1 ታ እሹንꬆ፥ ታ ካꬍዙንꬆ፥ ታ አሙꬍዙንꬆ፥ ታና ኡፋይስዙንꬆን፥ ታና ጬቅዙንꬆ ይኬ ላꬃራ ሚንግ ኤቆተ።

2 ኤዎድን ስንጺካን፥ ይን ላምኡንꬅ፥ ፈቲ ቆፋራ ላꬃራ የሳደ ፋና ታ ይንታና ዞራነ። 3 ታራ ኦችዘ አማንꬅዛዮ፥ ኔኒ Ꮉንꬅ ማቹንꬃና ማዶደ ፋና ታ ነና ዎሳነ። Ꮉንꬅ ማቹንꬅ ታራ፥ ቀለምንጾሳራን ኡን ሱንꬅታ ጾዘ ደኦ ማጻፍተ ጻፍንትደ መሉንꬃራ ዎላ ዎንገለ ኡባ በሳ የልꬆደስ ላቢዳ።

4 ላꬃራ የዛነ ኡባ ዎደ ኡፋይቶተ። ታኒ ይኖ ጉጂ ኦህነ፤ ኡፋይቶተ።

5 አስ ኡባ ይን ሎኦትꬅቶ ኤሮ፤ ላꬂ ኡከራ ዮኦዳ። 6 ጾዝ ይን ዎስዘ ዎደ ኡባ ባዛራ ኤዛ ጋላትተራ፥ ይንታና ቤዝዘ ባዝ ኡባ ዎሶተፕ አትን አኮ ባዝስን ይርግፐተ። 7 አስ ኤራትꬅ ኡባፓ አꬍዘ ጾዘ ሳሮትꬅ፥ ይን ዎዝንቶን ይን ቆፍቶ ላꬂ የሱስ ክርስቶሳስ ማቅዳነ ናጎዳ።

8 ዉርሱꬅተ፥ ታ እሹንꬆ፥ ይን ዎዝንተ ሎኦ ባዝን ጋላትዘ ባዝ ቆፖተ። ቱሮ ማቅደ ባዝ ኡባ፥ ቦንቾ ባዝ ኡባ፥ ቆሄ ማቆሰ ባዝ ኡባ፥ ጌሽ ባዝ ኡባ፥ ሲቆባዝ ኡባ ኡፋይስዘ ባዝ ኡባ ቆፖተ። 9 ይን ታፓ ታማርዳኖ፥ ኤክዳኖ፥ ስእዳኖን ብእዳኖን ኡባ ኦቾተ። ሳሮትꬅ እንግዘ ጾዘ ይንታራ ዎላ ማቃዳ።

10 ጋማ ዎደፓ ሱባ፥ ይን ታ ባዝ ማህ ቆፋ አይክደ ግሾ ታኒ ላꬄ ግዳ ጋማ ኡፋይታነ። ይኖ ጋዛና፥ ታስ ቆፖደስ ይንትስ ዎታንጽደ ግሾፕ አትን ታስ ቆፍቶ አሽካያ። 11 ታኒ ይኖ ታና ማꬍደ ግሾ ጋኦስ፤ ታስ የዛና ማቃዳ ጋዛኖ ታማርዳ። 12 ታኒ ማꬍꬊ የዘ የሲን ኤራነ፤ ማህ ዱርꬊ የዘ የሲን ኤራነ። አባን ማቅን ማህ አኮ ዎደን ታኒ ምሽን ናየ፥ ፋጨን ኩመን ኡባነ ታስ የዛና ማቃዳ ጋዛኖ ታማርዳ። 13 ዎልቃ እንግዘ ክርስቶሳራ ኡባ ባዝ ኦቾደስ ዳንዳአነ።

14 ማቅኮን፥ ይን ታ ማꬍተ ማድዳነ ሎኦ ኦችዳ። 15 ፍልጵስዩሳ አሱንꬅ፥ ዎንገለ ቲኖ ኦሆደስ ታኒ መቀዶንያፓ ከዝዘ ዎደ እንግዘ ባዛን ኤክዘ ባዛ ይን ዎሳ ኬꬅትፋ መለ ዎሳ ኬꬂ ታና ማድካይዛኖ ይን ኤራነ። 16 ተሰሎንቄ የዘ ዎደን ታና ኮሽዘባዛ ማህ ማህ ማድዳ። 2 ቆሮ. 11:9 17 ታኒ፥ ይንታፓ እሞ ኤኮደስ ኮይ ባይዝን እሞፓ የእዘ አንጆ ይን ኤኮደ ፋና። ሐዋ. 17:1

18 ታስ ኮሽዛኖን ኮሽዛንፓ አꬂ ይን ታስ ዳክደ እሞቶ ኤጳፍራድቱሳፓ ኤክዳ፤ ይናን ይን እሞታ ጾዚ ኤክዘ ሳዎ ቶንኩ ጋዘ፥ ኤ ካዽዘ፥ ኤ ኡፋይትዘ ዣርሾ ፋና። 19 ታ ጾዘ ፋ ዱረትꬅትፓ፥ ቦንቾ ክርስቶስ የሱሳ ባጋራ ይንትስ ኮሽዘ ባዝ ኡባ እንጎዳ። ከዘ 29:18 20 ኑ አዳይ ጾዘስ መꬍናፓ መዽና የሎደስ ቦንቾ ማቀ። አምንኤ።

21 ክርስቶስ የሱሳ ባጋራ ጾዘ ባዝ ማቅደ ኡቡንꬃና ሳሮ ጋኦተ። ታራ የዘ እሹንꬅ ይንታና ሳሮ ጋነ። 22 ጾዝስ ማቅደ አሱንꬅ ኡባ፥ ኡባፓ አꬂ ካት ቄሳረ ኬꬃ የዙንꬅ ይንታና ሳሮ ጋነ።

23 ላꬄ የሱስ ክርስቶሳ አꬎ ከሃትꬅታ ይንታራ ማቀ።