1 ኑኒ ዋሎትꬃ የሳደ ፋና ክርስቶሳ ኑና አሮትꬃፓ ከስዳ። ይኬ፥ ሚንግ ኤቆተ፤ ማህ አሮትꬅ ቃምባራ ዋጽንትፐተ።

2 ታኒ፥ ጳዉሎሳ፥ ጋዛኖ ስኦተ። ይን ጋራዝንትኮ፥ ክርስቶሳ ይንታና አኮን ማዶስ። 3 ጋራዝንትዘ ኦደን ህገ ኪትዛኖ ኡባ ፎሎደስ ቤዝዛኖ ፈተስ ፈተስ ማህ ኦህነ። 4 ህገ ናጊ ጽሎደስ ኮይዙንꬆ፥ ክርስቶሳፓ ሻክንት፤ ጾዘ አꬎ ኬሃትꬃፓ ጎልእዳ። 5 የዝን ኑኒ ጾዘ አያና ባጋራ አማኖራ ጽሎዳኖ ኡፋይሳራ ናጋነ። 6 ይኬ፥ ክርስቶስ የሱሳ ግዳ የዝኮ፥ ሲቆ ኦቻ ቆንጭዘ አማኖ ፋትን ጋራዝንትን፥ ጋራዝንታንጽን ኑና አኮን ማዶስ።

7 ሎኦ ዎጻነ የሻ፥ የዝን Ꮉተ ቱርስ ኪትንታመ ፋና ይንታና ካይደ ኦደ? 8 Ꮉኒ ፋና ኢታ ዞረ ይንታና ጼግደ ጾዘፓ ባያ። 9 ይናን፥ «ኤራꬅ እርሾ ቡካ ኡባ ደንꬅꬃነ»1 ቆሮ. 5:6 ጋእንትደ ፋና። 10 ይንትስ መለ ቆፋ ባይዛኖ ፎሎ ላꬄላ አማንንታነ። የዝን ይንታና ቡቅዘ ኦደን ጾዛፓ ፋ ፍርድቶ ኤኮዳ።

11 ታ እሹንꬆ፥ ታ Ꮉይኖ የሎደስ ጋራዝንተ ሳባክዘባዝ ማቅኮ፥ ዬዝን ታና አኮስ ባይኤ? ይኖ ሳባክዘ ባዝ ማቅኮ ክርስቶሳ ማስቃላባዝ አሱንꬅስ ꬉበ ማቅዛና አታነ የሻ። 12 ይንታና ቡቅዙንꬅ ጋራዝንተ ጻላላ ማቅካይዝን ፋ አጋስቶ ጋችዛኮን ታ ካꬋነ።

13 ታ እሹንꬆ፥ ይን ዋሎ የሳደስ ጼግንትዳ። ማቆየዝን፥ ይን ዋሎትꬅታ አሾ አሞትꬅ ፎሎደስ ይንትስ ኦገ ማቅፐ፤ ይንፓ አꬂ ፈታይ ፈታይስ ሲቆራ አሮ ፋና ማቆተ። 14 ህገ ኡባ፥ ፈቲ ቃላራ አጭንትዳ። ይናን «ነ ላግዛ ነ ኦምት ፋና ካꬎ» ጋዛኖ። ሌዌ 19:18 15 የዝን ይን ፈታይ ፈታይራ ሳጽንትዘባዝን ሙእንትዘባዝ ማቅኮ፥ ይን ዎል Ꮉሳመ ፋና ናግንቶተ።

16 ይኬ፥ ታ ይንትስ ኦህነ፤ አያናራ የዞተ፤ ይን አሾ አሙቶ ሙሎን ፎልፐተ። 17 አሾ አያናላ አያና አሾላ አሙꬋነ፤ ኡንትን ፈተ ፈተራ እጽንታነ። ይኒ ግሾ ይን ካꬍዘባዝ ኦቾደስ ዳንዳኦስ። ሮመ 7:15-23 18 አያናራ ካልዘባዝ ማቅኮ ህገ ይንታና አሆስ።

19 አሾ ኦቹንꬅ ኤርንትዱንꬃና፤ ኡንትን፥ ኦላለ፥ ቱናትꬅ፥ ቃይጸ፥ 20 ኤቃስ ጎይነ፥ ብታ፥ ሞርከትꬅ፥ ካች፥ ቃናተ፥ ዥሎ፥ ዛዛእንተ፥ ፋና ካ፥ ሻክንተ፥ ኢታ ዞረ 21 ገነ፥ ማꬄ፥ የꬂን ይኖ አዝዙንꬃና፤ ቲኖ ታ ይንትስ ኦህዳን ፋና Ꮉተን ታ ይንትስ ኦህነ። Ꮉኒ ፋና አዝዘባዝቶ ኦችዙንꬅ ጾዘ ካእቱሞ ገሎስ።

22 የዝን አያና ኣፈ፥ ሲቆ፥ ኡፋይስ፥ ሳሮትꬅ፥ ዳንዳአ፥ ኬሃትꬅ፥ ሎኦትꬅ፥ አማኖ፥ 23 አዳትꬅ፥ ፋና አሄ። Ꮉኒ ፋና አዝዘባዝቶ እጽዘ ህገ ባያ።

24 ክርስቶስ የሱሳ ባዝ ማቅዱንꬅ ፋ አሽቶ ኢስ የዘ ኢታ ቆፍትራን እ አሞትꬅትራ ዎላ ማስቃላላ አፋ ሱጽዳ። 25 አያናራ የዘ ባዝ ማቅኮ፥ ኑኒ አያናር ካሎዳ። 26 አነ ፈተ ፈተላ ዥልꬍተራ ደንድተራን ቃናትተራን Ꮉፖ ጬቅንትዛኖ አሾዳ።