1 የሱሳ ዋሐንሳፓ አꬂ ካልዙንꬃና ፋጎ ሺሺ ጻማቅዛኖ ፋርሳዉንꬅ ስእዳ። 2 ማቅኮን የሱሳ ታማሩንꬅ ጻማቅዳፕ አትን የሱሳ ኦናን ጻማቅካያ። 3 የሱሳ አሱንꬅ ኤ ባዝ ጋዛኖ ስእደ ዎደ ይሁዳፓ ደንዲ ማቂ ጋልላ ቅትዳ። 4 ጋልላ ቅትተራ ሳማረራ አꬎዳና ኤስ አታመባዝ ማቅዳ።

5 ይኒ ግሾ፥ ያይቆባ ፋ ናአይ ዮሰፋስ እንግደ ጋድቲ ካለ የዘ ስካረ ጋዘ ሳማራ ካታማ ይእዳ። መꬎ 33:19፤ ኢያ. 24:32 6 ይና በስተ ያይቆባስ Ꮉꬅ ዶቺ የነ። የሱሳ Ꮉንግተራ ላቢ ይና Ꮉꬅ ዶችት ካለ በትዳ። የ ዎደ ሳእታ አዋራፓ እዝፑን ሳተ ጋር።

7 ፈቲ ሳማራ ካታማ ማችታ ይና ዶችትፓ Ꮉꬅ ክጾደስ ይእዳ። የሱሳ ይና ማችትጎ፥ «ታና Ꮉꬅ ኡሾያ» ያጋይዳ። 8 ይና ዎድተ የሱሳ ታማሩንꬅ ካꬃ ዎንጎደስ ካታማ ቅተንየሻ።

9 ይና ማችታ ማህ፥ «ነ አይሁደ አስ ማቅተራ፥ ሳማራ ማቾ ማቅደ ታና ዋይዝ Ꮉꬅ ኡሾ ጋኤ?» ያጋይዳ። ይኖ እዛ ጋይዳና አይሁዱንꬅ ሳማሩንꬃራ የልንቶሰ ግሾ። ዕዝ. 4:1-5፤ ናህ. 4:1-2

10 የሱሳ ማህ፥ «ነ ጾዘ እሞትꬅን Ꮉꬅ ታና ኡሾ ጋዘ ኦደ የዛኮ ኤርዘባዝ ማቅዛኮ ኤዛ ነ ዎሶዳ፤ የዝን ኔስ ደኦ እንግዘ Ꮉꬅ እንጎድየሻ» ያጋይዳ።

11 ማችታ ማህ፥ «ላꬃዮ፥ ኔስ ዱቂዘ Ꮉለ ባያ፤ ዶችታን Ꮉኮ። ዬዝን፥ ደኦ እንግዘ Ꮉꬅ ነ አባፓ ኤኮደ? 12 ኑስ Ꮉና Ꮉꬅ ዶችቶ እንግደ ኑ አዳይ ያይቆባፓ ነ አꬎደ? ኤን፥ ኤ ናኡንꬅን ኤ Ꮉሩንꬂ Ꮉና Ꮉꬅ ዶችትፓ ኡዥዳ» ያጋይዳ።

13 የሱሳ፥ «Ꮉና Ꮉꬅትፓ ኡዥዘ ኦደን ማህ ባርꬋዳ። 14 የዝን ታ እንጎደ Ꮉꬅቶ ኡዥዘ ኦደን መꬍናስ ባርꬋማ። ታ እንግዘ Ꮉꬅታ ኤ ግዳ መዽና ደኦ እንግዘ ጎግዘ Ꮉꬅ ኣፈ ማቃዳ» ያጋይዳ።

15 ማችታ ማህ፥ «ላꬆ፥ ታኒ ባርꬋመ ጋራን Ꮉꬅ ዱቆደስ Ꮉና በስተ የአመ ፋና ታስ ይና Ꮉꬅቶ እንጎ» ያጋይዳ።

16 የሱሳ ኢጎ፥ «Ꮉንግ ነ አዝንዛ ጼጊ ዮኦ» ያጋይዳ።

17 ማችታ ማህ፥ «ታስ አዝኒ ባያ» ያጋይዳ።

የሱሳ ኢጎ፥ «ታስ አዝኒ ባያ ጋእ ቱሮ ኦህዳ። 18 ኔስ ቲኖ እችን አዝኑꬅ የነ። Ꮉተ ኔራ የዘ አꬃይ ኔስ አዝኒ ባያ። ነ Ꮉተ ቱሮ ኦህዳ» ያጋይዳ።

19 ማችታ ማህ፥ «ላꬆ፥ ነ ናበ ማቅዳኖ ታ ኤርዳ። 20 ኑ አዱንꬅ Ꮉይ ደርዘላ ጾዚ ጎይንዳ። የዝን ይን አይሁዱንꬅ አስ ጾዝ ጎይኖደስ ቤዝዘ በስታ የሩሳላመ የነ ጋነ» ያጋይዳ።

21 የሱሳ፥ «Ꮉና ማችተ ታና አማኖ፤ Ꮉይ ደርዘላ ዎይ የሩሳላመ አዳያ ይን ጎይናመ ዎደ የኦዳ። 22 ይን ሳማሩንꬅ ኤርንቶሰስ ጎይናነ። የዝን ኑኒ አሽዘ አይሁደፓ የእዘ ግሾ ኑ ኤርዛያ ጎይናነ። 23 የዝን አዳያ ቱርፓ ጎይንዙንꬅ አያናራን ቱሮትꬃራ ጎይንዘ ዎድታ ኡክዳ፤ Ꮉተን የልዳ። ይኬ፥ አዳይ ኮይዘ Ꮉኒ ጋር ኦገራ ጎይንዙንꬃና። 24 ጾዘ አያና፤ ኤስ ጎይንዙንꬅ አያናራን ቱሮትꬃራ ጎይኖደስ ቤዛነ» ያጋይዳ።

25 ማችታ ማህ፥ «ክርስቶሳ ጋዘ ትዥንትደ ዮኦዳኖ ታ ኤራነ። ኤ የእዘ ዎደ ኑስ ኡባ ባዝ ኦሆዳ» ያጋይዳ።

26 የሱሳ፥ «Ꮉይ ኔራ ኦህንትዘ ታኒ ኤዛ» ያጋይዳ።

27 ኡን ኦህንቶደራ፥ የሱሳ ታማሩንꬅ Ꮉንግደ በስትፓ ማቅዳ። የሱሳ ማችትራ ኦህንቶደራ ኡን ብእ ጋማ ቆፕዳ። የዝን ማችትጎ፥ «አኮ ኮየ?» ዎይ የሱሳጎ፥ «እዝራ አኮስ ኦህንተ?» ጋይደ ኦደን ባያ።

28 ይንፓ ማቂ፥ ማችታ ፋ Ꮉꬅ ኦቶ አሺ ሱባ ካታማ Ꮉንግ አሱንꬃጎ፥ 29 «ታኒ ኦችዳኖ ኡባ ታስ ኦህደ አꬃ ቦኦደስ የꬎተ። ኤ ክርስቶሳ ማቃነ?» ያጋይዳ። 30 አሱንꬅ ካታማፓ ኬዚ የሱሳጎ Ꮉንግዳ።

31 ይና ይአደራ፥ ኤ ታማሩንꬅ የሱሳጎ፥ «ሞኦዮ» ጋእ ዎስዳ።

32 የዝን ኤ፥ «ታስ ይን ኤሮሰ ካꬃ ታ ሙእዘ የነ» ያጋይዳ።

33 ይኒ ግሾ፥ ኤ ታማሩንꬅ ፋ ግዳ፥ «ኤስ ሙእዘ ባዝ አስ ክእካይዛራ አታማ?» ያጋይዳ።

34 የሱሳ ኡንታጎ፥ «ታ ካꬅታ ታና ኪተዘ ቆፍቶ ኦቾዳኖን ኤ ኦችቶ ፋዳዳኖ። 35 ይን፥ ‹ኦይዲ አግናፓ ሱባ ካꬃ ማጽንቶዳ› ጋነ ባ? የዝን ታኒ ይንትስ ኦህነ፤ ካꬅታ ካጽን ሺሸስ የልዳኖ ሎይꬂ ቦኦተ። 36 ቡድዘን ማጽዘን ዎላ ኡፋይቶደ ጋር ማጽዛይ ዳሞዘ ኤካነ ማህ ካꬃ መዽና ደኦስ ኣፈ ሺሻነ። 37 ይኬ፥ ‹ፈተ ቡዳነ፤ Ꮉንካይ ማህ ማጻነ› ጋዘ ኦህታ ቱሮ። 38 ይን ላቢካይዛኖ ሺሾደ ጋር ታ ይንታና ኪትዳ። መሉንꬅ ኦቺ ላቢዳነ ገሊ ይን ኡን ላቢደ ኣፍቶ ኤክዳ» ያጋይዳ።

39 ማችታ፥ «ኤ፥ ታ ኦችደ ኡባባዝቶ ኦህዳ» ጋእ ማርክꬍደ ግሾ ይና ካታምተ የዘ ሳማራ አሱንꬃፓ ጋሙንꬅ የሱሳ አማንዳ። 40 ሳማራ አሱንꬅን የሱሳጎ ይእ፥ ኡን ካለ ጋምኦደ ጋር የሱሳ ዎስን ኤ እዘ ላምእ ቃማ በትዳ።

41 ኤ ኦህደ ቃልት ግሾ ካሰንፓ ጋማ አሱንꬅ አማንዳ። 42 ማህ ኡን ማችትጎ፥ «Ꮉተ ኑ አማንዳና ኑ ኦምተ ኤ ጋዛኖ ስእደ ግሾፕ አትን ነ ማርክꬍደ ግሾ ባያ። ማህን ኤ ቱሮ Ꮉና አላምቶ አሽዛ ማቅዛኖ ኑ ኤርዳ» ያጋይዳ።

43 ላምእ ቃማፓ ሱባ፥ የሱሳ ይንፓ ኬዚ ጋልላ ቅትዳ። 44 የሱሳ ፋ ኦምተ፥ «ናበ ፋ ጋድተ ቦንችንቶስ» ያጋእ ቲንꬊ ኦህዳ። ማቶ. 13:57፤ ማር. 6:4፤ ሉቃ. 4:24 45 የሱሳ ጋልላ የልደ ዎደ ጋልላ አሱንꬅ ኤዛ ሞክዳ። አኮስ ጋይኮ፥ ፋስጋ ባአለ ቦንችዘ ዎደ ኡን የሩሳላመ የዘ ግሾ ኤ ኦችዳኖ ኡባ ብእዳ። ዋሐ. 2:23

46 የሱሳ Ꮉꬅቶ ዎይነ ኡሽ ላምደ በስተ፥ ጋልላ የዘ ቃና ካታማ Ꮉንግዳ። ቅፍርናሆመ ካት ኬꬃ ኦችዘ ሹምዘስ ናእ Ꮉርግንታነ። ዋሐ. 2:1-11 47 የሱሳ ይሁዳፓ ጋልላ ዪዳኖ የ ሹምዘ ስእ ኤጎ ይእዳ። Ꮉይቆደስ የልደ ፋ ናአያ Ꮉንግ ፋꬆደ ጋር የሱሳ ዎስዳ።

48 የሱሳ ሹምዘጎ፥ «ጾዚ ኦችዘ ጋማ ቆፍዘን ክሌ ባዝ ብእካይዛራ ይን ሙሎን አማኖስ» ያጋይዳ።

49 ሹምዘን ማህ፥ «ላꬃዮ፥ ታ ናአይ Ꮉይቂካይዝን ታራ የꬎያ» ያጋይዳ።

50 የሱሳ፥ «ነ ካራ ቅቶ፤ ነ ናአይ ፋጾዳ» ያጋይዳ።

የ ሹምዘ የሱሳ ኦህደ ቃላ ማቅዳኖ አማኒ ፋ ካራ ቅትዳ። 51 ኤ ፋ ካራ Ꮉንጎደራ ኤዛ አሩንꬅ ኤጎ ይእተራ ኤዛር ኦገ የልንት፥ «ነ ናአይ ፋጽዳ» ጋይዳ።

52 ኤ ፋ አሩንꬃና ፋ ናአይስ አኮ ሳተ ሎኤዛኮ ኦጭዳ። ኡን ማህ፥ «ኦማ ላፑን ሳተ ምችታ አሽዳ» ያጋይዳ። 53 ናአይ አዳይ የሱሳ ፋጎ፥ «ነ ናአይ ፋጾዳ» ጋይዳና ይና ሳተ ማቅዳኖ ቲርዳ። ይኒ ግሾ፥ ኤዝን ኤ ካራ አሱንꬅ ኡቡንꬃራ አማንዳ።

54 ይና የሱሳ ይሁዳፓ ጋልላ ይእ ኦችደ ላምእንꬃ ክሌ ባዝ።