ጳዉሎሳ ቆላስያሳ አሱንꬅስ
ጻፍደ ኪታ
ገለ
ጳዉሎሳ ቆላስያሳ አሱንꬅስ ጻፍደ ኪታ ጻፍንትዳና፥ ኤራꬅ እስያ፥ ኤፈሶነፓ አዋ ኬስ ዛላራ የዘ ቆላስያሳ ካታማ የዘ ዎሳ ኬꬅትስ። ይና ዎሳ ኬꬅቶ ኤስደ ጳዉሎሳ ማቃንጽኮን፥ ሮመ ሳአ እስያ ዋና ካታማ ማቅደ ኤፈሶነፓ ዎንገለ ኦችዙንꬃና ኪትዘ ኤዛ ማቅደ ግሾ ቆላስያሳስን አደትሞ ኤስ የነ። ቆላስያሳ ዎሳ ኬꬅተ፥ «ጾዝ ኤሮደስን ኩሙꬅ አቶትꬅ ደንጎደስ አስ ኡባ አያና ዎልቃስን አደትꬅ ዎልቁንꬅ ጎይኖደስ ኮሻነ» ያጋዘ ዎርዶ አስታማሩንꬅ የዛኖ ጳዉሎሳ ስእዳ። የንꬅ አስታማሩንꬅ ታማርስዘ መለ ባዝ፥ ማህ፥ «አስ ኡባ ጋራዝንተ ፋና የዘ ዎግትስ አቆደስን ካꬃ ዎጋ ኡባ ናጎደስ ኮሻነ» ጋነ።
ጳዉሎሳ Ꮉና ኪቶ ጻፍዳና፥ ቱሪ አማኖ ትምርተ ታማርስ፥ ኡን ዎርዶ ትምርትቶ ላሎደስ። ኤ ማህደ ማህትፓ ዋንዘ፥ «የሱስ ክርስቶሳ ኩሙꬅ አቶትꬅ እንጋነ፤ መለ ሃይማኖቱንꬅን ኦቹንꬅ ኤፓ Ꮉክꬃነ» ያጋዛኖ። ጾዚ ክርስቶሳ ባጋራ አላምቶ መꬍዳ። ማህ ኤ ባጋራ ማህ ፋጎ ኮኦዳ። Ꮉና አላምትስ አቶትꬅ ኡፋይስ የዘ ክርስቶሳ አማነራ። ይኒ ግሾ፥ ጳዉሎሳ Ꮉና ዳማ ትምርትቶ አማንዘ አስ ደእተ ዋይዝ ኦቻላ ፌሻደስ ቤዛኮ ኦህነ። Ꮉና ኪታን ኤፈሶነ አሱንꬅስ ጻፍደ ኪታ፥ ፋ አይክደ ቆፍተን ኪተ ዎል አዛነ። Ꮉና ላምእ ማጻፉንꬅ ግዳ የዘ ዱማትꬅታ፥ ኤፈሶነ ግዳ ክርስቶሳ ዎሳ ኬꬅትስ ኦማ፥ ቆላስያሳ ግዳ ክርስቶሳ መትꬅስ ኦማ።
Ꮉና ኪቶ ጳዉሎሳፓ ኤኪ ቆላስያሳ የልꬆደስ Ꮉንግደ ትክቆሳራ ዎላ የዘ አናስሞሳ ማቅዛኖ ቤዛና ማድዘ ባዝ። አኮስ ጋይኮ፥ ጳዉሎሳ አናስሞሳ ጋእንትዘ ፋ ኦቻንችዘባዝ ፍልሞናስ መለ ኪታ ጻፍዳ።
ኣፈ ቆፉንꬅ
ገለ ቆፋ 1:1-8
ክርስቶሳ Ꮉኖን ኦቻ 1:9—2:19
ክርስቶሳ ግዳ የዘ ክለ ደኦ 2:20—4:6
ዉርሱꬅ ሳሮትን ጻꬅ ቆፋ 4:7-18
1
1 ጾዘ ቆፋ ክርስቶሳ የሱሳ ሐዋረ ማቅደ ጳዉሎሳን ኑ እሸ ጢሞትዮሳ፥ 2 ቆላስያሳ ካታማ የዘ ክርስቶሳ ግዳ አማንንትደ አሱንꬅስ ጻፍደ ኪታ።
ጾዘ ኑ አደፓ አꬎ ኬሃትꬅን ሳሮትꬅ ይንትስ ማቀ።
ጋላታን ዎሳን
3 ኑኒ ይንትስ ዎስዘ ዎደ ጾዘ ኑ ላꬃ፥ የሱስ ክርስቶሳ አዳያ ኡባ ዎደ ጋላታነ። 4 ኑ ክርስቶስ የሱሳ ግዳ የዘ ይን አማንቶን ጾዘ አሱንꬅስ ኡባ የዘ ይን ሲቅቶ ስእዳ። 5 ይኖ ይን ኦችዳና ይን ኡፋይስታ ሳሎ ይንትስ ናግንትደ ግሾ። ይን ቱሪ ኪታ ማቅደ ዎንገለ ቲኖ አማንደ ዎደ ይና ኡፋይስቶ ስእዳ። 6 ይን ዎንገለ ስእደ ዎደ ጾዘ አꬎ ኬሃትꬅ ቱርቶ ሻኪ ኤርደ ዎደፓ አይኪ ይን ግዳ Ꮉንዳን ፋና ሳአ ኡባ ድጭተራን ኣፍትራን የነ።
7 ይን ይኖ ኑራ ዎላ ክርስቶሳስ ኦችዘ አማንንትደን፥ ካꬍንትደ ኤጳፍራፓ ታማርዳ። ቆላ. 4:12፤ ፍልሞ. 23 8 ኤ ይንላ አፋ ጉጂ ጌሽ አያና ይንትስ እንግደ ሲቆባዝ ኑስ ኦህዳ።
9 ይኒ ግሾ፥ ኑ ይን ባዝ ስእደ ዎደፓ አይኪ፥ ጾዚ ፋ ቆፍቶ ይንታና ቤሳደ ፋናን፥ ጌሽ አያና እንግዘ ኤራትꬅን ጭንጫትꬅ ኡባ ይንታና ኩንꬆደ ጋር ኡባ ዎደ ይንትስ ጾዝ ዎሳነ። 10 ይኒ ፋና፥ ላꬂ ኮይዛን ጋራ ይን የሳደ ጋር፥ ኡባ ዎደ ኤዛ ኡፋይሶደ ጋር፥ ሎኦ ኦቻ ኡባ ይን ኣፈ አፎደ ፋናን ጾዛ አꬊ ኤርተራ ድጮደ ጋር ጾዝ ዎሳነ።
11 ጾዘ ቦንቾ ዎልቃ ይን ኡባ ባዛ ገንጮደ ፋናን ዳንዳኦደ ፋና ፋ ምንꬅትሞ እንግ ይንታና ኡፋይሶ። 12 ማህ ጾዘ አሱንꬅ ፎኦ ካእቱሞ ላቶደ ጋር ይንታና ማህደ አዳያ ጋላቶተ። 13 ኤ ኑና ꬉማ ዎልቃፓ አሺ ፋ ካዽዘ ናአይ ካእቱሞጎ ክእዳ። 14 ኤ ባጋራ ዎዝንት ኤ ሱꬅተ ናጋራ ማሮትꬅ ደንግዳ። ኤፈ. 1:7
ክርስቶሳ ዳማትꬅ
15 ክርስቶሳ በንቶሰ ጾዝስ ቱሪ አዝዘ። ኤ መꬍንትደ ባዝ ኡባፓ ቲኖን አንግስ። 16 ኡባ ባዝ ኤ ባጋራ መꬍንትዳ። በንትዘባዝን በንቶሰ ባዝ፥ ዎልቃሙንꬅን ላꬁንꬅ፥ አህዙንꬅን አደትꬅ ዎልቃ አዱንꬅ፥ ሳሎን ሳአ የዘ ኡባና ኤስን ኤ ባጋራ መꬍንትዳ። 17 ክርስቶሳ ኡባባዛፓ ቲኖ የነ። ኡባ ባዝ ኤ ባጋራ ፋ በስተ አይክንቲ ኤቅዳ። 18 ኤ ፋ ጋላ ማቅደ ዎሳ ኬꬅትስ ኦማ። ኤ ኡባፓ ካታራ ማቃደስ Ꮉይቆፓ ደንዶራ ቲኖን አንግስ። ኤፈ. 1:22-23
19 ጾዘ ኩሙꬅ ዎልቅታ ናአይ ግዳ የሳደ ፋና ጾዘ አዳይ ኮይዳ። 20 ማህ ማስቃላላ አፋ ላልደ ፋ ናአይ ሱꬅተ ሳሮትꬅ መꬊ ሳሎን ሳአ የዘ ኡባ ኤ ባጋራ ፋራ ጊግዝዳ። ኤፈ. 2:16
21 Ꮉንፓ ቲኖ ይን ቆፋ ኢታትꬅታ ይንታና ጾዛፓ ሻጊ ኤራ ሞርከ ማህዳ፤ ይን ኦችታን ኢታ። 22 የዝን Ꮉተ ክርስቶሳ አሾራ Ꮉይቂደ Ꮉይቅት ባጋራ ጾዚ ይንታና ፋራ ጊግዝዳ፥ ጌሹንꬃና፥ ቦረ ባይዙንꬃናን ጽሉንꬃና ማህዳ። 23 ይን፥ ይን አማንተ ኤንአንጽ ሚንግ የሳደስ ቤዛነ። ይን ዎንገለ ቃላ ስእደ ዎደ ኤክደ ኡፋይስቶ ምንꬂ አይኮተ። የ ዎንገልዘ ይን ስእዳያን ሳአ ኡባ ሳባክንትዳያ። ታ፥ ጳዉሎሳን Ꮉይ ዎንገልዘስ ኦቻንቾ ማቅዳ።
ጳዉሎሳ ሐዋረትꬅ ኦቻ
24 ታ ይን ግሾ Ꮉተ ኤክዘ ዋይተ ኡፋይታነ። ክርስቶሳ ፋስ ጋላ ማቅደ ዎሳ ኬꬅትስ ኤክደ ዋይተ አትዳኖ ታኒ ታ አሽተ ፎላነ። 25 ጾዘ ቃላ ይንትስ ፋዲ ኦሆደ ጋር ታስ እንግንትደ አደትꬅ ዎልቂተ ዎሳ ኬꬅስ ኦቻንቾ ማቅዳ። 26 Ꮉይ ቃልዘ ዛጋ አꬍደ ዎደ የለቱንꬅ ኡባፓ አችንት የዝዳ። የዝን Ꮉተ ጾዚ Ꮉና ሳዛ ቆፍቶ አማንዘ ኡቡንꬅስ ቆንጭዝዳ። 27 ጾዚ አይሁደ ማቆሰ አሱንꬅ ግዳ Ꮉና ሳዛ ቆፍቶ ቦንቾ ዱረትꬅታ አኮ ፋና ዳማ የዛኮ ቆንጭሳደስ። ኤዝን ቦንቾ ኡፋይስ ማቅደ ይን ግዳ የዘ ክርስቶሳ።
28 ይኒ ግሾ፥ ፈቲ ፈቲ አስ ክርስቶሳ ግዳ ኩሙꬅ አስ ማህ ሺሾደስ ጭንጫትꬅ ኡባ አስ ታማርሰራን ዞረራ ክርስቶሳ ኡን ሳባካነ። 29 ጾዚ ፋ ዳማ ዎልቂተ ታ ግዳ ኦችዘ ግሾ Ꮉኖ የሎደስ ኤ ዎልቂተ ዋይተራ ላባነ።