ ዎደ አማንዙንꬅ ኡባ ዎላ ፈቲ በሳ ሺቂ የነ። ሌዌ 23:15-21፤ ማሄ 16:9-11 2 ቆፕካይዝን ዳማ ቶኪ ኤኪ ቅቶደ ፋና የዘ ባቆ ጉሚ ሳሎፓ ይእ ኡን የዘ ኬꬅተ ኩምዳ። 3 ማህ ታማ ሎጸ ፋና አዝዘ ልሳኑንꬅ ኡንትስ በንትዳ፥ ሻክንት ሻክንት ኡን ኡቡንꬃላ በትዳ። 4 ኡን ኡቡንꬅ ጌሽ አያናራ ኩሚ ዱማ ዱማ ዶናራ ኦህንቶደ ፋና ጌሽ አያና ኡንትስ ኦሆደ ፋና እንግዳንጋር ኦሄ አይክዳ።

5 የ ዎደ ሳሎፓ ኦሞራ የዘ ሳአ ኡባፓ ይእደ ጾዝ ዣሽትዘ አይሁዱንꬅ የሩሳላመ የነ። 6 ይና ኦꬅቶ ስእደ ዎደ ጋማ አስ ሺቅዳ። አማንዘ አሱንꬅ ኡን ፋ ዶናራ ኦህንቶደራ ስእደ ግሾ 7 ጋዉደ ባዝ ꬋብን ጋማ ቆፒ፥ «Ꮉንꬅ ኦህንትዘ አሱንꬅ ኡባ ጋልላ አስ ባነ? 8 ዬዝን፥ ኑኒ፥ ኑ የልንትደ ጋደ ዶናር ኡን ኦህንቶደራ ዋይዝ ስኦደስ ዳንዳእዶ? 9 ኑኒ ጳርተ፥ ሜዶና፥ ኤላመን፥ መስጴጦምያ፥ ይሁዳ ግዳ፥ ቃጳዶቅያ፥ ጳንጾሳ፥ እስያ፥ 10 ጵርገ፥ ጵንፍለ፥ ግብጸ፥ ቃረና ካለ የዘ ሊብያ ዎራዳ የዙንꬃና። ኑፓ ባጉንꬅ ሮመፓ ይእደ አስ። 11 አይሁዱንꬅን አይሁዱንꬅ አማኖ ገልደ አሱንꬅ፥ ቃርጼሳን አራበ አሱንꬅ፥ ጾዚ ኦችደ ዳማ ኦችቶ ኑ ዶናር ኦህንቶደራ ኑ ስእነ» ያጋይዳ። 12 ኡቡንꬅ ጋማ ቆፒ፥ ጋኦደባዝ ꬋብን ዎልጎ፥ «ዪእ Ꮉኖ አኮ ጋዉደ?» ጋይዳ። 13 የዝን መሉንꬅ፥ «Ꮉንስ ካጽካይዘ ዎይነ ኡዢ ማꬅንትዳ» ያጋእ ለቂዳ።

14 የዝን ጴጥሮሳ፥ ታጶ ፈቲ ሐዋሩንꬃራ ደንዲ ኤቂ፥ ፋ ቃልቶ ꬎቅ ዪዚ፥ ኡንታጎ Ꮉንጋራ ያጋእ ኦህዳ፦ አይሁዱንꬆ፥ የሩሳላመ የዘ ኡቡንꬆ፥ ታ ኦህዛኖ ስኦተ። 15 ዎንታፓ Ꮉይꬕ ሳተ ማቅደ ግሾ ይን ቆፕዛንጋራ Ꮉንꬅ አሱንꬅ ማꬅንትካያ፤ ይና ይን አቻ ኤርንትደባዝ ማቆ። 16 የዝን Ꮉና Ꮉንዳና ናበ እዩኤላ ኦህዳና ፎልንቶደ ፋና።

22 «እስራኤለ አሱንꬆ፥ Ꮉና ቃልቶ ስኦተ። ናዝረተ የሱሳ ኦና የዛኮ፥ ጾዚ ይን ግዳ ኦችደ ክለ ባዝን ማላን ይንትስ ቆንጭዳኖ ይን፥ ይን ኦምተ ኤራነ። 23 ጾዘ ቲኖ ቆፍተን ኤ ኤርቲ ባጋራ የሱሳ አꬊ እንግንትዳ። ይንትን ኤዛ ህገ ባይዙንꬅ ኩሸ ማስቃላላ ሱጺ ዎꬍዳ።ማቶ. 27:35፤ ማር. 15:24፤ ሉቃ. 23:33፤ ዋሐ. 19:18 24 የዝን Ꮉይቆ ኤዛ አይኮደስ ዳንዳኦሰ ግሾ ጾዚ Ꮉይቆ ዎልቃ ꬋብሲ ኤዛ ደንꬅዳ።ማቶ. 28:5-6፤ ማር. 16:6፤ ሉቃ. 24:5 25 ዳዉተ ኤ ባዝ ኦህተራ፥

29 «እሹንꬆ፥ ኑ አዳይ ዳዉተባዝ ታ ይንትስ ጌሽ ኦሆዳ። ዳዉተ Ꮉይቂ ሞግንትዳ፤ ኤ ቦዝታ Ꮉይኖ የሎደስ ኑ ካለ የነ። 30 ዳዉተ ናበ ማቅደ ግሾ ጾዚ ኤ ናኡንꬃፓ ፈታ ኤ ካእቱሞ አራታላ በትꬆደስ ኤስ ጫቂደ ጫቅቶ ኤራነ። ማዝ. 132:11፤ 2 ሳመ. 7:12-13 31 ይኒ ግሾ፥ ክርስቶሳ ደንድቶ ቲኖ ብእ፥ ‹ኤ ሸምፕታ ስኦለ በንታማኖን፤ ኤ አሽታ ዎቃማኖ› ኦህዳ።

32 «ጾዚ፥ Ꮉያ የሱሳ Ꮉይቆፓ ደንꬅዳንስ ኑኒ ኡቡንꬅ ማርካ። 33 ይኒ ግሾ፥ ጾዘ ምዛቅ ዛላራ ኤዛ ꬎቅ ꬎቅ ዪዚ፥ ኤስ እንጎዳ ጋእንትደ ጌሽ አያን አደፓ ኤኪ፥ Ꮉኖ ይን Ꮉተ በእዛኖን ስእዛኖ ኑላ አፋ ጉስዳ። 34-35 አኮስ ጋይኮ፥ ዳዉተ ፋ ኦምተ ሳሎ ከዝካያ የዝን፦

36 «ይኒ ግሾ፥ Ꮉይ ይን ማስቃላላ ሱጽደ የሱሳ፥ ጾዚ ላꬅን ክርስቶሳ ማህዳኖ እስራኤለ አስ ኡቡንꬅ ቱርፕ ኤሮ» ያጋይዳ።

37 አሱንꬅ ጴጥሮሳ ጋእዳኖ ስኤዘ ዎደ ፋ ዎዝንተ አዛኒ ቦችንቲ ጴጥሮሳን Ꮉንኩንꬅ ሐዋሩንꬃጎ፥ «እሹንꬆ፥ ዬዝን ኑኒ አኮ ኦቾ?» ያጋይዳ።

38 ጴጥሮሳ ኡንታጎ፥ «ይን ናጋርታ አቶ ጋእንቶደ ጋር ናጋርትፓ ማቂ፥ ይን ፈተ ፈተ የሱስ ክርስቶሳ ሱንꬅተ ጻማቅንቶተ። ጾዚ እንግዘ ጌሽ አያና እሞ ኤኮዳ። 39 ጾዚ እንጎዳ ጋይደ ኡፋይስ ቃላ ይንትስ፥ ይን ናኡንꬅስን ላꬂ ኑ ጾዛይ ፋጎ ጼግዘ Ꮉኮ የዘ ኡቡንꬅስ» ያጋይዳ።

40 ጴጥሮሳ ኡንትስ መለ ቃላን ጉጂ ማርክꬊ፥ «Ꮉንꬅ ዎቦ አሱንꬃላ ዮኦደስ የዘ ፍርዳፓ ይን ኦምቶ አሾተ» ያጋእ ዞርዳ። 41 ጴጥሮሳ ኦህዳኖ ኤክዱንꬅ ጻማቅንትዳ። የ ዎደ Ꮉይꬕ ሙኩል ማቃደ አሱንꬅ አማኒ ጉጁንትዳ። 42 ኡን ሐዋሩንꬅ ትምርተራ፥ ፈተትꬃራ፥ ዎላ ካꬃ መኤራን ጾዝ ዎሳራ ሚንግ የነ።

43 ሐዋሩንꬅ ኩሸ ጋማ ክለ ባዝን ማላ ኦችንትዘ ግሾ አሱንꬅ ኡባ ዣሽትዳ። 44 አማንዘ ኡቡንꬅ ፈትላ የነ፤ ፋስ የዘባዝቶን ኡባ ፈትላ ግሽንታነ። ሐዋ. 4:32-35 45 ኡን ፋስ የዘባዝቶ ባይዝ ብርቶ ፈተስ ፈተስ ኮሽደ ፋና ግሻነ። 46 ኡባ ዎደ ፈቲ ዎዝናራ ማቂ ጾዘ ኬꬃ ሺቃነ። ፋ ኬꬃን ፈተ ፈታ ጼጊ ኡፋይሳራን ሎኦ ዎዝናራ ካꬃ ሙነ። 47 ጾዛ ጋላትተራ አስ ኡባ ግዳ ናሽንትዳ። ላꬂ አትዘ ሸምፖ ቃምተ ቃምተ ኡንታላ ጉጃነ።