1 ታ ጋዛና Ꮉኖ። ላትዛይ ናአ ማቂ የዘ ዎደ፥ ኡባ ባዝስ ላꬂ ማቅኮን፥ አሮፓ አኮን ዱሙꬎስ። 2 የዝን ኤ አዳይ ጋይደ ዎደ የሎደ ዎንꬅስ ኤ Ꮉዳርቶ ኤክዱንꬅ ኩሸን ናግዙንꬅ ኩሸ የነ። 3 ይኒ ጋራ፥ ኑኒ ናአትꬃ የዘ ዎደ አላመ ቲኖ ዎጋስ Ꮉርንቲ አርꬊ የነ። 4 የዝን ዎድታ የልደ ዎደ ጾዝ ህገፓ ኦሞራ፥ ማችፓ የልንትደ ፋ ናአያ ኪትዳ። 5 ኤ ይኖ ኦችዳና፥ ህገስ Ꮉርንቲ የዙንꬃና ዎዞደስን ኑና ፋ ናአ ማሆደስ። ሮመ 8:15-17

6 ኑ ጾዘ ናአ ማቅዘ ግሾ «አቦ፥ አባባ» ጋእ ጼግዘ ፋ ናአይ አያና ኑ ዎዝንት ግዳ ኪትዳ። 7 ይኒ ግሾ፥ ይኬፓ ኔኒ ጾዘ ናአ ፋትን አሮ ባያ። ኔኒ ኤ ናአ ማቅኮ፥ ክርስቶሳ ባጋራ ጾዝ ላትዛ ማቃነ።

8 ይን ዛጋ ጾዛ ኤሮሰ ዎደ ፋ Ꮉኖትꬅተ ጾዝ ማቆሱንꬅስ አሮ ማቂ አቅዳ። 9 የዝን Ꮉተ ይን ጾዛ ኤርዳ፤ አꬂ ጾዛራ ኤርንትዳ። ዬዝን ማህ ፋꬆሰን ማዶሰ አላመ ዎጋጎ ሱባ ዋይዝ ማቅዳተ? ዎꬊ ኤቂ፥ ዋይዝ ኡንትስ ማህ አሮ ማቃደስ ኮየተ? 10 ዱሙዽደ ቃማስ፥ አግናስ፥ ዎደስን በረስ ይን ዱሙዝ ሎይꬂ ቦንቾ እንጋነ። 11 ኦደ ኤርዘ Ꮉሪ ታ ይንትስ ላቢድ የሳነ ጋእ ዣሽታነ።

12 ታ እሹንꬆ፥ ታ ይን ፋና ማቅደ ግሾ ይንትን ታ ፋና ማቆተ ጋእ ይንታና ዎሳነ። ይን ታና ፈቲ ባዛራን ቆህካያ። 13 ታኒ ቲኖ Ꮉርግንትተራ ይንትስ ዎንገለ ኦህዳኖ ይን ኤራነ። 14 ታ Ꮉርግታ ይንትስ ፋታና ማቅኮን፥ ታና ቦርካያ፤ አንꬅንትካያ። የዝን ታና ጾዘ ኪታንቾ ዎይ ክርስቶስ የሱሳ ሞክዛንፋና ሞክዳ።

15 ይኬ፥ ይን ታና ኡፋይስዳና አነ? ይንትስ ዳንዳእንትዛኮ፥ ይን ታስ፥ ይን ኣፍቶ ኬሲ እንግዛኮ እጾሳኖ ታ ማርክꬋነ። 16 ዬዝን፥ ታ ይንትስ ቱርቶ ኦህደ ግሾ ይንትስ ሞርከ ማቅድ የሳነ?

17 የንꬅ አሱንꬅ ይንታና ምንꬂ ኮያነ፥ የዝን ሎኦስ ባያ። ምንꬂ ኮይዛና ይንታና ሻኮደስን ፋስ ቆፖደ ፋና ይሳደስ አሙꬋነ። 18 ሎኦ ባዝ ኦቾደስ ቤዝዱንꬃና ማቅኮ ሎኦ፥ የዝን ይና ታ ይንታራ የዘ ዎደ ጻላላ ማቅካይዝን ኡባ ዎደ ማቀ።

19 ታ ሲቆ ናኡንꬆ፥ ክርስቶሳ ይንግዳ ስእለ ፋና ይአደ ዎንꬅስ የሎስ ማቻ ꬋእንትዛን ጋራ ታ ይን ግሾ ꬋእንታነ። 20 ይን ባዝ ታስ ዎርክታ ማቅን ኡንእንታነ፤ Ꮉተ ይን ግዳ ታ በንቲ ዥልꬊ ኦህዛኮ አኮ ጋር ካꬋነ የሻ።

21 ህገስ Ꮉርንቲ የሳደስ ኮይዙንꬆ፥ አነ ታስ ኦሆተ፤ ህገ አኮ ጋዛኮ ስኦስተ? 22 ጌሽ ማጻፍተ፥ «አብራሃማስ አርትፓን ካራ እንትፓ የልንትደ ላምእ ናኡንꬅ የነ» ያጋነ። መꬎ 16:15፤ 21:2 23 አርቲ ናአይ አስ ናአ የልንትዘ ዎጋራ የልንትዳ፥ የዝን ካራ እንቲ ናአይ ጾዘ ኡፋይስ ቃላራ የልንትዳ።

24 Ꮉንꬅ ማቹንꬅ ላምእ ጫቁንꬅስ አዝዘ ማቂ ኤክንታነ። ኡንታፓ ፈታ፥ ሲና ደርዘፓ ይእዳና፥ ፋ ናኡንꬃና አሮትꬅስ የልዳ፤ እዛን አጋሮ። 25 አጋራ አራበ ሳአ የዘ ሲና ደረፓ። Ꮉተ የዘ የሩሳላመ አዛነ። እዛ ፋ ናኡንꬃራ አሮትꬃ የነ። 26 የዝን ሳሎ የሩሳላመ ዋሎትꬃ የዛኖ፤ እዛን ኑ ኡቡንꬅስ እንዶ። 27 ጌሽ ማጻፍተ፥

28 ታ እሹንꬆ፥ ኑኒ ይሳቃ ፋና ጾዘ ኡፋይስ ቃላራ የልንትደ ናአ። 29 የዝን የ ዎደ አስ ዎጋራ የልንትደ፥ አያና ዎልቃራ የልንትዳያ ባይꬅዳ። Ꮉይኖን ይኒ ፋና። መꬎ 21:9 30 የዝን ጌሽ ማጻፍታ ዋገ? «አርቲ ናአይ ካራ እንቲ ናአይራ ፈትላ ላቶሰ ግሾ አርቶን እ ናአይራ ኬሲ ዳኮ» ያጋነ። መꬎ 21:10 31 ይኒ ግሾ፥ ታ እሹንꬆ፥ ኑኒ ካራ እንቲ ናኡንꬃና ፋትን አርቲ ናኡንꬃና ባያ።