1 ታ ይንትስን ሎዶቅያ ካታማ የዘ አሱንꬅስ፥ ይኒ ጋር ታና ኣፈራ ብእካይዘ አሱንꬅ ኡቡንꬅስ አኮ ጋር ኦልንትዛኮ ይን ኤሮደ ፋና ኮያነ። 2 ታ ኦልንትዘ ምክናታን ኡን ፋ ዎዝንተ ሚንግ፥ ሲቆራ አጭንቲ፥ ፎሎ ማቅደ ኩሙꬅ ቆፋ ዱረትꬅ ደንግ ጾዘ ሳዛ ቆፍቶ ክርስቶሳ ኤሮደ ፋና። 3 ኤ ግዳ አችደ ኤራን ጭንጫትꬅ ኡባ የነ።

4 ታ ይኖ ኦደን ይንታና ጭሞ ቃላራ ባልꬃመ ጋር ኮይ ጋነ። 5 ታ ይንታፓ Ꮉኪ የዝኮን አያናራ ይንታራ የነ። ይን የስ ዎግቶን ክርስቶሳ ይን ሚንግ አማንዳኖ ብእ ኡፋይታነ።

6 ይን ላꬄ ክርስቶስ የሱሳ ኤክዳን ፋና ኤራ የዞተ። 7 ኤ ግዳ ጻጶ ዳኮተ፤ ኤ ግዳ ኬጽንቶተ። ይን ታማርዳንፋና አማኖራ ምንጎተ፤ ጾዝስ ኩሚ ላንትዘ ጋላታ እንጎተ።

8 ክርስቶሳፓ ማቅካይዝን አስ ዎጋራን Ꮉና አላመ ጨር ዎጋራ ኤቂ ትምርተራን አሳፓ ይእደ ኤራትꬃራ ኦደን ይንታና ጭሚ ባልꬂ ኤካመ ፋና ናግንቶተ። 9 ጾዘ ጾዘትꬅታ ክርስቶሳ ጋልተ ኩሙꬅ ቆንጪ የነ። 10 ይንትን አደትꬅ ዎልቃ ኡባስ ኦማ ማቅደ ክርስቶሳ ግዳ ኩምዳ።

11 ይን ክርስቶሳ አማኒ ጋራዝንትዳ። ይናን አስ ኩሸ ማቅካይዝን ይንታና ኢታ ናጋራ Ꮉኖትꬃፓ ካይዘ ክርስቶሳራ ኦችንትደ ጋራዝንተ። 12 ይን ጻማቅንትደ ዎደ ክርስቶሳራ ሞግንቲ፥ ክርስቶሳ Ꮉይቆፓ ደንꬅደ ጾዘ ዎልቃ አማኒ፥ ክርስቶሳራ ደንድዳ። ሮመ 6:4

13 ይን፥ ይን ናጋራ ግሾን ይን ናጋራ አሳትꬅታ ጋራዝንትካይዘ ግሾ Ꮉይቂዳ የሻ፥ ጾዚ ይን ናጋርቶ አቶ ጋይዳ። ክርስቶሳራ ይንትስ ደኦ እንግዳ። ኤፈ. 2:1-5 14 ኤ ኑና ሞቲ ኑራ ኦልንትዘ ህግቶ Ꮉሲ፥ ኑላ አፋ ጻፍንትደ ጋልቶ ፈርእ ማስቃላላ አፋ ሱጺ ኦገፓ Ꮉስዳ። ኤፈ. 2:15 15 ክርስቶሳ ዎልቂቶን አደትꬅቶ ማስቃላላ ጋሚ፥ ኡን ኦላ ማሣርቶ ብልዚ፥ የዝደ አስ ፋና ኦቺ ኡንታና ቆንጭዝ ቤዝዳ።

16 ይኒ ግሾ፥ ሙእዘ ባዛራ ዎይ ኡዥዘ ባዛራ፥ ባአለ ዎደ ዎይ አግና ጼርዘ ቃማ ቦንቾራ ሳምባታ ቦንቾራ ኦደን ይንታላ አፋ ፍርድፐ። ሮመ 14:1-6 17 Ꮉንስ ቲኖፓ ዮኦደስ የዘ ባዝስ ዳሾ፥ የዝን ቱርዘ ክርስቶሳ። 18 ዎዝናፓ ባይዝን አሽከትꬃራን ኪታንቾ ጎይኖራ ጨር ጬቅንተራ ኦደን ይንታና ፍርድፐ። ይኒ ፋና አስ ፋ ብእደ ቆንጭꬅተ ናሽንትተራ ፋ አሾ ቆፋራ Ꮉሪ ኡቱርታነ። 19 የንꬅ ጋርዘ አስስ ኦማ ማቅደ ክርስቶሳራ የልንተ ባያ። ኤ ኡባ ጋልቶን ጋላ ጻጶራን ዎል የልꬅ ሙዚ ድቻነ። ጾዚ ይኒ ጋርዘ ኦገራ ጋላ ኡባስ ድች እንጋነ። ኤፈ. 4:16

20 ይን ክርስቶሳራ Ꮉይቂ Ꮉና አላምቶ አህዘ አያና ዎልቃፓ ዋሎ ከዝዳ። ዬዝን፥ አኮስ ሻክንትካይዘ አስ ፋና ማቂ Ꮉና ዎግትስ አቀተ? 21 Ꮉና ዎግታ፥ «አይክፐ፤ ላእፐ፤ ቦችፐ» ጋእንትዙንꬃና። 22 Ꮉና ኡባ አስ ዎጋን ትምርተ ማቅደ ግሾ ኦቻላ አፋ ፌዥደፓ ሱባ ꬋቦዳ። 23 Ꮉንꬅ ኪቱንꬅ ፋ ቆፋፓ ደንድደ ጎይኖን ጋማ አዳ፥ አሳትꬅ ዋይꬅዛን ግሾ ጭንጫ የዘ ባዝ አዛነ፥ የዝን ኑ ኢታ አሞትꬅትላ አፋ ዎልቃ ኡንትስ ባያ።