1 የሱሳ Ꮉንግተራ የልንትዳንፓ ኣፈ ቆቀ ማቂ የዘ ፈቲ አꬃ ብእዳ። 2 ኤ ታማሩንꬅ፥ «አስታማርዛዮ፥ Ꮉይ አꬄ ኣፈ ቆቀ ማቂ የልንቶደ ጋር ናጋራ ኦችደ ኦደ? ኤዛነ ዎይ ኤዛ የልዱንꬅ ኦችዶ?» ጋእ ኦጭዳ።

3 የሱሳ፥ «ጾዘ ኦችታ ኤላ ቆንጮደ ጋራፕ አትን ኤዚ ዎይ ኤዛ የልዱንꬅ ናጋራ ኦችደ ግሾ ባያ። 4 ሳአ አዋራ የዝን ታና ኪትደ ኦችቶ ኦቾደስ ቤዛነ። ኦደን ኦቾደስ ዳንዳኦሰ ቃማ ዮኦዳ። 5 ታ አላምተ የዝተራ አላምትስ ፎኦ» ጋይዳ። ማቶ. 5:14፤ ዋሐ. 8:12

6 የሱሳ ይኖ ጋእ ሳአላ ጩትዳ። ፋ ጩችትራ ኤራꬅ ሳአ ላክꬂ ይና ሎቅትራ ኣፈ ቆቀ አꬄ ኣፍቶ ትዥዳ። 7 የይዝ፥ «Ꮉንግ ሳልሆመ (ሳልሆመ ጋእንትዛና ኪትንትዳያ ጋኤ) ጋዘ ተቅንትደ Ꮉꬅተ ነ ኣፍቶ ማቶ» ያጋይዳ። ይኒ ግሾ፥ አꬄ Ꮉንግ ፋ ኣፍቶ ማቲ ብእተራ ማቅዳ።

8 ዶꬁንꬅን አꬄ ቲኖ ዎሶደራ ብእደ አሱንꬅ፥ «Ꮉይ በቲ ዎስዘ አꬃ ባነ?» ጋይዳ።

9 ፈቲ ፈቲ አሱንꬅ፥ «Ꮉይ ኤዛ» ያጋይዳ።

መሉንꬅ ማህ፥ «አደ፥ Ꮉይኒ ኤዛ አዛነፕ አትን ኤዛ ባያ» ያጋይዳ።

የዝን ኤዝን፥ «ዬ፥ ታና» ያጋይዳ።

10 ኡን ኤጎ፥ «ዬዝን ነ ኣፍታ ዋይዝ ብእዶ?» ያጋእ ኦጭዳ።

11 ኤ ማህ፥ «የሱሳ ጋዘ አꬄ ሎቃ ላክꬂ ታ ኣፍቶ ትዢ፥ ‹ሳልሆመ Ꮉንግ ነ ኣፍቶ ማቶ› ያጋእን፥ ታ Ꮉንግ ማቲ ብእዳ» ያጋይዳ።

12 ኡን ኤጎ፥ «ኤ አባ የነ?» ያጋእ ኦጭዳ።

አꬃይ፥ «ታ ኤሮስ» ያጋይዳ።

13 ኡን ኣፈ ቆቀ የዛራ፥ ብእደ አꬃ ፋርሳዉንꬃጎ ካንግዳ። 14 የሱሳ ሎቃ ላክꬂ አꬄ ኣፍቶ ፋꬅደ ቃምታ ሳምባታ። 15 ይኒ ግሾ፥ አꬄ ዋይዝ በኤዛኮ ፋርሳዉንꬅ ኤዛ ማህ ኦጭዳ። አꬃይ ኡንታጎ፥ «ኤ ታ ኣፍተ ሎቃ ትዥዳ፥ ማቲ Ꮉተ በእነ» ያጋይዳ።

16 ፋርሳዉንꬃፓ ፈተ ፈተ፥ «Ꮉኖ ኦችደ አꬄ ሳምባታ ህገ ናጎሰ ግሾ ጾዘ ካለፓ ይእካያ» ያጋይዳ።

የዝን መሉንꬅ፥ «ናጋራንቾ አስ Ꮉኒ ጋር ክሌ ባዝ ዋይዝ ኦቾደስ ዳንዳኤ?» ጋእ ዎል ግዳ ሻክንትዳ።

17 ይኒ ግሾ፥ ፋርሳዉንꬅ አꬄጎ፥ «ኤ ነ ኣፍቶ ቡግደ ግሾ ነ ኤባዝቶ ዋገ?» ያጋይዳ።

አꬃይ፥ «ኤ ናበ» ያጋይዳ።

18 አይሁደ Ꮉላቁንꬅ፥ ኤ እንቶን አዳያን ጼጊ ኦጮደ ዎንꬅስ፥ አꬄ ቲኖ ኣፈ ቆቀ ማቅዛኖን Ꮉተ ኤ በእዛኖ አማንካያ። 19 ኡን ኤ እንትጎን ኤ አደጎ፥ «ይን ‹ኣፈ ቆቀ ማቂ የልንትዳ› ጋዘ ይን ናአይ Ꮉያ? ዬዝን፥ Ꮉተ ዋይዝ ብእዶ?» ጋእ ኦጭዳ።

20 ኤዛ የልዱንꬅ፥ «Ꮉይ ኑ ናአ ማቅዳኖን ኣፈ ቆቀ ማቂ ኤ የልንትዳኖ ኑ ኤራነ። 21 የዝን Ꮉተ ኤ ዋይዝ በኤዛኮ ማህ ኤ ኣፍቶ ኦ ፋꬄዛኮ ኑ ኤሮስ። ኤዛ ኦጮተ። ኤ ፋና ሻክደ አስ ማቅደ ግሾ ፋ ባዝ ኦሆደስ ዳንዳአነ» ያጋይዳ። 22 ኤዛ የልዱንꬅ ይኖ ጋይዳና አይሁዱንꬅስ ዣሽትዘ ግሾ። አኮስ ጋይኮ፥ አይሁዱንꬅ፥ የሱሳ ኤ ክርስቶሳ ያጋእ ማርክꬍዘ አስ የዝኮ የ አꬃ አይሁደ ዎሳ ኬꬃፓ ባይኦደስ ቲኒ ዞረ አጭዳ። 23 ኤዛ የልዱንꬅ፥ «ኤ ፋና ሻክደ አስ፤ ኤዛ ኦጮተ» ያጋይዳና ይንስ።

24 ይኒ ግሾ፥ ቆቀ ማቂ የልንትደ አꬃ ኡን ላምእንꬃ ጼጊ፥ «ጾዛ ቦንቾ፤ Ꮉይ አꬃይ ናጋራንቾ ማቅዳኖ ኑ ኤራነ» ያጋይዳ።

25 አꬃይ ማህ፥ «ኤ ናጋራንቾ ማቅዛኖ ታ ኤሮስ። ታ ቆቀ ማቅዳኖን Ꮉተ ብእዳኖ ይኖ ፈቲ ባዝ ኤራነ» ያጋይዳ።

26 ኡን ማህ፥ «ኤ ኔስ አኮ ባዝ ኦችዶ? ኤ ነ ኣፍቶ ዋይዝ ፋꬅዶ?» ያጋይዳ።

27 ኤ ኡንታጎ፥ «ታ ይንትስ ቲኖ ኦህዳ፥ የዝን ይን ስኦደስ ኮይካያ። አኮስ ማህ ስኦደስ ኮየ? ይንትን ኤ ታማረ ማቃደስ ኮያነነ?» ያጋይዳ።

28 ኡን ኤዛ ጫዥተር ያጋይዳ፥ «ነ የ አꬄ ታማረ፤ ኑኒ ሙሴ ታማረ። 29 ጾዚ ሙሴራ ኦህንትዳኖ ኑ ኤራነ፥ የዝን Ꮉይ አꬄ ኤ አናፓ የኤዛኮን ኑ ኤሮስ» ያጋይዳ።

30 አꬃይ ኡንታጎ፥ «ኤ አናፓ የኤዛኮ ይን ኤሮሳና ጋማ ቆፍዘ ባዝ፥ ማቅኮን ኤ ታ ኣፍቶ ፋꬅዳ። 31 ጾዘስ ዣሽትዛን ኤ ኮይዘ ባዝ ኦችዘ አꬃ ጾዚ ስእነፕ አትን ናጋራንቹንꬃና ስኦስ። 32 ሳሎን ሳአ መꬍንትዳንፓ ኣፈ ቆቀ ማቂ የልንትደ አስ ኣፈ ፋꬅደ ኦደን ባያ። 33 Ꮉይ አꬄ ጾዛፓ ማቅካይዛኮ ፈትባዝን ኦቾደስ ዳንዳኦስ» ያጋይዳ።

34 ኡን ማህ፥ «ነ ኩሙꬅ መꬍንተ ናጋራር የልንት ድጭዘ ኑና ታማርሶደስ ኮያነ?» ያጋይዳ። ኤዛ አይሁደ ዎሳ ኬꬃፓ ባይእዳ።

35 የሱሳ ኡን አꬃ ባለ ከስዳኖ ስእደ ዎደ ኤዛ ደንግ፥ «አስ ናአያ አማናነ?» ያጋእ ኦጭዳ።

36 አꬃይ የሱሳጎ፥ «ላꬆ፥ ታ ኤዛ አማኖደ ጋር ኤ ኦደ? ታስ ኦሆያ?» ያጋይዳ።

37 የሱሳ አꬄጎ፥ «ነ ኤዛ ብእዳ፤ Ꮉይ ኔራ ኦህንትዘ ኤዛ» ያጋይዳ።

38 አꬃይ ማህ፥ «ላꬆ፥ ታ አማናነ» ያጋእ የሱሳስ ጎይንዳ።

39 የሱሳ፥ «ቆቁንꬅ በአደ ጋራን በእዙንꬅ ቆቆደ ጋር ታኒ ፍርዶደስ Ꮉና አላምተ ይእዳ» ያጋይዳ።

40 ኤዛራ የዘ ኤራꬅ ፋርሳዉንꬅ ይኖ ስእ፥ «ኑ ቆቀነ?» ያጋይዳ።

41 የሱሳ፥ «ይን ቆቀ ማቅዛኮ ይንትስ ናጋራ ማቆስ የሻ። የዝን Ꮉተ ይን በእነ ጋዘ ግሾ ይን፥ ይን ናጋርተ የነ» ያጋይዳ።