1 ታ እሹንꬆ፥ አስ አኮ ቆሄ ግዳ ጎልእኮ፥ አያናራ የዘ ይን የ አꬃ አሽከትꬃራ ሉልዞተ። የዝን ኔኒ ይኒ ጋርዘ ባዛራ ፋታንንታመ ጋር ነና ናጎ። 2 ይንታፓ ፈታይ ፈተ ቶፍቶ ቶኮ። የይዝተራ ክርስቶሳ ህገ ፎሎተ። 3 ፈተ አስ አኮን Ꮉንካይዝን፥ አኮን Ꮉንደ ፋና መሉንꬃፓ ሎኦ ጋእ ቆፕኮ፥ ኤ ፋና ጭማነ። 4 የዝን ፈተ ፈተ ፋ ኦማ ኦችቶ ፋታኖ። ይንፓ ሱባ፥ መሉንꬅስ Ꮉንካይዘ ባዝ ፋ ጻላላስ ጬቅንትዘ ባዝ ደማዳ። 5 ፈተ ፈተ ፋ ቶፍቶ ቶኮደስ ቤዛነ።

6 የዝን ጾዘ ቃላ ታማርዘ ታማርስዘራ ሎኦ ባዝ ኡባ ግሽንታነ።

7 ባልንትፐተ፥ ጾዚ ጭምንቶስ አስ ፋ ቡድዛኖ ማህ ማጾዳ። 8 ፋ አሾ አሞራ ቡድዘ ኦደን፥ ፋ አሾ አሞትꬅትፓ ዎቃ ማጾዳ። የዝን አያናራ ቡድዘ ኦደን አያናፓ መዽና ደኦ ማጾዳ። 9 አዛልአንጽኮ ኑ ዎደር ማጾዳ። ሎኦ ኦቻ ኦቾደስ አዛልኦስ። 10 ይኬ ዎትዘ ዎደ ደንግኮ፥ አስ ኡባስ፥ አꬂ አማንዘ አስስ ሎኦ ባዝ ኦቾዳ።

11 ታኒ ታ ኩሸራ፥ አኮ ጋር ዳማ ፍዳለራ ይንትስ ጻፈዛኮ ቦኦተ። 12 አስ ቲኖ ሎኦ ማቂ በንቶደስ ኮይዘ አሱንꬅ ይን ጋራዝንቶደ ፋና ኮያነ። የዝን ይኖ ኡን ኦችዛና፥ ክርስቶሳ ማስቃላ ግሾ ኡንታና ባይꬅ የላመ ፋና። 13 ኡን ይን ጋራዝንትዳነ ጬቅንቶደስ ኮይ «ይንታና ጋራዝንቶተ!» ጋነ ፋትን ጋራዝንትዱንꬅን ፋ ኦምተ ህገ ናጎስ።

14 የዝን አላመ ታስ ሱጽንትዳይፓን ታንን አላመስ ሱጹንትደ፥ ላꬄ የሱስ ክርስቶሳ ማስቃላፓ መለ ጬቅንተ ታፓ Ꮉኮ። 15 ይኬ፥ ጋራዝንትን ጋራዝንታንጽን አኮን ማዶስ። ክርስቶስ የሱሳራ ክለ መꬎ ማቀ ማዳነ። 16 Ꮉና ዎግቶ ካልዘ ኡቡንꬅስን ጾዘ ዎርዣ ማቅደ እስራኤሉንꬅስ ሳሮትꬅን ማሮትꬅን ማቀ።

17 ታኒ የሱሳ Ꮉርግደ ቤቶ ታ አሽተ ቶክዳ፥ ይኬፓ ታና አኮን ላቢዞስ።

18 ታ እሹንꬆ፥ ኑ ላꬄ የሱስ ክርስቶሳ አꬎ ኬሃትꬅ አያና ይንታራ ማቀ። አምንኤ።