1 Ꮉይꬓንꬆ ዎደ ጋልላ ቃና ካታማ ዣጋና የነ። የሱሳ እንታ ይና ዣጋንተ የሻ። 2 የሱሳን ኤ ታማሩንꬅን ዎላ ይና ዣጋንተ ጼግንትዳ። 3 ዎይነ ኡሽታ Ꮉልእን፥ የሱሳ እንታ የሱሳጎ፥ «ኡንትስ ዎይነ ኡሽታ Ꮉልእዳ» ያጋይዳ።

4 የሱሳ ማህ፥ «እሞ፥ ነ Ꮉነ ገልፐ? ታ ዎድታ Ꮉጋ የልካያ» ያጋይዳ።

5 የሱሳ እንታ ኦችዙንꬃጎ፥ «ኤ ይንትስ ኦህዛኖ ኡባ ኦቾተ» ያጋይዳ።

6 አይሁዱንꬅ ፋ ጌሸ ዎጋስ ማድንትዘ እዝፑን ሹች ጋኑንꬅ ይና በስተ የነ። ፈተ ፈተ ላምእ ዎይ Ꮉይꬕ ጹጋ አይካነ። 7 የሱሳ ኪትንትዙንꬃጎ፥ «ጋንተ Ꮉꬅ ኩንꬆተ» ያጋይዳ። ኡን ጋኑንꬅስ ዶንቶ የሎደስ Ꮉꬅ ኩንꬅዳ። 8 የሱሳ ኡንታጎ፥ «Ꮉተ ዱቂ ዣጋንቶ አድꬊ ፎልዘስ እንጎተ» ያጋይዳ። ኡን ኤስ ካንግ እንግዳ።

9 ዣጋንቶ አድꬊ ፎልዛይ ዎይነ ኡሽታ ላምንትደ Ꮉꬅቶ ቃማስ ብእ አናፓ የኤዛኮን ኤርካያ፥ የዝን Ꮉꬅቶ ኩንꬅደ ኪትንትዙንꬅ ኤራነ። ዣጋንቶ አድꬊ ፎልዛይ ማቾ ኤክዛያ ጼጊ፥ 10 «ኦደን ሎኦ ዎይነ ኡሽቶ አስ ቲንꬊ ኡሻነ። የይዝ አሱንꬅ ኡዢ ምዥዳንፓ ሱባ ዣግንትዳ እንጋነ። የዝን ኔኒ ሎኦ ዎይነ ኡሽቶ Ꮉኖ የሎደስ ጋዲ ጋምእዝዳ» ጋይዳ።

11 የሱሳ Ꮉይ ቲኖ ክለ ኦችዛ ጋልላ ቃና ካታማ ኦችዳ፤ እዘ ፋ ቦንችቶ ቤዝዳ። ኤ ታማሩንꬅን ኤዛ አማንዳ።

12 ይንፓ ማቂ፥ የሱሳ ፋ እንትራ፥ ፋ እሹንꬃራን ፋ ታማሩንꬃራ ዎላ ቅፍርናሆመ ካታማ Ꮉንግ ኤራꬅ ቃማ ጋምእዳ። ማቶ. 4:13

13 አይሁዱንꬅ ቦንችዘ ፋስጋ ባአለ ቃምታ ኡክን የሱሳ የሩሳላመ ቅትዳ። ከዘ 12:1-27 14 Ꮉንግ ጾዘ ኬꬃ ቦራ፥ Ꮉር፥ ዱሮን ዎለን ባይዙንꬃናን ፋ ኦይድትላ በቲ ብራ ላምዙንꬃና ብእዳ። 15 ኤ ጹርቃፋ ጊግዚ አሱንꬃና ኡባ ኡንታና ኡን Ꮉሩንꬃራ ጾዘ ኬꬃፓ ባይእ ባለ ከስዳ። ብራ ላምዙንꬃና ጠርጴዝቶን ሽሪ ኦሊ ኡን ብርቶ ላልዳ። 16 ዎለ ባይዝዙንꬃና፥ «Ꮉንꬅ ዎሉንꬃና Ꮉንፓ ከሶተ፤ ታ አዳይ ኬꬅቶ ጋበ ማህፐተ» ያጋይዳ።

17 ኤ ታማሩንꬅ ጌሽ ማጻፍተ፥ «ታ ነ ኬꬅትስ ይቅስንትዘ ይቅስንታ ታና ታማ ጋራ ምቻነ» ጋእንት ጻፍንትዳኖ ቲርዳ። ማዝ. 69:9

18 ይንፓ ሱባ፥ አይሁዱንꬅ ማህ፥ «ነ Ꮉኖ ኦቾደስ ኔስ ዎልቃ የዛንስ ኑና አኮ ማላ ኦቺ ቤሳደ?» ያጋይዳ።

19 የሱሳ፥ «Ꮉና ጾዘ ኬꬅቶ ዉልኦተ ታ Ꮉይꬕ ቃማራ ማህ ኬጾዳ» ያጋይዳ። ማቶ. 26:61፤ 27:40፤ ማር. 14:58፤ 15:29

20 ይኒ ግሾ አይሁዱንꬅ፥ «Ꮉና ጾዘ ኬꬅቶ ኬጾደስ ኦይታም እዝፑን በረ ኤክዳ፥ የዝን ኔኒ Ꮉይꬕ ቃማራ ኬጾዳ?» ያጋይዳ።

21 የዝን የሱሳ ኦህዘ ጾዘ ኬꬅታ ፋ አሽትባዝ። 22 ይኒ ግሾ፥ የሱሳ Ꮉይቆፓ ደንድዳንፓ ሱባ ኤ ታማሩንꬅ ኤ ይኖ ጋይዳኖ ቲርዳ። ማህ ኡን ጌሽ ማጻፍተ ጻፍንትዳኖን የሱሳ ኦህዳኖ አማንዳ።

23 የሱሳ ፋስጋ ቦንችዘ በሳ የሩሳላመ የሳደራ፥ ኤ ኦችደ ክለ ባዝቶ ብእ ጋማ አሱንꬅ ኤዛ አማንዳ። 24 የዝን የሱሳ አሱንꬃና ኡባ ኤርዘ ግሾ ኡንታና አማንካያ። 25 አስ ዎዝንተ የዘ ባዝ ኤ ፋ ኦምተ ኤርዘ ግሾ አስ ባዝ ኦደን ኤስ ኦሆደ ጋር ኮሽካያ።