1 ፈተ ፈተ አሺ ፋ ካራ ፋ ካራ ቅትዳ፥ የዝን የሱሳ ሻማሄ ደረ ቅትዳ። 2 ማህ ዎንትስት ዎደ ጎዳ ጾዘ ኬꬃ ይእዳ። ጋማ አሱንꬅ ኤጎ ይእን በቲ ኡንታና ታማርስዳ። 3 ህገ አስታማሩንꬅን ፋርሳዉኑꬅ ኦላሎደራ አይክደ ፈቲ ማችቶ ኤጎ ክእዳ። ኡን አስ ኡባ ቲኖ እዞ ኤስ፥ 4 «አስታማርዛዮ፥ Ꮉና ማችታ ኦላሎደራ ኑ አይክዳ። 5 ሙሴ ህገ Ꮉኒ ጋርዘ ማችቶ ሹቻራ ꬎጊ ዎꬎደ ጋር ኪታነ። ዬዝን፥ ነ እባዝ ዋገ?» ያጋይዳ። ሌዌ 20:10፤ ማሄ 22:22-24

6 ኡን ይኖ ጋይዳና የሱሳ ፋታኒ ኤዛ ሞቶደባዝ ደንጎደስ። የዝን የሱሳ ዙጊ ፋ ግልእዘራ ሳአላ ጻፍዳ። 7 ኡን ኤዛ ማህ ማህ ኦጪ አሻንጽን፥ ኡደ ꬎቅ ጋእ፥ «ይን ግዳ ናጋራ ኦችካይዘ አስ ቲኒ እዞ ሹቻራ ꬎጎ» ያጋይዳ። 8 ማህን ዙጊ ሳአላ ጻፍዳ።

9 ኡን ይኖ ስእደ ዎደ ኡን ቆፍታ ኡንእን ጭሙንꬃፓ አይኪ ፈተ ፈተ ከዝተራ Ꮉልእዳ። የሱሳ ጻላላ ይና በስተ ኤቅደ ማችትራ አትዳ። 10 ኤ ኡደ ꬎቅ ጋእ ማችትፓ መለ አስ ብእካይዘ ዎደ፥ «ማችተ፥ ሞትዙንꬅ አባ ቅትዶ? ኔላ ፍርድዙንꬃፓ ኦደን ባ?» ያጋይዳ።

11 ማችታ፥ «ላꬆ፥ ኦደን ባያ» ያጋይዳ።

የሱሳ ማህ፥ «ታንን ኔላ ፍርዶስ። ቅቶ፤ ማህ ናጋራ ኦችፈ» ያጋይዳ።

12 ማንን የሱሳ አሱንꬃጎ፥ «ታኒ አላመስ ፎኦ። ታና ካልዘ ኦደን ደኦ እንግዘ ፎኦ ኤኮዳፕ አትን ꬉማ Ꮉንቶስ» ያጋእ ኦህዳ። ማቶ. 5:14፤ ዋሐ. 9:5

13 ፋርሳዉንꬅ፥ «ነ ነባዝ ማርክꬋነ፥ የዝን ነ ማርካትꬅታ ቱሮ ባያ» ያጋይዳ። ዋሐ. 5:31

14 የሱሳ ማህ፥ «ታኒ ታ ባዝ ማርክꬍዛኮን ታ ማርካትꬅታ ቱሮ። አኮስ ጋይኮ፥ ታኒ አባፓ የኤዛኮ ማህ አባ ቅትዛኮ ኤራነ፥ የዝን ይን ታ አባፓ የእዛኮን ማህ አባ ቅትዛኮ ኤሮስ። 15 ይን አስ ቆፋ ጋር ፍርዳነ፤ ታኒ ፈቲ አሳላን ፍርዶስ። 16 ታኒ ፍርድዘባዝ ማቅኮን ታ ፍርድታ ቱሮ። አኮስ ጋይኮ፥ ታና ኪተዘ ታ አዳይ ታራ የነፕ አትን ታኒ ታ ጻላላ የዞስ። 17 ላምእ አስ ማርካትꬅ ቱሮ ማቅዛና ይን ህግተ ጻፍንትዳ። ማሄ 19:15 18 ታኒ ታ ባዝ ታ ኦምተ ማርክꬋነ፤ ማህ ታና ኪተዘ ታ አደን ታ ባዝ ማርክꬋነ» ያጋይዳ።

19 ኡን፥ «ነ አዳይ አባ የነ?» ያጋይዳ።

የሱሳ ማህ፥ «ይን ታና ዎይ ታ አዳያ ኤሮስ። ታና ኤርዘባዝ ማቅዛኮ፥ ይን ታ አዳያን ኤሮዳ የሻ» ያጋይዳ።

20 የሱሳ ጾዘ ኬꬃ ሙጻተ ብራ ኦልዘ ሳጥነ የዘ በስተ ይኖ ታማርስዳ። ኤ ቃምታ Ꮉጋ የልካይዘ ግሾ ኦደን ኤዛ አይክካያ።

21 ማህን የሱሳ ኡንታጎ፥ «ታ ቅቶዳ፤ ይን ታና ኮዮዳ፥ የዝን ይን ይን ናጋርትራ Ꮉይቆዳ። ታ ቅትዘ በስቶ ቅቶደስ ይን ዳንዳኦስ» ያጋይዳ።

22 አይሁደ Ꮉላቁንꬅ፥ «ኤ፥ ‹ታ ቅትዘ በስቶ ይን ዮኦደስ ዳንዳኦስ› ያጋይዳ። ኤ ፋና ፋስ ዎꬎዳ የሳነ?» ያጋይዳ።

23 የሱሳ ማህ፥ «ይን ኦሞፓ፤ ታ አፋፓ። ይን Ꮉና አላምትፓ፥ ታ Ꮉና አላምትፓ ባያ። 24 ይን ይን ናጋርትራ Ꮉይቆዳ ጋእ ታ ይንትስ ኦህዳና ይንስ። ታኒ ታና ማቅዛኖ ይን አማናንጽኮ ይን ይን ናጋርትራ Ꮉይቆዳ» ያጋይዳ።

25 ኡን፥ «ነ ኦደ?» ያጋእ ኦጭዳ።

የሱሳ ማህ፥ «ታኒ፥ ቲኖፓ ይንትስ ኦህደ ኤዚ ታና። 26 ታኒ ይን ባዝ ኦህ ፍርድዘ ጋማ ባዝ የነ። የዝን ታና ኪተዘ ቱሮ፤ ማህ ታኒ ኤፓ ስኤዛኖ ጻላላ አላመስ ኦህነ» ያጋይዳ።

27 የሱሳ ፋ አደባዝ ኦህዛኖ ኡን ቲሪካያ። 28 ይኒ ግሾ፥ የሱሳ ኡንታጎ፥ «ይን አስ ናአያ ኡደ ꬎቅ ዪዘ ዎደ ታኒ ታና ማቅዛኖ ይን ኤሮዳ። ማህን ታኒ ታ አደትꬅ ዎልቃራ አኮን ኦቾሳኖን ታ አዳይ ታና ታማርስዳኖ ኦህዛኖ ይን ኤሮዳ። 29 ታና ኪተዘ ታራ የነ። ታ ኡባ ዎደ ኤዛ ኡፋይስዘ ባዝ ኦችዘ ግሾ ኤ ታና ታ ጻላላ አሽካያ» ያጋይዳ።

30 የሱሳ ይኖ ኦሆደራ ስኤዘ ጋማ አሱንꬅ ኤዛ አማንዳ።

31 የሱሳን ፋና አማንደ አይሁዱንꬃጎ፥ «ይን ታ ቃልተ የዝኮ ቱሪ ታ ታማሩንꬃና። 32 ይን ቱሮ ኤሮዳ፤ ቱርታን ይንታና አሮትꬃፓ ከሶዳ» ያጋይዳ።

33 ኡን ማህ፥ «ኑ አብራሃማ ኮች፤ ኑ ኦደስን አርꬍካያ። ነ ዋይዝ፥ ‹ይን አሮትꬃፓ ኬሳዳ› ጋኤ?» ያጋይዳ። ማቶ. 3:9፤ ሉቃ. 3:8

34 የሱሳ ማህ፥ «ታ ይንትስ ቱሮ ቱሮ ጋነ፤ ናጋራ ኦችዘ ኦደን ናጋራስ አሮ። 35 አሮ መꬍናስ ካራ አሳራ የዞስ፥ የዝን ናአ መꬍናስ ካራ አሳራ የዛነ። 36 ናአይ ይንታና አሮትꬃፓ ኬስኮ ይን አሮትꬃፓ ቱሮ ኬሳዳ። 37 ይን አብራሃማ ኮች ማቅዛኖ ታ ኤራነ። የዝን ታ ቃልታ ይን ግዳ ባይዘ ግሾ ታና ዎꬎደስ ኮያነ። 38 ታኒ ታ አዳይ ታና ቤዝዳኖ ኦህነ፥ የዝን ይንትን ይን አደፓ በኤዛኖ ኦቻነ» ያጋይዳ።

39 ኡን ማህ፥ «ኑ አዳይ አብራሃማ» ያጋይዳ።

የሱሳ ኡንታጎ፥ «ይን አብራሃማ ናኡንꬃና ማቅዛኮ ኤ ኦችዳኖ ኦቾድየሻ። 40 የዝን ጾዛፓ ስኤዘ ቱርቶ ኦህደ ታና ይን ዎꬎደስ ኮያነ። አብራሃማ ይኒ ጋራ ዪዝካያ። 41 ይን፥ ይን አዳይ ኦችዳኖ ኦቻነ» ያጋይዳ።

ኡን ማህ፥ «ኑኒ ኦላለ ናአ ባያ ቱሪ ጾዘ ናኡንꬃና፤ ኑስ ፈቲ አዳይ ጾዘ ጻላላ የነ» ያጋይዳ።

42 የሱሳ ኡንታጎ፥ «ጾዚ ቱሪ ይንትስ አደ ማቅዛኮ ይን ታና ካꬎድየሻ፤ አኮስ ጋይኮ፥ ታኒ ጾዘ ካለፓ ይእዳ። ታና ኤ ኪታነፕ አትን ታኒ ታ አደትꬅ ዎልቃራ ይእካያ። 43 ታ ኦህዛኖ ይን ስኦሳና ቲሮሶ? ታ ቃልቶ ይን ስአንጽደ ግሾ። 44 ይን፥ ይን አዳይ ጻላሄ ናአ። ማህን ይን፥ ይን አዳይ አሙꬍዘባዝ ኦቾደስ ኮያነ። ኤ ቲኖፓ አይኪ ሸምፖ ዎꬍዛያ። ቱሪ ኤ ግዳ ባይዘ ግሾ ኤ ቱሮ እጻነ። ዎርዶ ኤስ የዘ ባዝ ማቅደ ግሾን ኤ ዎርዶስ አደ ማቅደ ግሾ ዎርዶ ኦህተራ ፋፓ ኦህነ። 45 ታ ቱሮ ኦህነ፥ የዝን ይን ታና አማኖስ። 46 ይንታፓ፥ ‹ነ ናጋራ ኦቾደራ ታ ብእዳ› ጋዉደስ ዳንዳእዘ ኦደ? ታ ቱርቶ ኦህዘ ባዝ ማቅኮ ታና አኮስ አማኖስተ? 47 ጾዘ አስ ማቅደ ጾዚ ጋዛኖ ስእነ። ይን ጾዘ አስ ማቅካይዘ ግሾ ጾዚ ጋዛኖ ስኦስ» ያጋይዳ።

48 አይሁዱንꬅ ማህ፥ « ‹ነ ሳማራ አስ፤ ኔላ ቱና አያና የነ› ጋእተራ ቱሮ ኑ ባነ?» ያጋይዳ።

49 የሱሳን ኡንታጎ «ታላ ቱና አያና ባያ። ታኒ ታ አዳያ ቦንቻነ፥ የዝን ይን ታና ለቃነ። 50 ታኒ ታ ቦንቾ ኮዮስ፤ ታ ቦንችንቶደ ጋር ኮይዘን ታስ ፍርድዘ የነ። 51 ታ ይንትስ ቱሮ ቱሮ ጋነ፤ ታ ቃልቶ ናግዘ ኦደን Ꮉይቆስ» ያጋይዳ።

52 አይሁዱንꬅ ማህ፥ «ኔላ ቱና አያና የዛኖ ኑኒ Ꮉተ ኤርዳ። አብራሃማ Ꮉይቂዳ፤ ናቡንꬅን Ꮉይቂዳ። የዝን ነ፥ ‹ታ ቃልቶ ናግዘ ኦደን Ꮉይቆስ› ያጋነ። 53 ነ Ꮉይቂደ ኑ አዳይ አብራሃመፓ አꬋነ? ናቡንꬅን Ꮉይቂዳ። ነ ነና ኦና ጋእ ቆፐ?» ያጋይዳ።

54 የሱሳ፥ «ታኒ ታና ቦንችኮ ታ ቦንችታ Ꮉሪ። ይን፥ ‹ኑ ጾዛ› ጋዘ ታ አዳይ ኤ ታና ቦንቻነ። 55 ይን ኤዛ ኤራንጽኮን ታ ኤዛ ኤራነ። ታ ኤዛ ኤሮስ ጋይኮ ይን ፋና ታንን ዎርድꬋነ። የዝን ታ ኤዛ ኤራነ፤ ማህ ኤ ቃልቶን ናጋነ። 56 ይን አዳይ አብራሃማ ታ የእዘ ቃምቶ ብእ ኡፋይቶደስ አሙꬋነ፤ ብእን ኡፋይትዳ» ያጋይዳ።

57 አይሁዱንꬅ ማህ፥ «መለ አቶ የዝን፥ ኔስ እችንታም በረ ኩምካይዘ ዋይዝ አብራሃማ ብእዳ ጋኤ?» ያጋይዳ።

58 የሱሳን ኡንታጎ፥ «ታ ይንትስ ቱሮ ቱሮ ጋነ፤ አብራሃማ የልንቶዳንፓ ቲኖ ታኒ ታና» ያጋይዳ።

59 ይኒ ግሾ፥ ኡን የሱሳ ꬎጎደስ ሹች ኤክዳ። የዝን የሱሳ ኡንታፓ ገንጊ ጾዘ ኬꬃፓ ኬዚ ቅትዳ።